رواية حور الريان الفصل الثامن والثلاثون 38 - بقلم نوران محفوظ

بتتحرك بعفوية بس حركاتها كان ليها تأثير مختلف ع ريان. كان ليها تأثير كان دايما بيحاول إنه يمحيه. ريان حرك ايده بتوتر وهو بيمسح وشه ولف نفسه علشان يخرج. بس مقدرش. رجع تاني وقرب منها بهدوء وهو بيحفظ كل تفصيلة فيها وكل حركة. حور مسكت الفوطة حلو لما حست إنها هتتفك: اثبتي يا شيخة ميصحش كده. حور اتجمدت لما حست بإيد حد ع كتفها. هي متأكدة إن ده ريان بس مش عندها الجرأة إنها تلف أو حتى ترفع رأسها.

كل تفكيرها إنها إزاي واقفة قدامه بالشكل ده. ريان حرك إيده براحة ع كتفها. ومع كل لمسة يحس بإنتفاضة جسم حور تحت إيديه. ريان قرب منها أكتر وحضنها من ورا. ومسك من إيديها البرفيوم وهو بيهمس ليها: رحتك تجنن مش محتاجة أي برفيوم. حور قربة منها بالطريقة دي وهمسة ليه خلاها مش قادرة تقف. وده خلا ريان يقرب أكتر علشان يسند جسمها ع جسمه. ريان مشي إيده براحة لحد ما وصل للفوطة وشدها. وهو بيدفن راسها ف شعرها وبيشمه.

حور مسكت الفوطة بخوف وهي مش مستوعبة اللي بيحصل. حاولت تبعد عن ريان بس ريان رفعها ليه أكتر وهو بيبوس رقبتها بهدوء: متبعديش لأني مش هقدر أبعد المرة دي. أنا آسف. حور مكنش عندها وقت تستوعب هو بيقول إيه ولا حتى إيه اللي هيحصل. ريان المرة دي مش عقله اللي كان بيحركه. قلبه ومشاعره. حبيبته بين إيديه وبالشكل ده لو رفض يبقى مجنون وهو مش مجنون. هو عاشق. ريان سحب حور معاه دنيا تانية. دنيا مختلفة غريبة.

مشاعرهم وقلوبهم بس اللي ليها السيطرة. روحية بصت لشهاب بدون مشاعر وقامت وقفت وهي بتقول: هو ده اللي انت كنت عايزه مني. شهاب ابتسم بهدوء: أيوه يا رواحي. البنت كويسة جدا وبصراحة أنا بحبها. روحية ببسمة مزيفة: وانت عرفتها منين يا قلب رواحي. شهاب بلامبالاة: تبقى صاحبة حور. روحية لنفسها: أنا كنت حاسة إن البنت دي هتجيب لي مصيبة. روحية بجدية: ورانيا يا شهاب دي بنت عمك وملهاش غيرنا. شهاب ابتسم بهدوء وهو فاهم أمه كويس

وعارف عايزة توصل لإيه: بصي يا أمي رانيا دي أختي وانت عارفة كده كويس. وإن شاء الله أنا اللي هسلمها لعريسها. روحية بتنهيدة وهي بتحاول تخليه يغير رأيه أو على الأقل يتشتت: وبالنسبة لمرات عمك اللي كل عشمها إنك تتجوز بنتها ورانيا نفسها. شهاب قام قعد تحت رجل أمه ومسك إيديها: يا رواحي انت عارف إن مرات عمي مش هتزعل ورانيا نفسها مش شايفاني غير أخ. وبعدين كل حاجة قسمة ونصيب. وبعدين سما دي كويسة قوي يا أمي.

أنا أساساً اللي لفتني ليها إن لما شفتها حسيت إني بشوف روحي بس في شبابها. روحية بنزق: أنا لسه شباب يا حبيب سما. شهاب قرب وهو بيحضنها: أنا حبيبك انت وقلبك انت وانت روحي. زقته وهي بتحاول متبتسمش: كل بعقل حلوة يا ابن بطني. حضنها جامد وهو بيقول: يا رواحي قلبي وافقي بقى. انت مش نفسك تشوفى لكِ أحفاد. مش نفسك تشوفى شهاب صغير تاني. شهاب كان بيلعب على نقطة واحدة وهي حب أمه ليه.

هو عارف إنه ومتأكد كمان إنها خايفة تيجي واحدة تانية تقاسمه فيه. بس اللي متعرفوش إن الأم حاجة والحبيبة حاجة تانية خالص. وده اللي هيثبتولها. روحية سكتت شوية وهي بتفكر. هي مستحيل تقدر تمنعه إنه يتجوز. وكمان هي نفسها تشوف أحفادها وتشيلهم زي ما قال بالظبط. نفسها في شهاب صغير تاني تمر معاه بنفس المراحل. بس يا ترى لو شهاب اتجوز. لأ وكمان بيحبها هتاخده منها أكيد. ووقتة كله هيبقى ليها وهي هتبقى واجب مش أكتر.

مفيش قدامها غير حل واحد: أنا موافقة مقدمًا يا شهاب. شهاب شالها ولف بيها وهو مش مصدق إنها وافقت: يا رواحي يا قلبي انت. أنا هبوسك يا رواحي انت. روحية ضحكت ع تصرفاته. بس ده ميمنعش إنها غيرانة إن فرحته دي عشان وافقت ع البنت اللي عايز يتجوزها. أُمال لما يتجوزها إيه اللي هيحصل. شهاب مكنش مدرك تصرفه. كل همه إن أمه وافقت. وتفكيره راح في مكان تاني وهو إنه لازم في أقرب فرصة يخطبها قبل ما أمه تعمل أي حاجة. يوسف بص

حواليه وهو بيشاور للراجل: يا عم انت طلع الفرع ده شوية. الصبى بغيظ وهو بيبصله: يا أستاذ أنا بقالي نص ساعة بعلق في فرع وانت مش عاجبك بردوا. يوسف كشر وهو بيشاور ع الفرع: يعني انت شايف دي تعليقة دي بذمتك. الصبى حرك بؤه بسخرية وهو بيقوله: وماله بس بقولك إيه أنا هنزل وانت السلم أهو عندك. اطلع علق بقا زي ما انت عايز يا باشا أنا لسه ورايا شغل ياما ومش هستنى المعلم يسمعني كلمتين بسببك انت والفرع. يوسف كان هيرد

عليه بس سمع صوت ضحك جلال: والله عندك حق. روح يا بني وهو يركبه زي ما هو عايز. الصبى بتمتمة: والله ما أعرف انتوا مستحملينه إزاي. أني ماشي. يوسف بص لجلال وهو بيقوله: أنا هطلع ع السلم وانت ثبته. واوعى توقعني مش هعرف أحضر الفرح. جلال بضحك: اطلع اطلع. يوسف علق الفرع ونط من ع السلم وهو بيقول: أنا خلاص كده الفرح هيتعمل. فأنا عايز منك حاجة مهمة طبعًا هنا غير القاهرة. فأنا عايزك تشوف لي تاجر مواشي كده وتجيب لي كذا دبيحة.

انت شايف الناس هنا قد إيه ودي عاداتهم. جلال كشر وهو بيقول: طب وليه التعب ده ما نتفق مع مطعم وخلاص. يوسف بص قدامه وركن الكرسي ع جنب: بالعكس ده هيكون راحة لينا. بس المشكلة هنا في أبو العروسة عايز كل حاجة تمشي حسب عاداتهم هنا. وكمان أنا عايز أوزع دبيحة ع الفقرا اللي هنا. يعني هات ثلاثة مثلاً اتنين للفرح وواحدة للتوزيع. جلال بص له بتفكير: هنا دول هيكفوا خد بالك الناس هنا كتير. واللي مدعي واللي مش مدعي بيجي عادي.

فالأحسن تسأل حماك. يوسف هز كتفه بضيق وهو بيقول: مش عارف ألم عليه ودي مهمتك انت. غير إني ورايا حاجات كتير. المهم بعد كده يا جلال عايزك تشوف لي موضوع الفرح هنا وتشوف هنحتاج إيه بالظبط. وكمان ضيوفنا وفر لها الأماكن اللي هيقعدوا ويناموا فيه. وكمان عايز تبعت لهم عربيات تجبهم المسافة كبيرة. ولو سبناهم كده هيتعبوا وهيبقى فيها لوم وعتاب. فالأحسن نبعت لهم عربيات. استنى هرد ع الفون ده ونكمل كلامنا بعدين.

وشوف لي ريان راح فين الوقت ضيق مش هيسعفنا. جلال بص له بدهشة: أنا مش هلحق أعمل لك ده كله يا يوسف. يوسف شاور لعمار ورد ع الفون: خليك معايا دقيقة بس. عمار شوف جلال عايز منك إيه واعمله. أنا ورايا مشوار مهم دلوقتي. عمار ببسمة: أوامر يا بيه. رقبتي سدادة. جلال ضحك وهو بيقوله: تعالى أما نشوف هنبدأ بإيه في الليلة الكبيرة دي. في الليلة الكبيرة دي. ريان غمض عينيه بوجع وهو بيقولها: أنا آسف. المفروض مكنتش. حور ابتسمت

بكسوف وهي بتحاول تتحرك: عادي يا ريان. اللي حصل عادي مش جريمة أو إثم. أنا مراتك الحاجة دي حلال لينا. ريان بص لها بأسف وهو بيشيلها: وجعتك مش كده. أنا كنت عارف إن ده هيحصل عشان كده مكنتش عايز أقرب منك. حور دفنت وشها بوجع ف رقبته: قول كده بقى وأنا اللي كنت بدأت أشك فيك. ريان وقف بدهشة: بتشكي فيا إزاي. حور ضحكت بكسوف: مش قصدي أصل أصل. ريان بصرامة وهو بيبصلها: أيوه أصل إيه. حور

ضحكت وهي بتفتكر كلام شهد: أصل ماما سألتني وكده عن طبيعة علاقتنا. وانت فاهم بقى. ريان بإيجاز وهو بيكمل مشي: أيوه كملي وبعدين. حور ضحكت بصوتها كله وهي بتقوله: مش قادرة أصل يومها أنا دفعت عنك وقولت ريان مش كده. ريان بشقاوة: بقا كده يا حور ليه السمعه دي يا بنتي. حور انكسفت وقالت بتهديد: اسكت وإلا مش هقولك اللي حصل. ريان ضحك وعيونه بتضحك معاه بسعادة: لا وعلى إيه دا. أنا لو أطول كل حياتي مسمعش غير صوتك مش هتأخر.

حور بصت له بدهشة وحب وفرح ومشاعر كتير. ضحكت بدموع وهي شايفة عيونه بتضحك. يمكن قبل كده كانت بتلمع بس عمرها ما كانت بتضحك بالشكل ده. ريان بطل ضحك لما مسمعش صوتها. بصلها وانصدم من كمية المشاعر اللي في عيونها. فرفع حواجبه بشقاوة وهو بيقول: أنا مش هستحمل نظرتك دي مع عيونك العسلي. أنا ممكن أعمل حاجات هموت وأعملها بس المشكلة إنك مش هتستحملي وممكن يحصلك حاجة وأنا مش عايز كده.

أنا ممكن أعمل أي حاجة لدرجة إني ممكن مقربش منك ولا إنك تتأذي. لهجة ريان في الآخر اتغيرت لجدية بحتة وده اللي حور استغربته. ليه كان مانع نفسه عنها وليه كل شوية يقولها ابعد عنك بس متتأذيش. وليه اتنفض بعيد عنها لما سمع صرختها. هي أه موجوعة بس المفروض الوجع ده طبيعي ولا إيه. حاسة نفسها مش فاهمة حاجة خالص فسكتت وهي بتمنع نفسها بصعوبة إنها تسأله. بس مش لازم دلوقتي لأنها كده هتدمر اللحظات دي. حور غيرت هدومها هي وريان.

ريان مركز معاه ومع كل حركة بتعملها. حور حاولت تمشي عادي بس كانت حاسة بوجع جامد. فحاولت تلهي ريان عنها وهي شايفاه مركز معاها بالطريقة دي. خايفة يرجع يلوم نفسه تاني. ريان. ريان بصلها وهو مستني تكمل كلامها. حور قالت: هو انت مجبتش إيشارب. ريان هز رأسه: لااا. انت احمدي ربنا إن الهدوم دي وصلت. ده يوسف شوية كمان وكان هيجي يخنقني. حور بصت له بحيرة وهي بتبص ع رقبتها: طب هعمل إيه دلوقتي. ريان ضحك وهو بيقولها: اتصرفي. أنا مالي.

حور رفعت حاجبها: بقا كده. ريان ابتسم وهو بيهز رأسه: أيوه كده وخلصي. لأن مش هينفع أسيب يوسف أكتر من كده. ده أكيد لبس في حيطة. حور حركت شفايفها بسخرية وهي بتمشي براحة للدولاب وبتطلع قميص من هدومه: أصل مش عارف إيه. ريان قرب منها وهو بيقول: بت انت بتبرطمى تقولي إيه. حور بسخرية: مش بقول يا أخويا مش بقول. ريان فرق جبينه بتفكير: انت لسه مقتنعة إني أخوكي. مقفكش الإثبات اللي خدتيه في الأوضة دي وخاصة على. حور كشرت بكسوف: وقح.

ريان ضحك بصوته كله وهو شايفها رايحة ناحية الحمام: على فكرة أنا ممكن أساعد عادي ما هو خلاص كل شيء بان. حور من الحمام بصوت عالي: رياااان. ريان ضحك وهو بيقول: خلاص خلاص يا قلب ريان. رشا ضحكت من قلبها وهي بتقول: هههه الله يكون في عونك. هناء ضحكت وهي بتهز رأسها بيأس: يا رشا المشكلة عندي إن حور تربيتي وشهد تربية محمد. أنا عارفة إنه غلط من الأول بس أعمل إيه. كنت بحاول أعوض حور عن محمد. رشا هزت رأسها بنفي: بس ده غلط يا هناء.

بسبب كده أكيد شهد حست إنك مش بتحبيها. هناء ابتسمت بوجع: وأنا كان في إيدي إيه بس. أنا بحاول أعوضها. رشا بنفي وشرود: مهما حصل هتفضل دايما شايفة إن حور المميزة عندك وبس. حاولي توضحي ليها وجهة نظرك. فهميها إنها وحور بالنسبة لكِ واحد. هناء هزت رأسها بتفهم: مقولتيش انتي مجبتيش أطفال بعد يوسف ليه. رشا بحزن: أنا خلفت قبل يوسف ومات وهو ابن يوم واحد. وأنا أساساً الرحم عندي ضعيف.

ولما ابني الأول مات اتلهيت ومأخدتش وسيلة وحملت في يوسف. ومعرفتش غير وأنا في التاني والمفروض أتابع مع الدكتور من أول أسبوع. أنا فضلت آخد في يوسف تثبيت لحد التامن. وبعدها الدكتور حذرني إني أحمل تاني وسامح كمان رفض. ورغم كده حملت بس مكملش. وحمدت ربنا ع يوسف. هناء بأسف: آسفة يا رشا. وبعدين بكرة يوسف يملى البيت عليكم عيال. محمد دخل وهو بيقول: أزيك يا مدام. رشا ابتسمت بهدوء: الله يسلمك يا محمد بيه.

محمد بإيجاز: هناء تعالي عايزك. هناء بصت لمحمد بغيظ وبصت لرشا باعتذار. ورشا هزت رأسها بتفهم وقامت وهي بتقول: طب أنا هشوف سامح وأسأله الضيوف هيوصلوا إمتى. محمد بص بطرف عينه لهناء اللي منتظرة يبدأ كلام. وأول ما فتح بؤه قاطعته وهي بتقول بتحذير: هتقولي بنتك أو جوز بنتك أو المكان همشي وأسيبك يا محمد انت حر. ابتسم ببرود وهو بيقول: طب عرفتي يا ست هانم بنتك سابتنا وراحت فين. هناء وقفت وهي بتصرخ بغضب: محمد. بص أنا مش هنفعل.

أنا همشي قبل ما أنجلط. محمد بص عليها وهي ماشية بغيظ وقام طلع هو كمان برا. شاف حور وريان وهما جاين وبيضحكوا. فوقف مستنيهم يقربوا. ريان بتنهيدة: يا بنتي كنت شلتك بدل ما انت مش قادرة تمشي. حور وهي بتبصله: يا رينو أنا كويسة هي رجلي اللي وجعاني شوية. ريان بصلها وهو عارف إنها بتكذب. وحرك رأسه وهو بيبصلها بتركيز: متأكدة. حور ابتسمت بخجل وهي بتعدل لياقة قميصه اللي لبسته تحت الفستان: آه.

حور بصت له بتركيز وهي مش عارفة إزاي تقوله إن أهلها هنا. ريان لاحظ نظراته دي وبصلها بإهتمام: في حاجة عايزة تقوليها يا حور. حور هزت رأسها بأيوه وقالت بحذر: أصل أنا لما كنت في المستشفى اتصلت بهنون وعرفتها وبالتالي بابا عرف. ولما خرجت خرجت ع بيت بابا بس يعني صممت إني أجي هنار. ريان بص له بنفاذ صبر: قولي يا حور اللي عايزة تقوليه من غير مقدمات يا حبيبتي أنا مش فاضي. حور غمضت عينيها وهي بتقول بسرعة: بابا وماما وشهد هنا.

ريان بصلها وهو بيحاول يسمع اللي هي بتقوله كويس: قصدك إن أهلك هنا. حور ابتسمت وهي بتهز رأسها بأه. ريان غمض عينيه وهو بيقول: كانت ناقصة محمد بيه. حور بصت له بإهتمام: قولت حاجة يا ريان. ريان ضمها وحوطها وهو بيقول: عادي يا حبيبتي يشرفوا. حور بتردد: بس أنا متوترة وخايفة يا ريان. لأن. وسكتت. حور معرفتش تكمل لأنها هتقوله خايفة من أبوك فهيتعصب عليها. فسكتت أفضل. ريان فاهم هي عايزة تقول.

فهز كتفه بلامبالاة: اللي هيحصل هيحصل يا صدفتي. متشغليش دماغك انتي وروحي استريحي يلا لأني ورايا شغل كتير. حور ابتسمت بحنان وهي بترفع رأسها من تحت دراعه وبتبص لفوق وبتقوله: بس أوعى تنساني وسط انشغالك ده زي ما عملت كده. ريان فاهم هي بتلمح لإيه. فقال بمغزى: لولاكي انتي مكنتش هبقى موجود دلوقتي. حور غمزت له وهي بتقوله: متفكرش إن ده هيعدي بسهولة يا باشا تمام. ريان ضربها بمرح ع دماغها وهو بيقولها: يا بت اعقلي. حور ضحكت

وهي بتضم نفسها ليه أكتر: طول ما أنا هنا مستحيل أعقل يا باشا. ريان ضمها وهو بيقول: وأنا عايزك كده يا عيون الباشا. حور رفعت رأسها بغرور وهي بتقول: بس متنكرش إني شخصية وعاقلة في نفس ذات الوقت. ريان ضحك وهو بيقولها: آه في نفس ذات الوقت. ادخلي يا حور ادخلي. حور بصت له بحيرة: أدخل فين. أنا عايزة أشوف عيلتي الأول. ريان شاور ع الملحق: ادخلي. الملحق الأول ممكن يكونوا هناك. هزت رأسها وخرجت

من تحت دراعه وهي بتقوله: ماشي يا رينو. ابتسم وهو بيقولها: جننتى رينو. حور ابتسمت بسعادة وهي حاسة بسعادته وفرحته. ريان نادى عليها قبل ما تدخل وقال بتحذير: ملكيش دعوة بحد. متختلطيش بحد يا حور ومتتعامليش مع حد أكتر من سمر. حور ببسمة: حاضر يا ريان. خلي بالك من نفسك وابقى افتكر إنك متجوز. ريان بغمزة: ودي حاجة تتنسي. حور دخلت بسرعة وهي بتقول: وقح. ريان مشي وهو بيتكلم في التلفون: وصلتوا لحد فين.

إزاي أنا طالب الحاجات دي من بدري ساعتين بالكثير والحاجات تكون موجودة. يوسف قرب منه علشان يتخانق معاه بس سمعه بيزعق. فوقف على ما يخلص كلام. يوسف بتسأل: حاجات إيه. ريان مشي قدامه وهو بيكتب حاجة ع الفون: لا دي قاعدة بسيطة كده هنعملها هنا. يوسف بعدم فهم: قاعدة إيه. ريان كشر وحط تلفونه في جيبه: لااا دي قاعدة بسيطة للرجالة. ريان اتكلم وهو بيشاورله: مساحة الجنينة هنا كبيرة فكده أفضل.

المهم أنا كملت تاجر مواشي يجبلنا تلات دبيح ليوم الفرح والأيام التانية هنقضيها أوردر أحسن ولا انت شايف إيه. وكمان أنا مش عاجبني الزينة دي. دي حاجة تقليدية. فأنا اتصلت بـ wedding organization على وصول كده هيقضوا الأيام دي هنا وهيهتموا هما بالحاجات دي. ريان كان بيتكلم وهو دماغه مشغولة في اللي هيعمله وإيه اللي ناقص. واستغرب لما مسمعش صوت يوسف. فلف يشوفه فلقاه واقف مكانه. فحرك رأسه بمعنى فيه إيه. يوسف اندفع وهو

بيحضنه بفرحة وعيونه بتدمع: شكراً. ريان حضنه بهدوء وهو بيطبطب ع ضهره. وبعده عنه وهو بيقول بعتاب لطيف: إيه شكراً دي يا يوسف. انت عارف إنك زي عمار بالظبط بالنسبة ليا ويمكن أكتر كمان. فإيه لازمته شكراً دي. يوسف ضحك وهو بيمسح دموعه: الواحد بقت دمعته قريبة قوي مش عارف ليه. ريان ضربه بخفة وهو بيقوله: طب يلا تعالى معايا علشان عايز كشف المعازيم وكمان نشوف هنعمل إيه كمان. أُمال فين جلال وعمار. يوسف ابتسم

بفرحة وهو بيقول بلامبالاة: مش مهم. هنكلمهم نعرف هما فين. سامح حط إيده ع كتف محمد اللي كان مركز مع ريان وهو بيكز ع سنانه بغيظ. أول ما حس بإيد ع كتفه التفت وهو بيقول: سامح! فيه حاجة. سامح ببسمة خفيفة: شيل ريان من دماغك وخليه مطمن ع بنتك معاه. راجل هيصونها وهو بيحبها وهي واضح إنها بتحبه. محمد بتنهيدة: ما هو ده اللي مخليني مش قبله. سامح بحاجب مرفوع: إنه بيحب بنتك. محمد بنفي

وهو بيفتكر تأثيره ع بنته: لا إنها هي اللي بتحبه. سامح بص له بيأس: اكسب ريان وخليه ابن ليك يا محمد. وحقيقي ده هيبقى من حظك. محمد بص له بغيظ: الولد ده مستفز بيجنني. لو اتكلم انت مش متخيل أنا بقوله متقولش يا والدي لقيته بيقول ماشي يا بابا. مستفز. مجرد إني بشوفه بيركبني عفريت. سامح ضحك بصوته كله وهو مش مصدق تصرفات ريان: ريان ده مش معقول. بس بردوا أنا لو كان عندي بنت مكنتش هجوزها غير ليه.

وخليك عارف إن بنتك بتحبه ومش بعيد تكون جد قريب. محمد انتفض بغيظ: بعد الشر. ابقى جد من ده. سامح طبطب ع كتفه وهو بيديله ضهره: انت اللي مش عاطي نفسك فرصة تتقبله في حياتك. انت شايف حور ولد مش بنت. شايفها حق ممتلك وده غلط. حور بنت وليها الحق إنها تكون أسرة بعيدة عنك ويبقى ليها حياة خاصة. ورغم كده لسه سندك. لو واحد غير ريان كان قالها مفيش شغل أو على الأقل يخليها تقلل ساعات الشغل. بالعكس أنا اللي شايفه غير كده.

بلاش الغيرة دي. أنا عارف إنك غيران ع بنتك وحقيقي عندك حق. محدش يبقى عنده بنت زي حور وميغار عليها. بس من حقها تفرح وتحب وتتحب. يلا تعالى نشوف أبو العروسة. انت عارف إني أخويا الكبير لسه مجاش وأنا بعتبرك أخ ولا إنت رأيك إيه. محمد ابتسم وهو بيبعد كل كلامه عن تفكيره عدا آخر جملة وبيقول: أكيد يا سامح. عيب عليك انت أكتر من أخ. هناء ابتسمت وهي شايفه حور بتقرب منهم. ووقفت وهي بتقول: كده يا حور تقلقيني عليكي.

وبعدين مالك باين إنك مش قادرة تمشي. حور ابتسمت ليها وهي بتحضنها بحب: معلش يا ماما. مكنش قصدي أقلقكم. هناء ابتسمت بس كشرت باستغراب وشدت حور تاني لما لقتتها بتبعد وهي بتقول باستغراب: ريحتك غريبة يا حور. حور بعدت عنها ورفعت إيديها وهي بتشمها: مالها ريحتي بس ما هي. هناء ضحكت بخبث: أيوه ما هي إيه. اقعدي يا حبيبتي واضح إنك تعبانة. حور بصت لها بكسوف لما عرفت هي بتلمح لإيه. رسمت ع وشها الوجع: آه يا هنون رجلي وجعاني شوية.

هناء ضحكت بمكر: آه يا حبيبتي اقعدي عشان رجلك متوجعكيش أكتر. بس سلمي ع طنط رشا الأول. حور بصت لامها بنفاذ صبر وابتسمت بمجاملة: ازيك يا طنط. رشا بصت لها بلهفة: هي دي مرات ريان يا هناء. هناء هزت رأسها بأه وهي بتبادل حور نفس النظرة. رشا حضنتها بحب وفرحة. وحور مستغربة ده لدرجة إنها محضنتهاش. وبصت لامها بتسأل. أمها شاورت لها بعنيها وحور فاهمة ده. وحضنتها وبعدت عنها بلطف. رشا حست إنها اتصرفت بإندفاع

فحاولت تتكلم وقالت: أنا أم يوسف. حور ابتسمت وهي بتقول: انتي ماما يوسف. اتشرفت جدا بمعرفتك. رشا كان نفسها تقولها اقعدي جنبي لأنها حاسة بريحة ريان فيها. بس محرجة تقولها. حور قعدت جانبها علشان تبعد عن أمها ونظرتها. ورشا فرحة جدا بكده. وتلقائي اترسمت ابتسامة ع وشها. هناء دققت في حور وهي بتتمنى إن اللي في بالها يكون حصل: هو انتي قبلتي ريان. حور تلقائي بصت لامها وهي بتبتسم: أيوه يا ماما. حور لاحظت نظرة أمها فسكتت بغيظ.

وهناء ضحكت وهي بتقولها: أنا قولت كده لما شفت القميص اللي انتي لبساه مش قميصه برده. حور بصت لامها بنفاذ صبر وهي بتقول: خلاص بقى يا ماما هقوم والله. رشا ضحكت عليهم. حقيقي كان نفسها في بنت تكملها وتشاكس فيها. خلاص بقى يا هناء متكسفيهاش. هناء ضحكت وهي بتغمز لرشا: أصل ريان محترم ومش بيعمل كده. حور قامت بنرفزة وكسوف وهي بتبص لامها بغيظ: أنا قايمة أشوف سمر. حور مشت خطوتين وبصت لامها لقتها بتضحك لسه. فمشت بنرفزة: يوووه بقى.

رشا ضحكت بصوتها كله وهي بتقول: انتي مصيبة يا هناء. حور مشت وهي بتبرطم بكلام مش مفهوم ومكسوفة من اللي حصل. شافت ريان قاعد وجنبه يوسف. وواضح إنهم بيتكلموا في موضوع مهم. حور ابتسمت تلقائي وهي شايفة ريان ماسك قلم وبلعب ف شعره وبيتكلم. واضح قوي إنه غارق في التفكير. مفكرتش لحظة وهي بتفتح فونها عشان تصوره. ريان لقى يوسف بيشاور له ولف وشه يشوف إيه. في اللحظة دي حور كانت لقطة ليه صورة. ضحكت بفرحة وهي بتبص للصورة وليه.

ريان ابتسم ليها وهو بيشاور ليها بإيده. حور ضحكت قوي وهي بتدخل وبتعمله باي. ريان رجع يكمل كلامه مع يوسف وهو مبتسم. واتنهد وهو بيقول بهمس: ربنا يحفظك ليا. حور دخلت بحرج وهي مش عارفة تروح فين أو تيجي منين. والمكان في حالة حركة. الكل شغال ومفيش حد فاضي وصوت أغاني وناس بتسقف. حور ضحكت بفرحة وهي حاسة بسعادة غريبة متملكة منها. وأول ما شافت نادية شاورت لها وهي بتفتكر اسمها: نادية. نادية. نادية بصتلها باستغراب. وأول

ما قربت ضحكت وهي بتقول: حور مش كده. حور ضحكت وهي بتقولها: أيوه يا ستي حور. نادية ابتسمت وهي بتقولها: عايزة سمر أكيد. ما هو انتي مرات أخوها. حور استغربت لقب مرات أخوه. يمكن عشان هي مش حاسة إن العيلة دي مش عيلة ريان. بعد عنهم وهما كمان. أو لأنها اتعودت ع إن سمر صاحبتها وبس: أيوه يا ستي. مقولتيش بتعملي إيه هنا. نادية ضحكت بكسوف: أنا أي فرحة بروحه عشان آكل براحتي. حور بصت لها وهي مش مستوعبة هي بتقول إيه.

وبعدين ضحكت: يا مجنونة. طب قول لي أكلتي. هزت رأسها بتذمر: لااا. أنا عارفة سلوى بخيلة أكيد مش هتوكلني. هو انت مش مرات الكبير بتاع البيت ده. هاتي لي أكل. حور ضحكت تاني وهي بتشاور ع نفسها وبتقولها: أنا مرات الكبير أه. بس ممكن أساساً ميوكلنيش أصلي غير مرحب بيا. قولي لي سمر فين. نادية ضحكت بغباء وهي بتقول: أنا هعرف منين. أنا كنت بدور ع أكل مش سمر. حور بصت لها بذهول وهزت رأسها بيأس: امشي يا بت من هنا. نادية

ضحكت وهي بتشاور ع إنجي: دي بنت عمها. اسأليها. حور بصت لها بهدوء وهي بتقول: إنجي. طب اعملي فيا معروف واسأليها إنتِ. نادية هزت رأسها وهي بتبعد عنها: لااا. دي بنت رافعة مناخيرها في السما. أنا هروح أكمل المهمة اللي جيت عشانها. حور هزت رأسها بيأس وبصت لإنجي وقربت منها: إنجي. بصت لها بهدوء وهي بتقول بضيق: نعم. حور ابتسمت بزيف: أُمال سمر فين. إنجي بكبر: معرفش. هحرسها أنا. حور بصت لها بذهول: أنا بسأل عن مكانها عادي.

إنجي شاورت ليها ع سلوى: عندك أمها أهي. روحي اسأليها. حور بصت مكان ما بتشاور ومشت خطوة ورجعت ابتسمت وهي بتقول: عقبالك. أه سورى متوقعش حد ممكن يبصلك. بس حقيقي في مغفلين كتير. شوفيلك واحد منهم يا حلوة. حور مشت وهي بتقول: إيه البنت دي برميل رخامة. يا ستار يا رب. إنجي نفخت بغضب وهي بتبصلها بشر. حور قربت من سلوى وهي بتقول: طنط سلوى. سلوى كانت واقفة بتدي تعليمات للشغالين. وأول ما سمعت حد بينادي عليها بصت لحور بتركيز

وهي بتفتكر شافتها فين: انت البنت اللي جات مرة هنا قبل كده. حور رغم إنها محبتش أسلوبها إلا إنها هزت رأسها بأيوه. سلوى لوت شفايفها بشعبية: ومرات المعدول. حور بصت لها باستنكار. هي ممكن تتهون في حق نفسها. إنما حق أي حد يقرب لها أو يخصها لااا. ما بالك بقى بريان: عفواً. أنا مرات ريان. ريان الشرقاوي يا سلوى هانم. حور نطقت آخر كلمة بسخرية شديدة وده غاظ سلوى. فقالت بسخرية: وأنا هستنى إيه من مرات واحد مسخ زي ده.