رواية حور الصعيد الفصل الخامس 5 - بقلم منة السيد

فارس ابتسم لها وقعد معاها. بعد ما خلصوا أكل، دخلت جري وخدت فارس في إيدها زي العيال الصغيرة. دخلت الأوضة وشغلت التليفزيون وجابت سبونج بوب وفضلت قاعدة قظامة وبتضحك بطفولة. وفارس كان بيبصلها ومبتسم أوي وفرحان إنها مش خايفة منه. شويه وسبونج بوب خلص. فارس قام وقفّل التليفزيون وقال: فارس: حور يلا عشان ننام بقى. حور وهي بتتاوب: ماشي بس هنام فين؟ فارس بابتسامة ومشاكسة: جنبي.

حور بطفولة: لا بص أنا هنام على السرير وانت نام على الأرض. فارس: لا هتنامي جنبي. وراح شايلها من على الأرض ونيمها على السرير وحضنها. فضلت تقاوم شوية ولأنها عايزة تنام نامت. واستسلمت في حضنه اللي تقريباً حست فيه بالأمان. تاني يوم صحيت لقت فارس حضنها ونايم. حاولت تقوم معرفتش، كان مكلبش فيها جامد فاستسلمت وفضلت عقبال ما يصحى. فضلت تتأمل ملامحه الرجولية ولقيت الخفة اللي مخلياه وسيم أكتر ما هو وسيم. شويه وبرضو مصحاش.

فضلت باصة في السقف شوية لحد ما سمعت صوته بيقول: صباح الخير. حور: صباح النور. وأكملت بطفولة: أنا صحيت وحاولت أقوم لكن معرفتش، فضلت مستنياك تقوم. وراحت قايمة داخلة الحمام وغسلت وشها وطلعت. حور: احم أنا نسيت أجيب الهدوم، أعمل إيه بقى دلوقتي؟ فارس: متعمليش حاجة، هبعت عم عبد المجيد يشتري لك. ومسك الفون ورن على عبد المجيد. فارس: الو يا عم عبد المجيد. عبد المجيد: ......... فارس: بص كنت عايزك تجبلي شوية حاجات كده للمدام.

عبد المجيد: ......... فارس: هي سنها 18. عبد المجيد: ......... فارس: خلاص ماشي باي. وقفل معاه. ووجه كلامه لحور: ساعة بالكتير وهيجيب الهدوم. حور بابتسامة: ماشي شكراً. تسريع الأحداث. عبد المجيد جاب اللبس لحور وفارس كان عنده أصلاً لبس في الشقة هنا فالموضوع كان سهل. عدى أسبوع على حور وفارس هنا، وحور بدأت تتعلق بفارس وحتى مبقتش بتعرف تنام غير لما يحضنها أو ينام جنبها. وحب فارس لحور وعشقه ليها بيكبر كل يوم عن اللي قبله

(يعني كان أسبوع عنب) في شقة في عمارة القاهرة. تليفون فارس رن باسم هنيه. فارس: الو. هنيه: يا والدي في حاجة. هنيه بكذب: الحجيني يا والدي البت بنتك شكلها كده تعبانة من الصبح بترجع، خد كلمها. إيمي بتعب مصطنع: كح كح الو يا بابي أنا حاسة إني تعبانة وبطني وجعاني. فارس بخوف وهلع: أنا جاي يا حبيبتي مسافة السكة. وقفل. حور استنت لما خلص المكالمة. حور: فارس في إيه؟ فارس: قومي البسي بسرعة إيمي تعبانة، لازم نروح.

حور دخلت لبست وفارس كمان لبس. ونزلوا جري وأخدوا العربية ومشوا. في الطريق فارس كان مزود السرعة على آخره. بس في عربية كانت بتزنق عليهم وهو بيحاول كل شوية يسرع أكتر لحد ما بووووووووووم.