رواية حور الصقر الفصل الحادي عشر 11 - بقلم دنيا ثروت

مسك إيديها جامد، ولما كانت هتتكسر قال: = انتي قد القلم ده ياحتة زبالة. وضربها قلمين ورا بعض. الباب بيخبط، ساب إيديها وقال: = دلوقتي تشوفي مين الزبالة. بيفتح الباب، وبتدخل واحدة تشبه الراقصات. هايدي بضحكة صايعة قعدت على السرير. حور أول ما شافتها خافت، وحاولت تقوم من على الأرض واتكلمت بضعف: = مين دي؟ مين؟ صقر بيقفل الباب تاني، وبيروح لها وهو بيقلع الجاكت: = دي بقي اللي هتديني حقوقي اللي انتي متديهاش. حور بصدمة:

= انت بتقول إيه؟ لا مستحيل تعمل كدا يارعد. طلعها برا، طلعها! وصرخت بصوت عالي: = اطلعوا اطلعوا كلكم برا! طلعت العيلة كلها على الصوت، وهايدي مكنتش عارفة تتصرف غير إنها تنسحب بهدوء وتمشي. ثريا بتمثيل الزعل: = إيه اللي حصل؟ إيه؟ صفوان بصوت عالي: = كله ينزل لتحت، كله. وبص لصقر: = حتى انت انزل. صقر: = دي مراتي وأنا مش نازل وسايبها. صفوان: = وأنا قولت هتنزل يعني هتنزل. صقر مردش يطول في النقاش ونزل. صفوان راح لحور، وهي كانت

بتعيط ومنهارة وعمالة تصرخ: = مش عايزة حد، مش عايزة أشوف حد. انزلوا انزلوا كلكم. قرب يطبطب عليها، ولكن لقاها اتوجعت. لاحظ على دراعها علامات ضرب، وعلى وشها. اتكلم بكل طيبة: = حور، أنا جنبك. باباكي جنبك. حور عقلها استوعب كلمة بابا: = بابا؟ بابا؟ وعيطت وانهارت: = خدني من هنا، خدني! صفوان وهو بيبوس دماغها: = صدقيني هاخد حقك منه، وكل اللي حصلك مش هيحصل تاني. صدقني. ثريا بضحك:

= ههههههه. تلاقيها دلوقتي منهارة وبتعيط زي الأطفال. هدي: = يلهوي، ده انهارده يوم عظمة الواحد كان بيتمناه بقاله كتير. ثريا وهي بتشرب العصير: = إيه ده؟ انتوا ما أخدتوش عصير؟ ودت لماريهان وهدي. ماريهان: = شكراً يامرات عمي. وشربت العصير. وبعد عدة دقائق ماريهان وقعت على الأرض، وفي مادة بيضاء بتنزل من فمها. صفوان نزل تحت ونده على صقر في المكتب. صفوان بيضرب رعد بالقلم: = إيه اللي انت عملته ده؟ إيه؟ صقر:

= عايزني أعمل إيه يعني؟ أنا بكرهها، وانت عارف. صفوان: = ليه؟ ليه تكرهها؟ هي عملتلك إيه؟ صقر: = كفاية إنك كتبت كل حاجة باسمها. انت اللي عملت كدا. صفوان بصوت عالي وعصبية اتجه للمكتب وطلع براويز: = شايف دي؟ شايفها كويس؟ ورماها على الأرض: = لو كنت تفتكر إزاي هي ربتك مكنتش عملت كدا. وكمل بصوت أعلى: = حور في إيديها تسجني، ياصقر. افهم بقا!