رواية حور الصقر الفصل الثاني عشر 12 - بقلم دنيا ثروت

صفوان بصوت عالٍ وعصبية اتجه للمكتب وطلع برواز: شايف دي؟ شايفها كويس. ورماه على الأرض: لو كنت تفتكر إزاي هي ربتك مكنتش عملت كده. وكمل بصوت أعلى: حور في إيديها تسجني يا صقر، افهم بقى. صقر بصدمة: انت بتقول إيه؟ يعني إيه خدامة تسجنك؟ انت بتقول إيه يا بابا؟ صفوان وهو بيقعد على كرسي: انت مش فاهم أي حاجة ولا هتفهم، بس اللي أقدر أقوله إنه حور لو عرفت السر يا صقر كلنا، كلنا هننتهي، صدقني. صقر: قول، قول إيه هو السر، قول.

صفوان: اطلع برا يا صقر، سيبني لوحدي. صقر مردش يطول في الموضوع وبالفعل طلع برا. في المكتب. صفوان ودموعه بتنزل ولأول مرة في حياته: أعمل إيه؟ مكنش قدامي حل غير إني أعمل كده. عملت كل حاجة عشان تبقي ملكي، قتلت وقتلت وكل حاجة تتخيليها يا شهيرة، وفي الآخر مشيتي وسيبتيني. ثريا بصريخ: الحقو، الحقو! مريهان بنتي، الحقو! انجووني أرجوكم. صفوان فتح المكتب وطلع على فوق وصقر كان فوق بيحاول يفوقها.

حور دخلت عليهم الأوضة شافت لهفة صقر على مريهان، حاولت تخبي كأنه شكة دبوس شكتها. قربت منهم: صقر، لازم تدخل في بوقها ميه عشان ترجع السم ونعرف نلحقها. صقر بصوت عالٍ: اطلعي برا، اطلعي. وبص تاني لمريهان بحب: حبيبتي قومي، قومي انتي قدها. هدي: صقر، جرب اللي هي قالته أحسن ما احنا واقفين مبنعملش حاجة. وبالفعل عمل كدا ومعظم السم خرج والإسعاف جالو وخدوها وودوها المستشفى، والعيلة كلها راحت وصفوان مسابش حور لوحدها وخدها معاه.

بعد عدة ساعات في العمليات. صقر جري على الدكتور بلهفة. الدكتور: متقلقش يا صقر بيه، احنا أنقذناها. بس اللي عمل الإسعاف الأولي هو اللي ليه الفضل بعد ربنا، عرف إزاي يتصرف ويستحق التقدير. عن إذنك. وصقر بص على حور واتقدم ليها خطوة: شكراً. حور وهي بتبص بعيد عن عينه: على إيه، محصلش حاجة. صقر وقرب لودنها: اديكي شوفتي لهفتي على حبيبتي، لو تكرمتي ووافقتي أطلقك، هطلقك دلوقتي. أديكي أي قرشين وتغوري، إيه رأيك. حور بدموع.