رواية حور و تميم الفصل الرابع عشر 14 - بقلم رحمة ايمن

مين؟ مرفت: أنا يا تميم يا ابني. اسراء: ازيك يا تميم، جينا نزور اختي وأطمن عليك، أقصد نطمن عليك عشان ما جتش الشغل النهاردة. مرفت: إيه هنقف بره كده كتير؟ تميم: إيه الموضوع مدايقك؟ اسراء ومرفت: ... "بلا مبالاة" تميم: ادخلوا. تجري اسراء، لداخل بمرح دون أمها لرؤيتها هذا المكان لأول مرة، فتجد حور أمامها. حور: كنت بنضف السفرة وبشيل الأطباق. لقيتها في وشي فوقعت الأطباق مني! نفس الخوف ونفس ضربات ووجع قلبي!

اسراء: ست حور اللي أخدت راحتها ومكاني في البيت ده! حور: "بقلق" اسراء! اسراء: مفاجأة مش كده؟ وقفنا بصين لبعض، لكن طبعًا كل واحد ونظرته. وبعدها دخل تميم ومرات أبويا. مرفت: ازيك يا حور. حور: "بإحمرار وتوتر" أهلاً يا طنط مرفت. في حاجة حصلت؟ إيه الإزاز ده؟ حور: "بديق لاعتذارها" أنا آسفة هشيله دلوقتي. تميم: حووريه أنا قلت لك إيه من شوية. حور: "تجلس على الأرض وتمتلئ عيونها بدموع" هشيله الأول، هشيله.

مقدرتش أركز في حاجة تاني والحالة العصبية وقتها جتلي تاني، كنت خايفة ومرعوبة عشان شيفاهم قدامي من جديد. لقيته جيه وقعد جنبي وبيشيل معايا. حور: تميم! تميم: شيلي وإنتي ساكتة. بصيت لإسراء لقيتها هتموت من الغيظ وبصت لـ طنط مرفت. قلت لها: اهدي ومتعمليش مشاكل. وبعدها أخدتها لصالون وسبوني أنا وهو بنلم الحاجات اللي اتكسرت. تميم: متخفيش، أنا جنبك ومحدش هيقدر يلمسك طول ما أنا موجود. حور: "بنظر له" كل ده حصل بسببي أنا، اس...

تميم: لو طلعت منك يا حوريه هدب وشك ده في الإزاز. حور: "بوضع يدها على فمها وصمت" ... تميم: هبلة. حور: متغل... تميم: هااا. حور: حاضر هسكت. قعدنا في الصالة في صمت تام. رغم وجودهم، إلا إنه كان جنبي في نفس الكنبة وده لوحده كان مهديني ومطمن قلبي. وبعدها كسر الصمت وقال بجدية: تميم: أنا هطلع فوق أشوف ورق مهم، وإنتي يا حوريه اعملي شاي أو أي حاجة تتقدم. حور: "بصعوبة في نطقها" حا... ضر.

كنت خايفة يسيبني لوحدي هنا، كنت عايزة أمسك في دراعه وأحوط إيدي بيها كطفلة صغيرة وأترجاه ميتحركش من مكانه، متمشيش بالله. اسراء: شايفة يا ماما عايشة في إيه، كان مفروض كل ده يكون ليا أنا، أنا بكرها بجد. مرفت: من حقك تضايقي، خصوصًا إنه عامل زي الأسد ومحاوطها من كل الاتجاهات ومش هنعرف نأذيها بحاجة النهاردة، فاهدي خالص. اسراء بحرقة: بس يا ماما! مرفت: شش، جاية دلوقتي، اسكتي.

جيت بصينية المعجنات والشاي والحاجات اللي شوفتها لازمة لضيافة، مهما كان احترام الضيف واجب ودي عادة اتعودت عليها من صغري. حور: الشاي. اسراء: الشاي ده هيتحدف في وشك لو مغورتيش من قدامي دلوقتي. حور: ... مرفت: "بهمس وديق" اسراء! اسراء: يا ماما أنا مش طايقاها بجد! مرفت: اخرسي يا اسراء. اسراء: "بديق وصمت" أووف. مرفت: معلش يا حور، اسراء متضايقة من الصبح بس. حور: مفيش حاجة يا طنط، متعودة عليها.

قعدت وأنا ملامحي كلها مولعة نار. وبعدها تحولت لبوتجاز أو بركان هينفجر، أو ما قالت الكلمة دي وقامت. اسراء: هروح أشوف تميم محتاج مساعدة في الشغل ولا لأ. مرفت: "بابتسامة أخفتها" عيب يا بنتي كده، مينفعش. اسراء: لأ يا ماما هشوفه محتاج حاجة بس، وأنا إيده اليمين في الشغل فـ عادي، عن إذنك يا حور. حور: ... اسراء: عن إذني! هي بتكلم بجد!

دي زودتها أوي وهبت منها المرة دي. يعني قبل كده اسكت إنك عرضتي عليه الرقص قدامي وقام معاكي وإني كنت قرطاس لب في النص، ودلوقتي عايزة تطلعي لي الأوضة وأنا قاعدة. إنتي بتستعبطي بقى! ليه مش عارفة أقوم أجيبها من شعرها يا ربي! لأ بجد مش قادرة، هموتها! مرفت: قايمة رايحة فين؟ حور: احم، هروح أجيب حاجة من الأوضة وأجي. مرفت: اقعدي، عايزين نتكلم شوية. حور: بس... مرفت: حور بقولك عايزة أتكلم معاكي شوية، مسمعتيش ولا إيه؟!

حور: "تجلس وداخلها وقود يشتعل في قلبها وخوف تراكمات من الماضي مع زوجة أبيها" _طق طق طق. تميم: ادخلي يا حوريه. اسراء: "بديق" وإذا ما كنتيش السنيورة. تميم: "بغضب" إنتي إزاي تسمحي لنفسك تدخلي هنا! اسراء: تميم عشان خاطري نتكلم، نتكلم ونرجع كل حاجة زي زمان. تميم: اسراء إنتي في وعيك؟ إنتي في أوضتي، مش واخده بالك إنك اعتدتي حدودك أو حاجة! اسراء: إنت أكتر واحد عارف إني أعمل أي حاجة عشانك.

تميم: وإنتي لازم تخرجي دلوقتي قبل ما أفقد أعصابي وتشوفي وش مش هيعجبك نهائي يا اسراء، فاهمة! اسراء بدموع: طيب أعمل إيه يرضيك، قولي بس خليك جنبي. تميم: "بغضب وصوت مرتفع مسموع" اسراء اختفي من وشي حالا وناديلي حوريه. حور: "بفزع وتحرك من مكانها" تميم بينادي صح! لازم أقوم. مرفت: حور أنا قلتلك متتح... حور: أسفة يا مرات أبويا، لازم أطلع دلوقتي، عن إذنك. في الغرفة... اسراء: خلينا نتفاهم براحة طيب، بوعدك هغير رأيك ها؟!

تميم: بقلك اختفي من وشي. حور: "بتنهيج" نعم يا تميم عايز حاجة؟ تميم: اه تعالي، وإنتي أعتقد وجودك هنا انتهى. تخرج اسراء بدموع وتنظر لحور بغل وتتحرك للخارج. مشيت اسراء وهي بتعيط، ووقتها كان قلبي كان بيرقص من الفرحة وبيضحك لوحده كده، لعند ما قفل الباب ومسك إيدي ولزقها في الحيطة وهو قصادي. حور: "بخضة"!! تميم: "بغضب" إنتي عارفة عملتي إيه! إنتي إزاي تسمحي لها تدخل أوضتي وإنتي موجودة؟ يتبع