رواية حور وحمزة الفصل السابع عشر 17 - بقلم ريناد احمد

فراس: هتساعديني ننقذ حور؟ مها: أنا موافقة بس إزاي؟ فراس: هتعرفي... _لا حول ولا قوة إلا بالله. بعد بضعة أيام، فاقت حور على صوت دق الباب. حور: حاضر جاية. حور فتحت الباب وفجأة انعدمت الرؤية. في مصنع مهجور، فاقت حور من المخدر. حور: أنا فين؟ مها: إزيك يا حور. حور: مها!! ... أنتِ جايباني هنا ليه؟ مها: بنقذك من عمر. لمحت حور فراس وهو يختبئ. حور: إنقاذ!! ... ليه يعني مش فاهمة... أنتِ بتنقذيني من حبيبي؟

مها: بطلي كذب يا حور... أنتِ عمرك ما هتحبيه تاني أصلاً. حور: دخلتي جوه قلبي وعرفتِ اللي فيه مثلاً؟ مها: أنا عارفاكي كويس أوي وأكثر واحد بتكرهيه هو عمر. حور: قصدك أكثر واحد بحبه. مها: ما تكدبيش على نفسك... باين في عينك الكذب. حور: ما لكيش دعوة بيّا يا مها لو سمحتِ وسيبيني أمشي. فراس: ما فيش خروج من هنا. تصنعت حور الصدمة: فراس!! فراس: آه يا حور... ما تكدبيش على نفسك. حور: ومين قال إني بكذب...

أنا على فكرة بحبه ومبسوطة معاه، سيبوني في حالي وافتحوا الباب. فراس: قلت ما فيش خروج. حور: بس أنا عايزة أروح بيتي. فراس: ما أنا قلتتتتت ما فييييش خرووووج... أنتِ سامعة!!! حور بفزع: حاضر... بس. قاطعها فراس: ما فيش بس، أنتِ هتفضلي هنا غصب عنك. مها: فراس! شكلها بتقول الحقيقة... خليها تروح لجوزها أو حبيبها زي ما بتقول. فراس: أنا عارف أنا بعمل إيه. مها بحزن على حالة حور: تمام. لاحظ فراس حزنها. فراس: مها!

خليكِ هنا معاها وهشوف هعمل إيه بالظبط. مها: تمام. فراس: دي أمانة. مها: وأنا قدها. ابتسم فراس وذهب. مها: فراس مشي... مش محتاجة تكدبي أكثر من كده، وقولي الحقيقة. حور بتوتر: أنا قلت إني مش بكذب. مها: أنتِ حرة يا حور... أنا مع فراس إنك كذابة... خليكِ بقى قاعدة هنا لحد ما تقولي الحقيقة ومش هترجعي لبيتك إلا بعد ما تقولي. حور: ...... _لا إله إلا الله. بإسبانيا، ظل حمزة يعمل مع كارلا. بدأت كارلا تعجب بحمزة كثيرًا.

قابلت كارلا نادين في كافيه. نادين: بجد يا كارلا؟ أشارت كارلا بخجل بالإيجاب. نادين بفرحة: يا أحلى خبر... سيبيها عليّا يا كارلا. كارلا بفرحة: تمام. ذهبت نادين لبيتها هي وحمزة. نادين: حمزة! أنا عايزة أقولك حاجة. حمزة: نعم؟ نادين: جايبالك عروسة. حمزة بصدمة: إيه!! نادين: هي جميلة أوي وأنت هتحبها. تذكر حمزة كل ذكرياته مع حور. قاطعت شروده نادين: حمزهههه. حمزة: أيوة أيوة معاكِ. نادين: عايز تنساها خالص؟ حمزة: هي مين؟

نادين: حور. حمزة: ... نادين: مش عايز تعرف العروسة مين؟ حمزة: هي مين؟ نادين: كارلا. حمزة بصدمة: أنتِ هبلة يا نادين؟ نادين: ليه يعني فيها إيه... واحدة زي القمر وبتحبك. حمزة: بتحبني؟ نادين: آه هي قالت لي لأنها مش عارفة تعترف لك بحبها. حمزة: أنا مش هتجوز. نادين: عشان تنسى حور يا حمزة. حمزة: سيبيني أفكر. بعد تفكير طويل، حمزة: أنا موافق. نادين بفرحة: بجد! يا أحلى رد سمعته في حياتي... ربنا يسعدك يا حبيبي... مبروك يا حبيبي.

حمزة بحزن: الله يبارك فيكِ. _لا إله إلا أنت سبحانك إني كنت من الظالمين. حور تحاول طوال الوقت فك الحبل لكي تهرب. حور: الله يسامحك يا بابا... أنت اللي خليتني أتجوز ويحصل فيّا كل ده. فكت حور الحبل وهربت... وصل فراس للمصنع. فراس: مها... مها... قومي بسرعة. مها: في إيه؟ فراس: حور فين؟ مها: إيه ده هي راحت فين؟ فراس: أكيد هربت. مها: إزاي مش أنت قفلت الباب كويس؟ فراس: في شباك مفتوح هناك أهو أكيد هربت منه.

مها: وهنعمل إيه دلوقتي؟ فراس: تعالي معايا. تجري حور بسرعة كبيرة ووصلت لبيتها. حور: عمر... الحقني. عمر: إيه في إيه؟ حور: فراس... فراس خطفني وعرف إننا اتجوزنا بسبب الورق... بالله عليك يا عمر بلاش سجن أرجوك. عمر: أنا يهون عليّا برضه أزعل حبيبتي وأسجن أبوها... ما تخافيش يا حبيبتي مش هعمل حاجة بالورق. حور: طب هات الورق. عمر: لا إلا ده... هيفضل معايا لوقت عوزه. حور: لوقت عوزه! عمر: آه...

حبيتي تعملي حاجة كده حاجة كده هستخدم الورق على طول وأندمك. حور: أنت إيه... شيطان!!! عمر: حاجة زي كده. حور: طب إحنا لازم نمشي من هنا. عمر: ليه؟ حور: فراس أكيد جـ... قاطعها صوت دق الباب. حور: ده أكيد فراس يا عمر. عمر: ادخلي استخبي في أي حتة بسرعة. اختبأت حور وفتح عمر الباب. فراس: فين حور؟ عمر: أنا اللي لازم أسألك السؤال ده. فراس: نعم!! يعني إيه؟ عمر: فين حور... من الصبح وأنا مش لاقيها. نظر فراس لمها. فراس: هتكون فين؟

صمتت مها قليلاً: عند لين مثلاً؟ فراس: آه ممكن يلا بينا. فراس فجأة رجع لعمر مرة أخرى. فراس: أنت مش المفروض بتدور عليها؟ عمر: آه ومش لاقيها. فراس: ومش هتيجي معانا! عمر: إيه... آه... لا أنا هعمل حاجة كده وبعدين هنزل أبلغ البوليس على اختفائها. فراس: تمام... ابقى كلمني لو في جديد. عمر: وأنت كمان. فراس: تمام. ذهبوا لبيت لين. فراس: حور عندك يا لين؟ لين: هي لسه ماشية من شوية. *فلاش باك*

حور: فراس هيجيلك ويسألك عني قولي له إني لسه ماشية من عندك. لين: ليه يا حور؟ حور: هفهمك بعدين. لين: تمام. *باك* فراس: ما قالتش هي رايحة فين؟ لين: لا الصراحة. فراس: تمام لو جات عندك تاني قولي لي لو سمحتِ. لين: حاضر. _أستغفر الله العظيم وأتوب إليه. جاء موعد خطوبة حمزة وكارلا. كارلا كانت في قمة سعادتها. وحمزة كان في قمة حزنه. رقصوا واحتفلوا بالخطوبة ولبسوا الدبل. نادين: الحق يا حمزة... ماما تعبانة جداً وعايزانا نرجع مصر.

حمزة: أنا هحجز تذكرتين على أول طيارة رايحة مصر. كارلا: أنا جاية معاكوا. نادين: احجز 3 يا حمزة. حمزة: تمام... تمام. _سبحان الله وبحمده. حمزة ونادين وكارلا وصلوا مصر. وذهبوا لبيت عائلتهم. حمزة: ماما جرى لها إيه يا بابا؟ محمود: طلع عندها مرض نادر وحجزوها في المستشفى زي ما أنت شايف. نادين: أنا عايزة أدخل لها. محمود: ما ينفعش... هي ممنوعة من الزيارة. نادين وحمزة بكوا بحرقة على حالة أمهم، وكارلا بكت على بكائهم الشديد.

اقتربت كارلا من حمزة: هتبقى كويسة يا حمزة إن شاء الله. نادين: أنا هعمل مكالمة ضروري وجاية. محمود: تمام. خرجت نادين من المستشفى. عمر: رجعتوا!!! ... إزاي وإمتى؟ نادين: النهاردة ولسه واصلين. عمر: حد عرف إن إحنا اللي بوظنا علاقة حور وحمزة؟ حور بصدمة: .......