رواية حور وتامر الفصل الحادي عشر 11 - بقلم جاسمين

طب يا ست الرومانسية .. سلام دخل اياد العربية وهو بيقول لحور: هفسحك بس قوليلى الطريق .. أنا توهت علشان أجلك الجامعة حور: طب ما تروح بينا على البيت أسهل .. أنا تعبانة وعايزة أنام اياد: ده في أحلامك وساق العربية وسط استغراب تامر .. وغضبه .. إنها إزاي سمحت لحد إنه يعمل معاها كدا بص على العربية وهي بتتحرك ورجع عربيته وساق بأقصى سرعة وهو ماشي ورا العربية حور: اقف عند كورنيش النيل اياد: هنا؟ حور: آه.. انزل هات حمص شام

اياد: حاضر خرج من العربية وراح للراجل يشتري حمص شام .. وخرجت حور وقعدت على الكورنيش وهي بتتنفس براحة قرب منها وهو بيديها كوباية حمص الشام وقال: لسه زعلانة حور وهي باصة للنيل: مش مهم اياد: مش مهم ليه؟

حور: بص يا اياد .. أنت جيت بعد غيبة .. وعايز تمشي تاني .. لما روحت مع ماما زمان كان نفسي أروح معاك .. بس ماما قالت إنها شهر وهترجع وسابتني مع بابا على أمل إنها في يوم ترجع بس مرجعتش واخدتك معاها فضلنا أنا وبابا مستنيينكم بس مجتوش .. ولما تيجي تقول إنك هتمشي تاني .. تفتكر إنك لما تقول لي كدا هيبقى عادي بالنسبالي اياد بحزن: سامحيني يا حور .. بس غصبن عني

حور مسكت إيده: أنا مسامحاك أنت معملتش حاجة .. ويستحسن منتكلمش في الموضوع ده .. خلي الفترة اللي هتعدي وأنت قاعد معايا أفتكرك بيها بحاجة كويسة اياد ابتسم لها بحنية وهي قالت: كفاية شغل الدراما ده .. قوم نتمشى شوية تامر شافهم قايمين يتمشوا اتدايق وركب عربيته وروح وهي كانت ملاحظة إن عربية تامر موجودة علشان كده قامت تتمشى فضلوا قاعدين شوية على الكورنيش وبعد كدا راحوا أكلوا آيس كريم .. وروحوا

اياد: عارف إن الفسحة مش قد كدا .. وده لأنك مش عايزة توريني الأماكن حور: بس أنا اتبسطت .. وبعدين ما أنا مشيتك على الكورنيش اياد: طب تحبي تاكلي إيه؟ حور: أي حاجة .. أنا أصلاً مش جعانة اياد: تمام . هبقى أطلب أكل لما نطلع .. يلا *** حور طلعت وطلبوا أكل وكلوا وناموا *** الضهر حور اتصلت بـ كارما: إحنا معندناش محاضرات النهارده صح كارما: تؤتؤ .. والبسي علشان هننزل حور: هننزل فين؟ كارما: هجيب شوية حاجات للخطوبة .. وعايزاكي

معايا فيه مشكلة حور: لا .. ننزل ماشي .. بس على جاي معاكي؟ كارما: تؤتؤ .. نص ساعة وتجهزي حور قفلت معاها وقامت جهزت بعد نص ساعة حور: اياد أنا هنزل مع كارما نشتري حاجات عايز حاجة من برا؟ اياد: لا .. شكراً .. خلي بالك من نفسك آه .. استنى قام وطلع فلوس من المحفظة وقال: خليهم معاكي علشان لو حبيتي تجيبي حاجة حور بصتله بابتسامة وقالت: احم .. شكراً .. أنا معايا فلوس كفاية اياد حس إنها محرجة تاخد فلوس منه

كانت بتلبس الكوتشي وحاطة شنطتها جمبها .. مسك الشنطة وحط فيها الفلوس وقال بضحك: أنا زي أخوكي برضوا .. ده أنا كنت بجبلك بمصروفي زمان مصاصات ولبان حور ضحكت لما افتكرت وقالت: كنت باكلهم معايا على فكرة اياد: لسه فاكرة قامت وهي بتمسك شنطتها وقالت: فيه ذكريات مينفعش تتنسي .. لأنك بتبني عليها ذكريات تانية يا اياد قبل ما تخرج من البيت بصتله وقالت: صحابك من أيام ابتدائي مثلاً .. سلام *** كارما: نص ساعة و١٠ دقايق و٢٥ ثانية

حور: ياه .. كل ده تأخير يا كارما .. مش معقول. . يالا يا ماما هنتاخر مش كدا كارما بصت لها بذهول وقالت: أنا اللي اتأخرت حور: هو أنتِ علشان عروسة تتأخري براحتك .. فوقي يا ماما ويالا كارما ماشية جمبها وبتكلم نفسها: يعني أنا اللي اتأخرت مش هي … بت يا عطية تعالي هنا حور كانت عند الورشة بصت للعمال وقالت: عاملين إيه يا رجالة _الحمد لله يا أسطى عطية

حور: محتاجين أي مساعدة .. الإيراد بتاع النهارده كله قسموه على بعض من غير ما تعينوا نصيبي .. تمام .. ولما أجي بليل هكمل شغل معاكوا .. سلام كارما: يالا .. كل ده رغي حور بصت لها وقالت: يالا الأتوبيس هيفوتنا كارما: اشمعنى اتنازلتي عن نصيبك النهارده حور: قولت هما أولى وكمان وأنا خارجة اياد اداني فلوس وشكلهم كتير فقولت هيكفوا يعني كارما: امممم .. طيب يالا راحوا المول وبدأوا يشوفوا الفساتين حور: على ما أعتقد هيكون حلو عليكي

كارما: وعليكي هيكون قمر حور: بس أنا مش هلبس فستان في خطوبتك .. وبعدين هيكون أغلب اللي في المنطقة موجودين كارما: تمام .. هاخده .. تعالي نحاسب بعد ما حاسبوا حور: ها كدا خلصتي أظن كارما: لسه هجيب فستان كمان حور: أنتِ جايبة ٣ فساتين .. بطلي تبذير يا مبذرة كارما: فستان أخير .. أخير .. أخير حور: زن زن زن .. جايبة بنت أختي معايا .. إيه ده … اشتري يا كارما اشتري دخلت كارما محل واختارت فستان وجابته وخرجت حور: أخيراً خلصنا

وهما ماشيين حور لمحت بدلة متعلقة على المانيكان وسعرها ١٠٠٠ جنيه حور لـ كارما: إيه رأيك في البدلة دي؟ كارما: حلوة .. بس لمين حور مسكت شنطتها وطلعت الفلوس اللي اياد اداها لها .. وعدتهم طلعوا ٢٠٠٠ جنيه حور: ده مديني فلوس كتير أوي كارما: أنتِ ناوية تجيبي له البدلة دي حور: آه .. يلا دخلوا وجابوا البدلة حور: هتكون حلوة عليه صح؟ كارما: أكيد ده الأسطى عطية هي اللي جايباها حور بضحك: طب يلا

خرجوا من المول وجابت حور أكل وروحت البيت *** حور خبطت وفتح اياد وهو بيقول: إيه التأخير ده كله .. مستنيكي بقالي كتير حور وهي ماسكة شنط كتير قعدت على أقرب كنبة وهي بتقول: كارما .. كارما لففتني كتير أوي .. وجابت حاجات كتير أوي اياد: اممم.. جبتي حاجة لنفسك طيب حور: آه .. طلعت كوتشي من الشنطة وقالت .. إيه رأيك في ده اياد: جميل .. بس ده بس؟ حور: لا .. بص هحضر خطوبة كارما بـ ده مسكت بنطلون واسع boy friend وشمييز

عليه جاكت طويل اياد: بس ده كاجوال حور: احم.. أنا لبسي في المناسبات على طول كدا اياد: مش هتلبسي فستان؟ حور: لا.. آه .. بص كدا طلعت البدلة هتبقى تحفة عليك اياد: بدلة!! حور: آه .. ادخل قيسها عايزة أشوفها عليك .. هتيجي معايا بيها خطوبة كارما اياد: استنى قامت زقته وهي بتقول: يالا ادخل عايزة أشوفها عليك بقول دخل اياد لبس البدلة وخرج حور صفرت: هلقيلك عروسة في الخطوبة متقلقش اياد بضحك: هدخل أغيرها .. أنا شامم ريحة أكل

حور: أيوا اطلع علشان تاكل علشان هنزل الورشة كمان شوية حور حطت الأكل على السفرة ونادت اياد خرج وقعد قدامها وهو بيقول: ما تسيبك من الورشة حور: وهعيش منين لما أسيبني منها اياد: احم.. أنا شغال في شركة خالي أسسها هناك وبقبض كويس .. هبعتلك كل شهر فلوس تكفيكي حور: لا .. أنا بحب شغل الورشة .. وبعدين أكيد هتنشغل هناك بـ خالي ولو اتجوزت كملت بضحك متنساش تبقى تعزمني على فرحك اياد: مش بهزر يا حور .. بدل تعبك في الجامعة والشغل

حور: أنا مرتاحة كدا .. معلش مضطر أنزل دخلت غيرت هدومها ونزلت الورشة *** عم كمال: عاملة إيه يا أسطى عطية حور بضحك: عم كمال .. عامل إيه عم كمال: الحمد لله بخير يا بنتي حور: هبدأ شغل أنا حور وهي بتشتغل سند عم كمال على عربية وهو بيقول: أنتِ فعلاً موافقة إنك تتجوزي ابني حور وقفت وقالت: آه .. بس لما اياد يسافر عم كمال: تمام يا بنتي المعلم أحمد قرب وهو بيقول: يا أسطى عطية حور: إزيك يا معلم أحمد

المعلم أحمد: بخير يا بنتي .. أنا كنت .. يعني حور. بتفهم: بكرة الساعة ١٠ يا معلم أحمد هروح معاك اتنازل عن القضية معلم أحمد بفرح: ربنا يباركلك يا بنتي .. ربنا يباركلك *** حور نزلت في اليوم اللي بعده اتنازلت عن المحضر .. وبعد كدا راحت تجهز مع حور لخطوبتها بليل كارما طلعت الفستان وهي بتقول: هيكون تحفة عليكي حور: أنا هلبس الهدوم اللي اشتريتها .. متزنقيش كارما: هتلبسي الفستان يا حور حور: وأنا قولت لا *** after 1 hour حور

بتلف في الفستان وهي بتقول: منك لله يا كارما كارما: قمر عليكي .. والله محتاجة صورة يا حور حور: أنا مش عارفة همشي بيه في خطوبتك إزاي وسط المنطقة كارما: سيبيها على الله .. على حجز قاعة أصلاً يالا انزلي دلوقتي شوفي هتعملي إيه استنى .. خدي الطرحة دي هتكون لايقة على الفستان *** نزلت حور بسرعة وخبطت على الباب جامد فتح اياد دخلت وهي بتنهج وقفلت الباب بسرعة اياد: مالك يا حور حد بيجري وراكي حور كانت بتنهج بصتله وقالت:

علشان محدش يشوفني بس اياد: ليه يا بنتي حور: الفستان اياد: ماله .. شكله حلو عليكي اياد: أول مرة الناس هتشفني بفستان اياد ضحك وقال: أول مرة هيشوفوا قمر على الأرض قصدك .. الخطوبة إمتى؟ حور بصت للساعة وقالت: كمان ساعة بالظبط ادخل البس *** علي أخد كارما وراحوا القاعة .. واياد مع حور في العربية وأهل المنطقة كلهم ماجرين عربيات علشان يمشوا ورا العروسة علي بضحك: أومال لو فرح كانوا عملوا إيه

كارما: الناس بتبقى عايزة حاجة تفرحها .. خليهم يفرحوا وصلوا القاعة ودخل علي مع كارما اياد: انزلي يا حور اياد: بقولك انزلي .. خلينا ندخل حور هزت راسها وهي بتقول لا .. مش عايزة اياد سحبها من إيدها وقال: شغل أطفال ده يا حور .. يالا مسكت إيده وهما داخلين القاعة

الكل كان بيبص لـ حور وهي اتوترت ومسكت جامد في إيد اياد .. قعدوا على ترابيزة وبدأت الأغاني تشتغل واياد شاف صحابه من أيام ابتدائي قام سلم عليهم وحور قامت وقفت جمب كارما والطلاب كلهم بيشبهوا عليها دكتور تامر جه يسلم على علي العريس وهو بيقول له: مبروك يا علي علي: الله يبارك فيك يا دكتور تامر: مبروك يا كارما كارما بابتسامة: الله يبارك فيك يا دكتور تامر بص للي واقفة جمب كارما وهو بيقول في نفسه: هي دي حور؟

كارما بصت لها وقالت: عطية … اياد بيشاورلك تروحيله