رواية حور وزين الفصل التاسع 9 - بقلم رقية حمدي

زين: انتي طال... دخل عليهم عماد فجأة. عماد بعصبية: إيه اللي بتهببوه ده؟ هي لعبة؟ القرار ده مينفعش يتاخد كده. حور: عمو بلاش عصبية والنبي هتتعب، وزين مش حمل خناق. ونبي نتكلم بعدين. عماد بحزم: أنا مش هتكلم دلوقتي، بس انتي هتروحي تقعدي في أوضة تانية مش مع زين. حور: بس يا عمو... عماد بعصبية: مفيش بس. هو ليه أم وإخوات ياخدوا بالهم منه؟ ومشوفكيش عنده هنا تاني لحد ما نتكلم. زين: بابا أنا... عماد بصوت عالٍ

وعصبية: بلا بابا بلا زفت، اسكت دلوقتي خالص. يلا معايا يا حور. خرجت حور مع عماد برا. لقت البيت كله ملموم على الأوضة. نورا بخضة: إيه يا عماد؟ في إيه؟ عماد بجدية: سعاد، خودي حور وديها أبعد أوضة عن أوضة زين. سعاد: حاضر يا بيه. تعالي يا حور يا بنتي. نورهان: في إيه يا بابا؟ إيه اللي حصل؟ فهمني. عماد: البيه اللي جوه زعلها وعايز يطلقها من غير تفكير. أدهم بعصبية: ماشي يا زين الزفت. سيليا: أنا اللي هقعد مع زين يا بابا.

زين من وراهم: أنا بقيت كويس، مش عايز حد يقعد معايا. عماد سابهم ومشي. أحمد بعتاب: ليه يا زين بس كده؟ نورا: معلش يا ابني، هو عماد بس عصبي شوية. نورهان: هو اللي معلش يا ماما. هو غلطان والبت مش قده. سيليا: خلاص يا جماعة، اللي حصل حصل. زين هيحل كل ده إن شاء الله. دادة سعاد: الفطار جاهز تحت. نورا بلطف: تسلم إيدك يا سعاد. انزلي واحنا وراكي. سعاد راحت عند عماد. دادة سعاد: عماد بيه، أقول لحور هانم تنزل علشان الفطار؟

عماد: آه طبعاً. هي مش متعاقبة. ولو قالت لأ، قولي لها إني أنا اللي قايل. سعاد: حاضر. سعاد راحت لحور. سعاد: حور هانم، يلا علشان الفطار. حور: ..... سعاد: حور هانم، انتي كويسة؟ حور: .... فتحت سعاد الباب، لقت حور واقعة على الأرض ومش عارفة تاخد نفسها. سعاد: يا زين بيه! يا عماد بيه! الحقوني! على السفره. أدهم بقلق: دادة سعاد بتصوت يا جماعة. زين بخضة: حور! وقام جرى وكله وراه. زين بخضة: إيه يا دادة؟

سعاد: حور هانم واقعة على الأرض ومش عارفة تتنفس. أدهم بخضة: يانهار أبيض! جرى أدهم على أوضة حور، بس زين كان سبقه. زين بخضة: حور! اهدى يا ماما، أنا آسف والله. اهدى. حور بتحاول تاخد نفسها. زين بعصبية: اطلعوا كلكم واقفلوا الباب. زين قرب من حور وفضل يبوسها في كل حتة في وشها لحد ما بدأت تهدى. زين بقلق: حور، اهدى علشان خاطري براحة. مفيش حاجة. فضلت حور تعيط. زين بعصبية: بطلي عياط، هتموتي كده.

حور بعصبية: لو مت هيبقى أحسنلي. ابعد عني. ونزلت حور ليهم تحت. أدهم بقلق: انتي كويسة؟ شفايفك عاملة كده ليه؟ حور بتحسس على شفايفها بأرتباك: أنا كويسة. شفايفي ما... مالها؟ وبتلف علشان تشوف نفسها في المراية، لقت نفسها خبطت في حد. بتبص، لقتوه زين. حور: مع... معلش. زين: روحي كلي يلا. أدهم بعصبية: انت عملت إيه يا زين؟ بصله زين وابتسم بخبث. بعد ما خلصوا فطار. سيليا: أنا خارجة أعمل شوية ورق وحاجات علشان خلاص مش هسافر تاني.

نورا: الحمد لله يا رب، أخيرا هتقعدي معانا. عماد: ماشي، بس متتأخريش. زين: وخدى معاكي السواق والحراسة. سيليا: حاضر. يلا باي. أدهم: اطلعى نامي شوية يا حور، شكلك تعبانة. حور: أصل أنا يعني مش بعرف أنام لوحدي. زين بضحك: أنا قولت متجوز طفلة. قومي يلا ننام، مين قالك إنك هتنامي لوحدك؟ حور بهمس: عمو عماد... بصت حور لعماد نظرة كلها رجاء إنه يوافق إنها تطلع مع زين.

عماد: أوووف يا حور، متبصليش كده. قومي يا حبيبتي روحي معاه. وبليل هنهي المهزلة دي. قامت حور جريت على عماد وباسته من خده. حور بطفولية: بحبك بحبك بحبك. لما يبقى ييجي بليل بقا. وضحكت زي الأطفال. حور راحت لأدهم وباسته: متخافش، هبقى كويسة. أدهم: ربنا يسعدك يا حبيبتي. حور مسكت إيد زين وبصتله لفوق: انت طول أوي كده ليه؟ يلاااااا نفسي أناااام. زين بضحك على طفولتها: يلاااا.

عماد: والله البت دي غلبانة وطيبة أوي. شوفتي عامل فيها إيه ومبهدلها، وفي الآخر طلعت معاه وهزرت عادي وضحكت. نورا: ربنا يهديك يا زين يا ابني. في مصنع مهجور: سيليا بزعيق: انتوا مين وعايزين مني إيه؟ مجهول 1: إحنا مين؟ إحنا أعداء جوزك ومش عايزين منك حاجة، إحنا عايزينه. سيليا بأستغراب: جوزي!!! أنا مش متجوزة. مجهول 2: انتي هتستهبلي يابت؟ مش انتي مرات زين العربي؟ سيليا: مراته!! لا، أنا سيليا أخته. مجهول 1: انت متخلف؟

مش الباشا قلك عايزين مراته؟ مجهول 2: أيوه، الباشا مقليش على شكلها، قالي إنها شكلها صغير بس. مجهول 1: استنى لما أكلم الباشا أشوف هنعمل إيه. سيليا: على فكرة زين لو عرف إني مخطوفة، هيقلب الدنيا على ما يلاقيني وهيموتكم أحسن لكم. سيبوني. مجهول 2: اخرسي يا بت، مش عايز صوت. مجهول 1: أيوه يا باشا، زي ما بقولك كده، اللي اتخطفت طلعت أخته مش مراته. طارق: أنا جايلك دلوقتي علشان أشوف المصيبة دي. ياسر: ليه مصيبة بس؟

ما أكيد أخته غالية عليه برضو، نساومه بيها. طارق: شيطان أنت والله. في فيلا العربي: نورهان: هي سيليا مش اتأخرت برضو؟ نورا: قلبي واكلني عليها والله. هكلمها. نورا بقلق: موبايلها مقفول. نورهان: هتلاقيه فصل شحن ولا حاجة. في أوضة زين: حور رايحة في سابع نومه، وزين سرحان فيها. زين في سره: مش عارف انتي عملتي فيا إيه. بقيت بخاف عليكي أوي ومش بقدر أشوفك بتعيطي. نفسي أسعدك والله وهحاول، صدقيني. مش عارف إزاي فكرت أطلقك...

بس أنا آسف. وباسها من جبينها. بعد ساعتين في فيلا العربي: زين فاق لقى حور لسة نايمة، فقام من جمبها براحة ونزل تحت. نورا بقلق: كويس إنك صحيت يا زين. أختك اتأخرت أوي وموبيلها مقفول. زين: دادة سعاد، نادلي على (علي) دادة سعاد: ثواني. علي: نعم يا زين باشا. زين: آنسة سيليا خرجت من أكتر من 4 ساعات ولسة مجتش. أخدت مين معاها من الحراسة والسواقين؟ علي: هي مرضيتش تاخد حراسة خالص وراحت مع عم عبده بس. قاطعهم صوت عم عبده.

عم عبده: زين بيه! يا زين بيه....