رواية حور وزين الفصل الثالث عشر 13 - بقلم رقية حمدي

سيليا: انت موديني فين؟ أدهم: هتعرفي. بعد 5 دقائق، وقف أدهم قدام البحر. كان فيه ورد على الأرض وجو رومانسي. سيليا بفرحة: الله يا أدهم! أي الجمال ده؟ أدهم بعيون لامعة: عجبك؟ سيليا بفرحة: تحفةهههه. أدهم بحب: تعالي نتمشى على البحر. بعد مدة ليست بقصيرة. سيليا: مش هنروح بقا؟ أدهم: هنروح حاضر. مسك أدهم سيليا من وسطها وقربها منه جداً. سيليا كانت مكسوفة جداً وحاطة وشها في الأرض. مسك أدهم ضقن سيليا ورفع وشها ليه برقة.

أدهم بحب: بصيلي في عيني. بصتله سيليا وكانت سرحانة في عينه الزرقا. أدهم: ممكن أعمل حاجة أخيرة. وبيقرب منها جامد وعينه مركزة على شفايفها. سيليا بخجل: لا لا يا أدهم. قاطعها أدهم بقبلة طويلة. حاولت تبعده عنها بس مقدرتش، فاستسلمتله وبادلته سيليا القبلة. وكانت دي قبلتهم الأولى. بعد أدهم عنها علشان تاخد نفسها. سيليا كان وشها أحمر شبه الطماطم من كتر الكسوف. أدهم بضحك: لا كفاية كده عليكي. يلا نروح. *** في فيلا العربي.

في أوضة زين. حور قاعدة بتسرح شعرها قدام المراية. جه زين من وراها وباسها من رقبتها. زين بحب: أنا نفسي أخلف منك دستة عيال وكلهم يكونوا حلوين زيك كده. حور بحب: وقمر زيك كده. وجايه تبوسه من خده، حرك وشه جت على شفايفه. زين بخبث: حلوة البوسة. حور بكسوف: ابعد يا عم كده. سمعوا صوت تحت. حور: دي أكيد سيليا، أنا هنزلها. زين: متتأخريش. تحت. نورهان كانت سبقت حور. جريت عليهم حور: اتبسطي يا قلبي. سيليا بفرحة: أوي أوي.

سيليا بهمس: تعالولي فوق يلااااا. وجريت على أوضتها. نورهان ضحكت وطلعت وراها. حور لأدهم بهزار: أنت عملت إيه؟ أدهم بجدية مصطنعة: بنت عيب كده. لما تكبري هقولك. حور: يا عم ده أنا متجوزة قبلك. اسكت. أدهم بتريقة: يا عم! حد يقول لأخوه الكبير يا عم. طلعت حور تجري على فوق. أدهم بصوت عالي: والله لو مسكتك لتشوفي اللي هيحصلك. وطلع يجري وراها. الدنيا كانت ضلمة فوق وحور ماشية رايحة أوضة سيليا. حور: ياربي أنا بخاف من الضلمة أصلاً.

حور بخوف: زين يا زييين! تعاليلي نبي أنا خايفة. فجأة وهي ماشية حد خضها. زين بهزار: بخ! حور شهقت من كتر الخضة: يالهوي يا زين! حرام عليك. زين بضحك: عرفتي منين إن زين؟ حور: من ريحتك. افتح أي نور يا بني علشان بدأت أتخنق. فتح زين النور. حور: أنا رايحة لسيليا. زين: وأنا هاخد شاور على ما تيجي. *** في أوضة سيليا. سيليا بفرحة: يالهوي على أخوكي ده يا خرابييي. حور: عمل إيه أخويا؟ سيليا بصوت واطي: أصله باسني.

نورهان بصوت واطي: طب وإيه المشكلة؟ ماهو جوزك. موتية صوتك ليه؟ سيليا بكسوف: علشان مكسوفة. أصلها مش بوسة عادية. حور: اااه عشان كده أول ما جيتوا طلعتي تجري. نورهان: مبروك يا حبيبتي. عقبال ما نشوف ولادكم بقى. سيليا: يا رب. حور: أنا هروح بقا علشان أنام. نورهان: وأنا كمان. تصبحوا على خير. الاثنين: وأنتي من أهله. *** في أوضة زين. دخلت حور الأوضة وقعت على السرير مستنية زين.

زين كان خارج من الحمام من غير هدوم، لافف فوطة على وسطه بس. أول ما شافته حور شهقت جامد. زين: خضتيني! براحة. في إيه؟ حور وهي مغطية وشها: إزاي تخرج كده يا زين؟ زين: أولاً مكنتش أعرف إنك هنا. ثانية، عادي يعني. ما أنتِ مراتي. اتكسفت حور وعضت على شفايفها. قرب منها زين وقال بخبث: اتعودي بقا. خلاص كلها أسبوع وتبقى مراتي شرعاً وقانوناً. حور بكسوف: خلاص بقا متكسفنيش. ادخل ادخل البس هدومك بدل ما أنت قالع كده.

زين بخبث: متيجي تختاريلى أنتِ. حور ببراءة: ماشي. راحت حور عند الدريسنج لقت زين جاي وراها وقرب منها جامد. حور بأرتباك: ااا... إيه يا زين؟ زين بتوهان: مكنتش عارف إني بوترك كده. حور بتوتر: طب بس حا... قاطع زين كلام حور بقبلة كلها حب واشتياق. واستسلمتله حور وبادلته القبلة. بعد عنها زين علشان تاخد نفسها وشالها وحطها على السرير. زين: خليكي هنا لحد ما أجي. حور بدلع: حاضر.

زين بيكلم نفسه بصوت عالي: يارب صبرني. ما عدتش قادر. وبدلع كمان! ضحكت حور بصوت عالي. زين بغيظ: بتضحكي كمان؟ اسكتي بدل والله هبوظ اتفاقي مع أخوكي واللي يحصل يحصل. حور: خلاص خلاص هسكت أهو. المهم هنزل الكلية من يوم السبت بقا. بقالي كتير قاعدة هسقط كده. زين: ماشي يا ستي. بس هوصلك وأجيبك. وإحنا كده كده هنا ودادا سعاد موجودة تعمل الأكل. حور: ماشي. *** تاني يوم الصبح. حور صحيت ملقتش زين. حور: هو أنت كده كل يوم تصحى قبلي؟ ***

تحت. عماد: أنا وماما هنسافر عمرة إن شاء الله بعد فرحكوا. نورا بفرحة: بجد؟ أنا كان نفسي نروح من زمان. أحمد: تروحوا وتيجوا بالسلامة إن شاء الله. نزلت حور. نورهان: نموسيتك كحلي يا عروسة! كل ده نوم؟ حور: أخوكي بيخدرني باين. مش عارفة. زين بخبث: أنا دة أنااااااا غلبااااان. (بصوت عادل إمام) أدهم بغيظ: أيوه طبعاً. أنا أشهد. حور: سيليا أنا هرجع الكلية من بكرة. هتنزلي معايا ولا إيه؟

سيليا: أنا خلاص خلصت الورق بتاع النقل. هنزل معاكي إن شاء الله. زين: تمام كده. أنا هوصلكوا وأدهم يرجعكم مرة كده ومرة كده. أدهم: تمام. سيليا: ممكن ننزل أنا وحور ونورهان نشتري شوية حاجات من المول؟ زين: ممكن. بس تمشوا بالحرس في كل حتة. سيليا بفرح: حاضر. يلا يا حور. يلا يا نورهان نلبس. *** في المول. نورهان بتعب من المشي والحمل: ياخرابي! تعبتيني يا سيليا. كل ده لف. حور بتعب: معنتش قادرة خلاص.

سيليا: وأنا كمان تعبت خلاص. تعالوا بس آخر محل ده عنده هدوم عرايس حلوة. نورهان: تعالوا يلا. دخلوا المحل. وحور كانت ماسكة في قميص نوم أسود قصير مفتوح من الضهر. سيليا بغمز: حلو. هاتيه. هيعجب زين قوي. حور بكسوف: هيعجبه يعني؟ أقصد أجيبه يعني. نورهان بضحك عليهم: هاتيه ياختي. خلصوا وطلعوا للجراج. سيليا: إحنا خلصنا. واحد من الحرس: اتفضلي يا هانم. روحوا كلهم البيت. حور: بفكر أروح لزين الشركة مفاجأة يعني.

نورهان: روحي بس مع علي. *** في الشركة. رزان (السكرتيرة) : بشمهندس زين، في واحدة اسمها حور عايزة حضرتك. زين بقلق: دخليها بسرعة. دخلت حور عند زين. زين بخضة: في إيه؟ إنتي كويسة؟ حد حصله حاجة؟ حور: براحة براحة. مفيش حاجة. أنا قولت أجي أطمن عليك. زين: خضتيني والله. تعالي هنا. قاعدة بعيد ليه؟ راحت حور ناحية زين وقالت بسخرية: يعني أقعد على رجلك يعني؟ ولا فين؟ زين: آه. تعالي على رجلي. حور اتكسفت: لا مش هينفع. افرض حد دخل.

زين: عادي. مراتي وأنا حر. قعدت حور على رجل زين وفضلوا يهزروا شوية. وبعدين الباب خبط. زين: ادخل. حور بتقوم. زين: خليكي قاعدة. بقول. مروة السكرتيرة الخاصة لزين بدلع: بشمهندس زين، أخبارك إيه؟ زين: أنا ت... قطعته حور بعصبية وغيره: هو الحمد لله كويس. إنتي بقا عاملة إيه بالبنطلون بتاعك ده؟ مروة بعصبية: أنا كويسة. إنتي مين أصلاً؟ أكيد صاحبته ولا حاجة. قعدتك دي. زين كان بيتفرج عليها وهي غيرانة عليه.

حور بأستفزاز: أنا مراته. إيه رأيك؟ مروة بصدمة: مراته!!!