رواية حور ياسين الفصل العاشر 10 - بقلم مي

إيمان بخبث: حور ناوية تعملي إيه؟ هتتطلقي من ياسين عشان حبيبك ولا هتفضلي معاه؟ ياسين بص لحور بيشوف رد فعلها. حور: أولًا أنا معنديش حبيب، وثانيًا هطلق ولا لأ حاجة متخصكيش يا حلوة تمامًا. إيمان بصتلها بغيظ وحقد: تمام. ملك: حد يلف الإزازة دي شوية. سيف لفها، جه الدور على ياسين. أدهم: حققت حلمك ولا لسة؟ ياسين: لأ لسة. أدهم: طيب، حد يلف. وفضلوا يلعبوا. عند حنان. منال: حنان، إنتي هتوافقي إن حور تفضل مرات ابنك؟

حنان: في حاجة تانية أقدر أعملها؟ منال: أيوه، إنتي مش فاكرة أمها عملت إيه فيكي زمان؟ حنان بحزن: اللي أمها عملته هي ملهاش دعوة بيه. منال: إزاي بقا؟ إنتي قبل كدا قولتي إن أمها جت ترجع حور ليها تاني وتاخدها معاها. حنان: لأ، أمها كانت هترجعها عشان فلوسها مش عشان بتحبها. منال: يووه، خلاص خليكي إنتي كدا لحد ما تكتشفي إن البت زي أمها عايزة الفلوس وخلاص.

حنان: لأ طبعًا، حور مش كدا. حور دي أنا اللي مربياها وعارفة أنا بقول إيه يا منال، حور مستحيل تبقى هناء. منال: لأ مش مستحيل، إنتي عشان بتحبيها مش شايفة حقيقتها. صدقيني أنا أختك. حنان: لأ، حور مستحيل تبقى زي هناء في يوم. وخلاص يا منال قفلي على الموضوع ده. منال: إنتي حرة بقا يا حنان. أنا ماشية، ابقي خلي ياسين يروح البنات. سلام. وسكتوا، وحنان فضلت تفكر إن حور بجد ممكن تكون زي هناء ولا لأ، وبدأ الشك في دماغها.

عند ياسين والباقي برا. ملك: أنا مش قادرة، أنا هطلع أنام. تصبحوا على خير. تاليا: خديني معاكي. ملك: تعالي. وإنتي يا إيمان إنتي وأسماء مش ناوين تروحوا؟ إيمان: ياسين هيوصلنا عشان الوقت اتأخر، وأكيد ماما مشيت من بدري. سيف: وإنتوا متروحوش ليه مع خالتي؟ ياسين بص له. سيف بعد ما فهم بصة ياسين: قصدي عشان متروحش لوحدها يعني. إيمان: معلش بقا، يلا ياسين تعالي وصلنا. ياسين مش معاهم. ملك وتاليا: يلا يا حور. حور: يلا.

سيف وأدهم: واحنا هنطلع ننام. وطلعوا كلهم، كانت حنان نامت وكل واحد دخل أوضته. عند ياسين وصلهم عند البيت. إيمان: تعالي اتفضل. ياسين: لأ شكرًا. إيمان: ليه كدا؟ ياسين: مرة تانية، بعد إذنكم. ومشي. وبعد وقت، كان في المزرعة ملقاش حد، فعرف إنهم ناموا، طلع أوضته وحاول ينام معرفش. عند حور كانت صاحية وزهقانة، فا نزلت الجنينة وهي ماسكة الموبايل وبتكلم مع حد. ... : عاملة إيه؟ حور: الحمد لله. ... : هترجعي امتى القاهرة؟

حور: مش عارفة لسه، أنا أصلًا زهقت والله من هنا. ... : هما يومين وهترجعي القاهرة تاني، مش هتعيشي هناك طول العمر يعني. وبعدين هناك الجو حلو أوي. حور: هو فعلًا الجو حلو، بس فيه ناس تخنق. ... : هههه، ومين دول بقا؟ حور: ناس وخلاص. المهم، هي عاملة إيه؟ ... : كويسة، بس مش قوي. حور: ربنا يشفيها. ... : يارب. صوت من وراها: بتكلمي مين؟ حور لفت: ها... بكلم صاحبتي. ياسين بشك: اومال خوفتي كدا ليه؟

حور قفلت فونها: عشان مكنش في حد هنا وأنا نازلة. ياسين: طيب. حور كانت طالعة أوضتها. ياسين: إيه اللي كان منزلك دلوقتي؟ حور: كنت زهقانة فا نزلت. ياسين: خلاص خليكي شوية، والله مش باكل بشر. حور: ها.. ماشي. وقعدت على الكرسي اللي في الجنينة. ياسين: هو إنتي بتخافي مني ليه؟ حور: يمكن عشان إنت بتفضل تزعق وكل حاجة بتقول عليها لأ. ياسين: طب إيه رأيك نبقى صحاب؟ حور: أكيد، وأنت متفضلش تزعق وكل حاجة متقولش عليها لأ.

ياسين: هههه، حاضر. وفضلوا قاعدين شوية، وكل واحد ماسك فونو. حور موبايلها مبطلش رسايل وهي ترد وتبتسم. ياسين: بتكلمي مين يا حور؟ حور: ها.. بكلم صحبتي. ياسين: طيب، اطلعي نامي عشان الوقت اتأخر. حور: حاضر. بس هو إحنا هنرجع القاهرة امتى؟ ياسين: ليه بتسألي؟ حور: بسأل عادي. ياسين: كمان يومين. حور: ماشي. وطلعت جري على أوضتها وهي فرحانة إنها أخيرًا هترجع القاهرة وتبعد عن منال وبناتها. ودخلت أوضتها ونامت.

عند ياسين كان حاسس إن في حاجة، حور متغيرة. ياسين طلع أوضته وحاول ينام. تاني يوم الصبح، حنان كانت قاعدة تحت. وحور صحيت ونزلت. حور: صباح الخير يا ماما. حنان: صباح النور يا حور. حور قربت منها: مالك يا ماما؟ إنتي زعلانة مني؟ حنان: لأ. وقامت: أنا هروح أخليهم يحضروا الفطار. حور: ملها؟ هو أنا عملت حاجة؟ هي زعلت ليه؟ نزلت ملك وتاليا وشافوها سرحانة. ملك: مالك يا حور؟ حور: مفيش، أنا كويسة. تاليا: إنتي متأكدة إنك كويسة؟

حور: أيوه. تاليا: هعمل نفسي مصدقة. حنان جت من المطبخ: صباح الخير يا حبايبي. ملك وتاليا: صباح النور. حور حست إن حنان متغيرة من ناحيتها: طيب، أنا هتمشى شوية برا. ملك وتاليا: هنيجي معاكي. حنان: لأ، اقعدوا عشان الفطار جاهز. قعدوا، وبعد خمس دقايق نزلوا سيف وياسين وأدهم. الكل: صباح الخير. حور، ملك، وتاليا، وحنان: صباح النور. سيف: أنا جعان، مش هنفطر؟ حنان: خمس دقايق بس وهنفطر. ملك: لى؟ ما الفطار جاهز أهو.

حنان: خالتك وإيمان وأسماء جايين يفطروا معانا. سيف: هما معندهمش أكل في بيتهم يعني؟ حنان: سيف، احترم نفسك، دي خالتك وبنات خالتك. سيف: حاضر. قطع كلامهم دخول منال وإيمان وأسماء. ملك: أهم جم، نقدر نفطر بقا. حنان: أيوه، يلا. كله قعد على السفرة وبدأوا أكل. وبعد دقيقتين حور قامت. ملك: مالك يا حور؟ كملي أكلك. حور: لأ، أكلت الحمد لله. ومشيت. منال بصت لبناتها بخبث. سيف بستغراب: ماما، مقولتيش لي الحور تاكل من امتى؟

وإنتي بتسبيها تقوم من على الأكل من غير ما تخلص طبقها؟ حنان: سيبها، هي لما تجوع هتاكل. كملوا أكلكوا. ياسين فهم إن حد لعب في دماغ حنان. وبعد شوية خلصوا أكل وقاموا. عند حور طلعت أوضتها وفونها رن. حور بحزن: الو. ... : مالك يا حور؟ حور: مليش، أنا كويسة. إنتوا عاملين إيه؟ ... : حور، قولي مالك. حور: حكت عن تجاهل حنان ليها. ... : حور حبيبتي، إنتي مش مضطرة تبقي معاهم. أنا ممكن أجي آخدك دلوقتي، وإنتي عارفة إني هبقى معاكي.

حور: مش هقدر أعيش من غيرهم دقيقة، وكمان أنا لسه مسمحتش عشان أرجع. ... : حور، سمحتي أو مسمحتيش، مش هتفضلي معاهم تاني. حور: عشان خاطري، خلاص. دلوقتي ممكن أكون غلطت وأنا مش واخدة بالي، متخافيش عليا. ... : ماشي يا حور، كلامك يمشي عشان خاطرك. حور: طيب. قطعت كلامهم دخول ملك. ملك: بتكلمي مين يا حور؟ حور: دي صحبتي. ملك: صحبتك مين؟ حور: إيه يا ملك؟ هو تحقيق؟ ملك: لأ يا حور، يلا تعالي انزلي معايا نقعد كلنا سوا.

حور: لأ، مش عايزة أنزل. ملك: حور، بطلي رخامة بقا ويلا. حور: ماشي. ونزلوا سوا وقعدوا جنب تاليا. بعد شويا إيمان جابت عصير وقدمت للكل ما عدا حور. ملك: اومال فين عصير حور؟ حنان: وهي حور غريبة؟ البيت بيتها، تقوم تجيب لنفسها. إيمان ومنال وأسماء ابتسموا بخبث. منال في نفسها: ولسة اللي جاي أحسن. هخليهم يرموكي زي كلبة. ملك: إيه اللي بتقوليه دا يا ماما؟ حور: خلاص يا ملك، بعد إذنكم. وطلعت أوضتها.

ياسين: ماما، إنتي واخدة بالك إنك متغيرة مع حور من امبارح؟ حنان: أنا لأ طبعًا. كل ده عشان بقول إن البيت بيتها تقوم تجيب لنفسها. أبقى متغيرة معاها؟ ياسين: أيوه يا ماما. عند حور طلعت أوضتها ومسكت فونها ورنت على حد. حور بعياط: الو. ... : مالك يا حور؟ بتعيطي ليه؟ إنتي كويسة؟ حور: أنا مش عايزة أبقى هنا، تعالي خدني عشان خاطري. ... : حاضر يا حبيبتي، مسافة سكة وهبقى عندك. متعيطيش، ابعتيلي بس العنوان. حور: حاضر.

وقفت، بعتت له العنوان في رسالة، وبدأت تجهز تلم هدومها في الشنطة وهي بتعيط. الباب خبط. حور: ادخلي يا ملك. ملك: حور، معلش متزعليش من ماما، هي مش قصدها حاجة. حور وهي بتلم هدومها: حاضر يا ملك، مش هزعل. ملك: طب بتلمي هدومك ليه؟ حور: هرجع القاهرة. ملك: طب ممكن تهدي، وبكرا نرجع كلنا القاهرة. حور: لأ، أنا هرجع النهاردة. ولو سمحت يا ملك، سيبيني لوحدي دلوقتي. ملك: ماشي. وخرجت من أوضة حور ونزلت تحت. ملك: هو أبية ياسين وسيف فين؟

حنان: أدهم وياسين وسيف خرجوا. ملك: ماما، حور زعلانة أوي وبتلم هدومها وهترجع القاهرة النهاردة. منال بخبث: أحسن ترجع ولا تغور في داهية، بسببها كلكم مطلعين اختي غلطانة، واستاذ ياسين زعق لأمه عشانها، ولا إيه يا حنان؟ حنان: سيبها يا ملك ترجع النهاردة، وإحنا بكرا هنرجع وراها. ملك: ماما، إنتي بتتكلمي بجد؟ دي حور بنتك اللي ربيتيها، واللي مكنتيش تقدري تقعدي من غيرها يوم واحد، دلوقتي بقا عادي؟ ماشي يا ماما.

ملك وتاليا طلعوا الأوضة وفضلوا مستنيين ياسين يجي عشان فونو مقفول، هو وسيف وأدهم. عدت ساعات وياسين لسا مجاش، ولا فونو اتفتح. عند حور فونها رن. حور: الو. ... : أنا برا على البوابة، اخرجي يلا. حور: حاضر، أنا نازلة أهو. وقفت، خدت شنطتها وخرجت من أوضتها. ملك وتاليا شافوها. ملك: حور، استنيني أما أبية يرجع ونمشي كلنا. حور: لأ يا ملك، أنا همشي دلوقتي ومش هرجع الأقصر تاني. أنا آسفة. ملك: حور، إيه اللي إنتي بتقوليه ده؟

إنتي بتهزري؟ حور: لأ، مش بهزر. هتوحشوني أوي. تاليا: حور، ممكن تهدي عشان خاطرنا. حور: بالله عليكم، سيبوني. ملك: حور، طب أنا هعتذرلك عن اللي حصل من ماما وخالتو وبناتها. حور: أنا عمري ما أزعل من ماما، أنا بس هبعد شوية. ووعد، هرجع تاني ليكوا. ونزلت تحت، وحنان ومنال وبناتها شافوها. حنان: إيه دا؟ إنتي راحة فين يا حور؟ حور من غير كلام، راحت حضنتها أوي: هتوحشيني يا ماما أوي. سلام. وخرجت، وملك تاليا وراها.

وأول ما خرجت من البوابة، شخص فتح لها باب العربية وركبت، وهو خد شنطتها، حطها في العربية من ورا. وركب العربية وساق ومشي. وكل ده وملك بتنادي عليها هي وتاليا. ياسين وأدهم وسيف نزلوا من العربية لما شافوا ملك وتاليا واقفين برا وملك بتعيط. ياسين: ملك، مالك بتعيطي ليه؟ ملك بعياط: حور مشيت. ياسين بزعيق: مشيت فين؟ إنتي بتقولي إيه؟ تاليا: بص، اتصلنا بيك كتير، بس فونك مقفول. وهي دلوقتي حالا لسة راكبة العربية مع واحد ومشيت.

ياسين: واحد مين؟ إنتوا اتجننتوا؟ أدهم: مشيت امتى؟ تاليا: مبقلهاش خمس دقايق. ياسين ركب العربية هو وأدهم ومشوا بسرعة بيها.