رواية حور ياسين الفصل التاسع 9 - بقلم مي

ياسين: عشان هي بنت عمي، أما أنت متقربلهاش أصلًا. أحمد: يعني هي كدا؟ طب ياعم أنا عايز أتجوّز حور. لكمة ياسين لكمة وفضل يضرب. منال بصويت: سيبوه يا ياسين، هتضرب ابن خالتك عشان حتة بت! ياسين: آه واقتله كمان! قولي بقا عايز تتجوّز مين يا زفت أنت! أحمد بستفزاز: حور. ياسين كان هيقرب يضربه تاني. سيف دخل بالدكتور. سيف: الدكتور أهو، فين حور؟ ياسين: تعالى يا دكتور. وطلع مع الدكتور. ياسين خبط على باب الأوضة. حنان: مين؟

ياسين: أنا يا أمي، الدكتور وصل. حنان: ادخلوا. كشف الدكتور. الدكتور: دي شوية كدمات في رجليها. حنان: يعني هي كويسة؟ الدكتور: آه الحمد لله. ياسين وصل الدكتور وراجع تاني. ياسين: ينفع اللي حصل ده؟ حور بخوف: أنا آسفة. حنان: خلاص يا ياسين، تعالي يلا نشوف خالتك. ياسين: حاضر، يلا. ونزلوا. تاليا: أنتِ كنتِ فين؟ حور: معرفش. ملك: ده اللي هو إزاي يعني؟

حور: والله معرف، كنت راكبة الحصان ومشيت بسرعة وبعيد جدًا عن المزرعة، ولما حاولت أوقفه وقعت واغمى عليا. ولما فوقت لقيت أحمد في وشي وجابني هنا. بس. ملك: أحمد عشان كدا ياسين كان متعصب؟ تاليا: مين أحمد ده؟ ملك: أحمد ابن خالتي منال اللي تحت. تاليا: آه، طيب. حور: استنوا هغير وأنزل. ملك وتاليا: ماشي. *** تحت عند ياسين. نزل هو وحنان. كان أحمد ومنال وأدهم وسيف قاعدين. منال: ينفع كدا يا حنان؟ ابنك يضرب أحمد.

حنان: معلش يا منال. ياسين: معلش ليه؟ إحنا مغلطناش. منال: شايفة يا حنان. حنان: بس يا ياسين. قطعهم دخول أسماء وإيمان وهما داخلين. أسماء وإيمان: خالتو عاملة إيه؟ حنان حضنتهم: حبايبي خالتو، الحمد لله. أنتوا عاملين إيه؟ أسماء أول ما شافت وش أحمد شهقت: إيه ده؟ إيه اللي عمل في وشك كدا؟ أحمد: اسألي ابن خالتك الكبير العاقل. أسماء: ياسين هو اللي عمل كدا؟ ياسين: بتفهمي والله. آه، أنا اللي عملت كدا. إيمان: وليه بقا؟

منال: عشان واحدة من الشارع. ياسين بغضب وصوت عالي: مش بنت ومرات ياسين الصاوي اللي من الشارع، أنتِ فاهمة؟ الكل اتصدم ما عدا حنان وأدهم. سمعوا صوت حد وقع. ملك وتاليا بصريخ: حووووور! ياسين وحنان وسيف جريوا عليها. ياسين شالها وطلعها أوضتها وحاولوا يفوّقوها. وبعد وقت فاقت. حنان: حور حبيبتي، أنتِ كويسة؟ حور: إيه اللي سمعته ده؟ قولوا إنه كدب مش أكتر. حنان: حور حبيبتي، اهدي. أنتِ لسه تعبانة.

حور بعياط: قولوا إنه كدب وأنا ههدي. حنان: كله يطلع برا. وفعلًا كلهم طلعوا برا. حنان: ممكن بقا تهدي عشان نعرف نتكلم؟ حور: اتفضلي. حنان: دي كانت وصية بابكي عشان يحميكي من هناء. وفعلًا اللي كان عامل حسابه حصل. هناء رجعت لما بقيتي 18 سنة وكانت هتاخدك، فماكنش فيه طريقة نمنعها إنها متأخدكيش غير بجوازك من ياسين. حور: وإمتى بقا الكلام ده؟ ومش معنى دلوقتي، اللي هناء رجعت في.

حنان: باباكي الله يرحمه كاتب لك حاجات كتير باسمك وتقدر تستلميهم بشرط إنك تتمي 22 سنة، يعني كمان سنتين. ولو رحتي مع هناء دلوقتي، يعني هيبقا فيه سنتين عشان تثقي فيها، ولما تقول لك اكتبيها باسمي ساعتها أنتِ هتكتبيها. والجواز إمتى؟ فده في حفلة عيد ميلادك السنة اللي فاتت. وكمان الطلاق هيتم لما تتمي 22 سنة. حور: طيب ليه ماما هناء بتعمل كدا؟ حنان: هناء طماعة وعايزة يبقى معاها الأكتر. فهمتي بقا؟ حور: أيوه.

حنان: تعالي يلا ننزل. حور: لا مش عايزة أنزل، أنا هنام. حنان: لا هتنزلي معايا شوية وبعدين تطلعي. حور: حاضر يا ماما. وقاموا ونزلوا. *** عند ياسين بعد ما نزل. سيف: هي عاملة إيه دلوقتي؟ ياسين: بقت كويسة الحمد لله. أسماء: مقولتيش يعني إنك متجوز؟ ملك: ما كنتيش من بقيت العيلة يا حبيبتي. إيمان: إيه اللي بتقولي دا؟ ملك: اللي سمعتيه. آه، ياسين اتجوز. وبإذن الله سيف كمان هيتجوز صحبتي. ياسين: خلاص يا ملك.

منال بغيظ: لسه فاكر يا ابن اختي تقول عيب. حنان وهي نازلة: خلاص بقا يا منال، وإنتي يا ملك مينفعش تكلمي خالتك كدا. اعتذري منها حالًا. ملك بضيق: حاضر، أنا آسفة يا خالتو. وراحت وقفت جنب حور. حور: تعالوا نقعد برا شوية. ملك: يلا، يلا يا سيف إنت وتاليا. أدهم: هو أنا مش موجود؟ ملك: لا موجود. أدهم: أومال ليه مفيش؟ يلا يا أدهم. ملك: يلا يا أدهم. تمام كدا؟ أدهم بغرور: تمام. يلا.

وخرجوا برا وقعدوا سوا كلهم على الأرض في الجنينة بتاعت المزرعة. سيف: متيجوا نلعب. ملك وتاليا: فكرة حلوة. حور: بس هنلعب إيه؟ تاليا: الصراحة. ملك وحور وسيف: موافقين. أدهم: إيه هي اللعبة دي عشان مش عارفها؟ سيف: دي الإزازة، لما تيجي عندك يبقى الدور حد يسألك سؤال وانت تجاوب بصراحة بس. أدهم: تمام، ماشي. سيف: طب هروح أجيب إزازة وأيجي. أدهم: هات ياسين معاك. سيف: تمام.

ودخل جاب إزازة، وكان ياسين ماسك فونو. وحنان ومنال وولادها قاعدين. سيف: أدهم برا عايزك. ياسين: حاضر، جاي. منال: قومي يا إيمان إنتي وأختك اقعدوا معاهم. أسماء وإيمان: حاضر يا ماما. سيف بصوت واطي سمعوا ياسين: ناس رخمة صح. ياسين في نفسه: معاك حق والله. وخرجوا الأربعة برا. ياسين: نعم يا أدهم؟ أدهم: تعالي نلعب سوا. ياسين: نلعب. ملك: بالله عليك يا أبيه لتقعد...

قعد ياسين وبدأوا اللعب. وسيف لف الإزازة وجه الدور على تاليا إنها تتسأل. سيف: أنا هسأل. تاليا، بتحبي؟ تاليا: لا. سيف: ليه؟ تاليا: هو مش سؤال واحد ولا إيه؟ ملك: هو سؤال واحد. أنا هلف الإزازة. ولفت ملك الإزازة وجت عند إيمان إنها تتسأل. ملك: هتعملي إيه لو اللي بتحبيه متجوز؟ إيمان بغيظ: ولا حاجة. ملك: هعمل نفسي مصدقة. ولفت الإزازة جت على ملك إنها تتسأل. أسماء: أنا هسألها. ملك، بتحبي؟ ملك: ها... لا. يلا هلف الإزازة.

ولفتها جت على أدهم يتسأل. سيف: أدهم، بتحب؟ أدهم: أيوه بحب وناوي أتقدملها قريب بإذن الله. سيف: مين اللي أمها داعية عليها؟ أدهم: مش هقولك، بس ياسين عارفها. وبطل بقا. ولف الإزازة جه الدور على حور. إيمان بخبث: حور، ناوية تعملي إيه؟ هتتطلقي من ياسين عشان حبيبك ولا هتفضلي معاه؟ ياسين بص لحور بيشوف رد فعلها. حور: ها.........