رواية حور ياسين الفصل الحادي عشر 11 - بقلم مي

ياسين: ملك، مالك بتعيطي ليه؟ ملك: حور مشيت. ياسين بزعيق: مشيت فين؟ انتي بتقولي إيه؟ تاليا: اتصلنا بيكي كتير بس فونك مقفول، وهي دلوقتي حالًا لسه راكبة العربية مع واحد ومشيت. ياسين: واحد مين؟ انتو اتجننتو؟ أدهم: مشيت امتى؟ تاليا: مبقالهاش خمس دقايق. ياسين ركب العربية هو وأدهم ومشوا بسرعة. سيف خد ملك وتاليا ودخلهم. أول ما دخلو، حنان: هي حور مشيت؟ سيف: مش انتي كنتي السبب؟ وسابها مع منال وطلع هو وملك وتاليا أوضة ملك.

عند حور في العربية. حور: إحنا هنروح فين يا أسر؟ أسر: قصر النصار طبعًا. حور: أسر، أنا خايفة من رد فعلهم. أسر: هما عارفين إنك جاية، حتى بابا وهو مرحب بيكي. حور: ماشي يا أسر. كملوا بالعربية في الطريق. عند ياسين، متعب جدًا وخايف أوي على حور. بس مقدروش يلحقوا عربية أسر. ياسين: ياترى راحت فين ومين اللي معاها ده؟ أدهم: اهدي بس، ممكن تكون راحت الأقصر. ياسين: لازم ننزل القاهرة. أدهم: صح.

ورجعوا تاني المزرعة. ياسين قلقان عليها أوي. وصلوا ونزلوا. ملك كانت نازلة من السلم: ياسين، لقيت حور؟ ياسين: لا، هننزل القاهرة أكيد رجعت الأقصر. منال بخبث: مش هتلاقيها. حور مشيت مع اللي بتحبه، سابتك ومشيت. أنا سمعتها وهي بتقول كده. ياسين: خلصتي كلامك؟ متدخليش تاني. يلا جهزوا. وفعلًا بعد وقت جهزوا كلهم. وسلمت حنان على أختها وركبوا العربيات ونزلوا القاهرة. عند حور، وصلت قصر الصاوي. حور مكنتش عايزة تدخل. أسر: حور، يلا.

ودخلوا. أول ما هناء شافتها جريت عليها وحضنتها. هناء بدموع: حبيبتي، وحشتيني أوي. أنا آسفة إني سبتك زمان، والله ندمت خلاص. أنا آسفة يا روح ماما، أنا والله لما جيتلك مكنتش عايزة فلوس، كنت حابة أشوفك، يمكن تكون آخر مرة. أنا ندمت والله ومستعدة أرجع كل الفلوس اللي أخدتها زمان، مش عايزاهم، أنا عايزاكي انتي تبقي معايا. قطع كلامهم دخول ولد. محمد: إيه يا هناء، ماتسيبي القمر تسلم عليا.

وبعدها عن حور وحضنها: حبيبة قلب أخوكي، نورتي. حور: شكرًا. محمد: شكرًا... يلهوي دي طلعت هبلة. دي بتقول لأخوها شكرًا. أسر: محمد، ماتنساش إنك أصغر منها، فحترم نفسك. هناء: تعالي يا حبيبتي، ادخلي. وشدت حور من إيدها وقعدوا كلهم. هناء: بجد شكرًا يا أسر، رجعتلي بنتي تاني لحضني. أسر: مفيش أم بتقول لابنها شكرًا، وأنا معملتش حاجة. انتي زي أمي وحور زي أختي. هناء: حبيبي، تسلم لي. حور: أسر، انت وعدتني إنك هتسفرني.

هناء: لا يا حور، بالله عليكي ما تسبيني وتسافري. صوت من وراها: ومين قالك إن حور هتسيبك. كلهم بصوا وراهم.