رواية حور ياسين الفصل الثامن والعشرون 28 - بقلم مي

وقعدوا وبدأوا أكل. ياسين فونو رن. ياسين: الو. ... : الو. ياسين: هو انت عايز إيه يا أسر؟ مش قولتلك ابعد عننا نهائي. أسر بخوف: ياسين، ماما تعبانة جدًا والمفروض إنها تعمل العملية دلوقتي، بس هي مش راضية تدخل أوضة العمليات إلا لما تشوف حور. بالله عليك خلي حور تيجي. ياسين بصدمة: طيب، طيب. إيه عنوان المستشفى؟ أسر: تمام، العنوان... ياسين: تمام، مسافة السكة. سلام. وقفل. ياسين: حور، يلا تعالي معايا.

حنان: أنت كنت بتكلم مين ومستشفى إيه اللي كنت بتقول عليها؟ ياسين: هناء في المستشفى وتعبانة والمفروض تعمل العملية دلوقتي، بس هي مش راضية تدخل أوضة العمليات إلا لما تشوف حور. حور عيطت: يلا يا ياسين بسرعة بالله عليك. ياسين: يلا. ومشوا. حنان: ربنا يشفيها. ملك وسيف وأسماء: يارب. عند أسر وهناء في المستشفى. هناء بتعب: حور جاية صح؟ أسر: أيوه والله جاية. محمد بدموع: ماما، بالله عليكي وافقي إنك تدخلي أوضة العمليات.

هناء: لا، عايزة أشوف حور الأول. مش يمكن أموت. محمد وأسر: بعد الشر عليكي. عند حور في العربية بتعيط جامد. ياسين: حور، ممكن تهدي؟ هتبقى كويسة، متقلقيش. حور: أنا مش عايزها تسيبني تاني يا ياسين. ياسين: خلاص يا حور، إن شاء الله خير. حور: يارب. بعد نص ساعة وصلوا المستشفى. نزلت حور وياسين. ياسين سأل على أوضتها وعرف وطلعوا فوق بسرعة. حور أول ما شافت محمد جري عليها وحضنها. محمد: ماما هتروح ياحور؟ أنا خايف عليها أوي.

حور: بإذن الله خير. هي فين؟ محمد: في الأوضة دي. ادخللها. حور دخلت وياسين دخل وراها. حور راحت جنب هناء ومسكت إيدها وباست دماغها. حور: ماما حبيبتي، أنا جيت أهو. هناء فتحت عينها بتعب: حور حبيبتي، سامحيني يروحي. والله أنا ندمت إني بعدتك عني كل السنين دي. حور: حبيبتي، متكلميش كده هتتعبي. يلا عشان تعملي العملية وتبقي كويسة إن شاء الله يا ماما. ياسين لممرضة: روحي خليهم يجهزوا أوضة العمليات وخلي الدكتور يجي. الممرضة: حاضر.

وخرجت. هناء: ياسين. ياسين قرب منها: نعم. هناء: خلي بالك من حور. حور بتحبك أوي لدرجة إنها كانت بتعيط عليك لما كانت مسافرة عندنا. وأه، صح. أسر مطلبش إيد حور. أنا قولت دا عشان يعترف لك حور بحبك وأقول لحنان إن حور ملهاش ذنب في اللي عملته أنا فيها زمان وإني آسفة. الدكتور دخل: ممنوع الكلام. وأداها حقنة. هناء نامت في ساعتها. حور: مالها؟ هي هتبقى كويسة صح؟

الدكتور بحزن: هي في المرحلة الأخيرة ونسبة نجاتها 7% بس. فـ ربنا يستر. ادعولها. ومشي. والممرضين خدوا هناء على السرير المتحرك وخرجوا. حور بعياط: هي هتمشي تاني وهتبعد عني؟ أنا والله سامحتها ومش عايزها تبعد عني تاني يا ياسين. ياسين حضن حور: طيب، ممكن تهدي؟ هي بإذن الله هتبقى كويسة. حور وياسين خرجوا من الأوضة. حور قعدت جنب محمد. وياسين واقف. وأسر وياسر واقفين جنب أوضة العمليات. فون ياسين رن. ياسين رد.

سيف: الو يا ياسين، حور عاملة إيه ومامتها كويسة؟ ياسين بعد شوية: مامتها في أوضة العمليات ونسبة خروجها عايشة 7% بس. وحور منهارة عياط. سيف: طب ماما وملك وأسماء عايزين يجوا. ياسين: لا، مش دلوقتي. هبقى أرن عليك أنا وأقولك. سيف: تمام. خلي بالك من حور. سلام. وقفل. رجع تاني ياسين وقف معاهم. عند سيف وملك. ملك: ها، قالك إيه؟ سيف: قالي لا، متجوش دلوقتي. وإن نسبة خروجها عايشة 7% بس، يعني... وسكت.

منال بشماتة: أحسن. يلا في داهية. يارب تموت. حنان: حرام يا منال كده. منال: أنا قايمة طالعة أوضتي. وطلعت. حنان: وأنا هطلع أرتاح شوية. في المستشفى. وبعد ساعات دكتور خرج. كلهم جريوا عليه. ياسر: ها، هي عاملة إيه دلوقتي؟ الدكتور بأسف: البقاء لله. الجملة وقعت عليهم زي الصاعقة. أسر مسك الدكتور ضربه: إنت بتقول إيه؟ إنت اتجننت؟ ياسين بعد بين الدكتور وأسر.