رواية حور الفصل الخامس 5 - بقلم شيماء محروس

مريم: إزاي ما كنتيش موافقة وبتعيطي ودلوقتي موافقة ومبسوطة وفرحانة؟ حور: أنا هوريه مين هي حور. مريم: هتعملي إيه؟ حور: هخليه يتمنى بس يرضى. مريم: أشطا يا رورو، هو ده الكلام ولا بلاش. حور: حبيبتي أنتي. فاتن: حور يلا عشان المأذون جه بره. حور: حاضر، طالعة. يلا يا مريم. وأول ما المأذون قال: "بارك الله لكما وبارك عليكما وجمع بينكما في خير"، وتعالت الزغاريط في البيت. وسليم بقى يبص لي كده فترة. وبعدين

سليم: بعد إذنك يا عمي، هاخد حور ونقضي يومين كده نفسحها. جمال: ماشي يا ابني، ربنا يسعدكم. *** علا: بغضب وهي بتكسر كل حاجة، إزاي ده يحصل؟ إزاي؟ أنا لازم أخليه يطلقها بس بفضيحة. ندى: اهدى يا علا عشان نعرف نتصرف. علا: بغضب، كل حاجة بتروح مني، لازم أرجع سليم ليا. ندى: هتعملي إيه يعني؟ علا: هتشوفي. ومسكت التليفون. علا: أيوة، حضرتك. أنا جهزة كل حاجة. علا: تمام. ندى: أنتي كلمتي مين وهتعملي إيه؟ علا: بكرة تعرفي. ***

حور: يلا بينا على إسكندرية. سليم: اشمعنى إسكندرية؟ حور: عشان أنا كنت مخلية كذا مكان كده اللي أروحه مع جوزي. سليم: يعني أول مرة تروحي إسكندرية معايا أنا؟ حور: أيوة. وبعد 3 ساعات وصلوا إسكندرية في شاليه على البحر. حور: الله على المنظر، والمكان تحفة. سليم: عجبك يا حوري؟ حور: باستغراب، حوري؟ سليم: ااااه، مش بقيت مراتي وبتعتي وحدي وبس، حوري. حور: اممممممم، طيب يلا شوف أنت هتنام في الصالة وأنا في الأوضة.

سليم: وهو بيقرب منها، الله، مش أنتي مراتى؟ حور: أيوة مراتك، بس برضه هتنام في الصالة. اتفضل. وطلعته بره وهي فرحانة وبتتنطط. سليم: وهو مبتسم، طيب براحة طيب، متزقيش، خلي بالك، أنا طالع بمزاجي. حور: أنا مش سامعة حاجة، بتقول حاجة يا أخ. سليم: نهارك مش فايت، أخ أنا جوزك يا منيلة. حور: هههههههههه، أنا نمت خلاص، تصبح على خير. سليم: وأنتي من أهلي يا حوري. *** مازن: سليم كتب كتابه امبارح. محمد: كده الفلوس هتروح منا، هنعمل إيه؟

مازن: لازم سليم يسيب حور. محمد: إزاي؟ مازن: أنا هقولك. *** تاني يوم عند حور. حور: اصحي يا أستاذ، أنت الفطار. سليم: فطار إيه، مافيش أكل هنا. حور: ااه، ما أنا عارفة. ونزلت جبت زي ما أنت شايف، بيض وجبنة وعيش ولانشون. سليم: بنرفزة، نعم، نزلتِ وحدك؟ حور: ههه، لا، أنا وخيالي. سليم: آخر مرة يا حور تنزلي وحدك، فاهمة؟ حور: حاضر، حاضر، يلا نفطر. سليم: لا، اعملي سندوتشات عشان هنمشي. حور: ماشي. وفي الطريق. حور: ممكن أوديك مكان؟

سليم: إيه هو؟ حور: هنروح الملجأ. سليم: بفرحة، بجد؟ أنا عمري ما رحت الملجأ. حور: خلاص، نعدي ناخد مهند وأروى معانا ونروح. سليم: مين دول؟ حور: أولاد عمتي عشان وعدتهم إني هاخدهم لو روحت. سليم: ماشي. في الملجأ. مهند وأروى: من ده يا حور؟ حور: ده عمو سليم جوزي. مهند: أنتي اتجوزتي إمتى؟ مش متفقين إني أنا اللي هتجوزك. حور: ههههههههههه. سليم: بهمس في ودن حور، بتضحكي على إيه، لولاه بس عيل صغير بس. حور: إيه يا سليم، في إيه؟

هههههههههه. سليم: مفيش، إيه رأيكم نروح الملاهي؟ كلهم في صوت واحد: طبعاً يلا. وقضوا أجمل يوم. وآخر اليوم سليم أخدها في محل لبس شيك وجبلها فستان سهرة شيك جدا. ووصلها عند البيت. سليم: نتقابل بكرة يا حوري، عازمك على العشاء. حور: ماشي، يلا أشوفك بكرة. *** علا: عملتي إيه؟ الشخص: بعتله الصور. علا: ماشي. *** سليم: بغضب، الو، حور، انزلي حالا، أنا تحت البيت. حور: في إيه؟ سليم: بقولك انزلي. حور: في إيه؟ سليم: إيه ده؟ حور: صور.

سليم: حور، بطلة تستهبلي، إيه اللي في الصور ده؟ حور: في إيه يا سليم؟ ده ابن عمتي حازم، وأخويا في الرضاعة، عادي بنهزر مع بعض. وده واحد اتخبط فيه وأنا داخلة الشركة. وبعدين إيه شوية صور وكاتبلك عليها "شوف مراتك الشريفة" يعني مين بالظبط؟ عرف إننا اتجوزنا وعاوز يوقع بينا. فكر شوية قبل ما تعمل حاجة وتشك فيا. سليم: طيب، انزلي أنتِ. *** علا: دي البداية يا حور، الضربة اللي جاية أقوى وهتقضي عليكي. ندى: هتعملي إيه تاني؟

خلي بالك لو سليم عرف بحاجة هنروح في داهية. علا: وسليم هيعرف منين أصلاً؟ بعد اللي هعمله فيه مش هيلاقي حد قدامي غيري أنا، ونبقى مدام سليم. ندى: هههههههه، متنسيش بقى. علا: متخافيش يا روحي، هههههههه، أنا هوريكِ يا حور. *** تاني يوم في الشركة. الشخص: أنسة حور معايا. حور: أيوة. الشخص: أنا المدير بتاع مدرسة مهند. مهند تعب جداً، وخدوه على البيت حالياً، وهو قال لي أنا لازم أروح عند حور، عشان كده أنا اتصلت بيكي. الحقيه بسرعة.

حور: بخضة، حاضر، حاضر. *** الشخص: الو، أستاذ سليم معايا. سليم: أيوة، أنت مين؟ الشخص: مراتك المحترمة بتخونك. لو مش مصدقني، روح على العنوان ده.