رواية حور الفصل الرابع 4 - بقلم شيماء محروس

علا: البت حور طولت أوي وشكلها عاوزة تاخد سليم لازمها خطة عشان أخلي سليم يطردها. ندى: ناوية على إيه؟ وفجأة جه صوت من وراهم: أنا هقولكم نعمل إيه. علا: بصدمة: مدام ليلى. ليلى: آه وأنا كمان عاوزة أبعد الجربوعة دي عن ابني. علا: طيب عندك خطة؟ ليلى: أيوه طبعًا اسمعي. *** حور: نعممممممم!!؟ بتقول إيه يا بابا؟ محمود: زي ما سمعتي كده كتب كتابك بكرة. حور: لكن يا بابا أنا مش بحبه. محمود: أنا قولت وكلامي هو اللي هيتنفذ. حور:

بعياط: حرام عليك يا بابا متبقاش قاسي عليا زي ماما. محمود: أنا بعمل اللي في مصلحتك ومناسب ليكي. حور: لكن أنا مش موافقة. محمود: هتقفي قدامي وتعارضي كلامي؟ حور: بعياط: لا. ودخلت على أوضتها. مريم: اهدى يا حور. حور: شوفتي يا مريم عاوز يجوزني للحيوان ده. وفجأة رن جرس الباب. فاتن: أهلاً يا ابني مين أنت؟ سليم: أنا مدير حور في الشغل. فاتن: أهلاً أهلاً اتفضل. سليم: ممكن أقابل حور. فاتن: آه طبعًا اتفضل وهنادي عليها.

فاتن: حور مديرك بره وعاوز يقابلك. مريم: أوبا اخلع أنا بقى. حور: استني خليكي لما أشوفه عاوز إيه. *** في فيلا فؤاد. ليلى: اسمعي انتي مالكيش شغل هنا تاني. نجوى: ليه بس يا ست هانم أنا عملت حاجة غلط زعلتك؟ ليلى: مبقاش إلا الخدامين نناسبهم؟ نجوى: حضرتك بتتكلمي عن إيه؟ ليلى: من غير كلام كتير انتي مرفودة امشي من وشي. فؤاد: استني متمشيش. ليلى: انت بتعارض كلامي؟ فؤاد: امشي انتي شوفي شغلك يا نجوى. ليلى:

بغضب: بتعارض كلامي عشان حتة شغالة؟ فؤاد: إيه ذنبها دي عشان تطرديها، بلاش العظمة الكدابة دي وفوقي لنفسك. ومشيو. *** عند حور في البيت. حور: خير إيه اللي جابك هنا؟ سليم: أنا آسف. حور: إيه إيه قولت تاني كده؟ سليم: أي وقعتي على ودنك وانتي صغيرة، بقولك أنا آسف. حور: قليل الأدب وكمان بجح. سليم: بس قمر. حور: مين ده؟ سامعة دبانة بتزن. سليم: على العموم جيت أقولك تيجي الشركة بكرة، واه كتب كتابنا بكرة. حور: .......

سليم: سلام أشوفك بكرة. ومشي. فاتن: كان عاوزك في إيه؟ حور: رجعني الشغل. فاتن: صحبتك مشيت من الباب اللي ورا. حور: ماشي. *** تاني يوم في الشركة. حور: يا جبانة سبتيني ومشيتي. مريم: حصل إيه؟ حور: كتب كتابنا النهارده. مريم: طيب ادخلي له عشان كان طالب أوراق معاكي. حور: أوكي. عند سليم في المكتب. علا: بدلع: أجيبلك القهوة يا حبيبي؟ سليم: شكراً يا لولو. علا: ولسه بتقرب تبوسه في خده.

حور: سوري يا لولو دخلت فجأة بس مكنتش أعرف إنك رخيصة كده. علا: بغضب: إنتي إيه اللي دخلك المكتب من غير ما تستأذني؟ حور: مش داخلة عندك يا لولو. سليم: حور هاتي الملفات عشان تلحقي تروحي. حور: اتفضل وانت كمان يلا. علا: انتو رايحين فين؟ سليم: مشوار كده مالكيش دخل فيه. *** مازن: عملت إيه مع ندى؟ محمد: لسه معملتش بس هعمل دي زي الخاتم في صباعي. مازن: أحذر منها دي مش سهلة. محمد: متخافش. *** علا:

بغضب: البت دي رايحة على فين هي وسليم؟ ندى: أنا عرفت من محمد إن النهارده كتب كتاب سليم وحور. علا: إنتي بتقولي إيه مستحيل. ندى: معرفش ده اللي حصل. علا: أنا هوريهم. *** عند حور في البيت. مريم: إزاي امبارح مكنتيش موافقة وانهاردة موافقة وفرحانة؟ حور: أنا هوريه مين هي حور.