رواية حور الفصل الثالث 3 - بقلم شيماء محروس

سليم: تاخدي كام وتقضي معايا الليلة؟ حور: نعم؟! سليم: أي، ما سمعتيش؟ أسمعك تاني. حور: والدموع اتجمدت في عينيها. انت إنسان زبالة. سليم: بغضب. احترمي نفسك ومتعمليش نفسك شريفة. حور: بثقة. أنا شريفة غصبن عنك وعن أي حد. وأنا مستقيلة من الشغل ده. وطلعت وهي بتعيط. مريم: حور يا حبيبتي، مالك؟ في إيه؟ حور: سيبيني دلوقتي. أنا رايحة. وسبت الشغل. مازن: إيه؟ سليم في إيه؟ سليم: عرضت على حور مرضيتش. اشمعنى أنت؟

مازن: مش فاهم. إشمعنى أنا؟ إيه؟ سليم: بغضب. أنت هتستهبل؟ أنا سمعتك أنت وحور لما قولتلها تعالي، وأديكي اللي انتي عايزاه. مازن: وضربتني بالكف؟ سليم: بتقول إيه؟ مازن: زي ما بقولك كده. ضربتني بالكف. سليم: أنا عملت إيه؟ *** ليلى: أنا، الجربوعة دي تبقى مرات ابني؟ مستحيل أقبل بكده. فؤاد: إيه جربوعة دي؟ ليلى: شوف احنا فين وهي فين. فؤاد: متنسيش انتي كنتي إيه. وبعدين أنا اديت كلمة لصاحبي خلاص. ليلى: أنا، بتقارنيني أنا بـ دي؟

أنا ليلى هانم، بتقارني بالجربوعة دي. فؤاد: سليم هيتجوز حور وخلصنا. ليلى: على جثتي لو ده حصل. *** عند حور في البيت. محمود: إيه يا حور؟ بتعيطي ليه يا بنتي؟ حصل إيه؟ وجاية ليه بدري من الشغل؟ حور: بعياط. أنا سبت الشغل. فاتن: يا نهار أسود! سبتي الشغل؟ أكيد ضايقتي المدير عشان كده طردك. ومين هيصرف علينا بعد كده؟ حور: بعياط. حرام عليكي يا شيخة. بقا مش انتي أمي؟ ليه بتعملي فيا كده؟ ارحميني بقا. محمود: حور يا حبيبتي، اهدى.

فاتن: دلالها، دلالها. حور: بعياط. حرام عليكم بقا. سيبوني. وطلعت تجري على أوضتها. محمود: انتي إيه اللي بتعمليه ده؟ حرام عليكي بقا يا شيخة. دي بنتك. فاتن: كله ده من دلالك فيها. محمود: هقول إيه بس؟ ربنا يهديكي. *** عند سليم في المكتب. فؤاد: سليم، أنا عاوزاك في موضوع مهم. سليم: خير يا بابا. فؤاد: أنا عاوزاك تكتب كتابك على حور بكرة. سليم: نعم؟ فؤاد: سليم، أبوها طلب مني كده. سليم: وبعدين يعني؟ المفروض أسمع الكلام.

فؤاد: سليم، متنساش إنك بتكلم أبوك. حور بنت جميلة وأخلاق ومناسبة ليك. سليم: ماشي، موافق. فؤاد: بكرة إن شاء الله هنروح ونكتب الكتاب. ويا ريت أمك متعرفش بكده. سليم: ماشي. *** ثناء: بتقولي إيه يا صافي؟ إزاي ده حصل؟ صافي: هنعمل إيه دلوقتي يا مامي؟ ثناء: ماشي يا سليم، أن وريتك. صافي: يا مامي، ده معاه صور وفيديوهات. ثناء: بغضب وضربتها بالكف. اخرسي يا سافلة! كله منك ومن تهورك. بس كله بسبب إني دليلتك زيادة عن اللزوم.

صافي: بعياط. يا ماما، هو اللي ضحك عليا. ثناء: ماشي يا سليم، انت ومازن. *** عند حور في البيت. فاتن: صحبتك مريم جت. حور: دخليها. مريم: حور يا حبيبتي، إيه اللي حصل؟ حور: بعياط. السافل بيقولي: تاخدي كام وتقضي معايا الليلة؟ مريم: بصدمة. انتي بتقولي إيه؟ حور: زي ما بقولك كده. فاتن: حور، أبوكي عاوزك بره. حور: في إيه؟ فاتن: تعالي وانتِ تعرفي. محمود: تعالي يا حور، اقعدي هنا. حور: خير يا بابا.

محمود: انتي لازم تتجوزي سليم. وكتب كتابك بكرة. حور: بصدمة. اااانت... اااانت بتقول إيه يا بابا؟ *** علا: البت حور طولت أوي هنا في الشركة. وأنا لازم أشوف صرفة قبل ما تاخد سليم مني. ندى: هتعملي إيه؟ وفجأة جه صوت من وراهم: أنا هقولكم هنعمل إيه.