رواية حور الفصل السابع 7 - بقلم شيماء محروس

حور: عملتي إيه يا مريم؟ مريم: متخافيش. سليم: حور، مريم، تعالوا. سليم: دلوقتي انتهت المدة اللي أخدتيها عشان تثبتي براءة حور. مريم: حضرتك، ده تسجيل مكالمة حور، وده اسم الشخص اللي اتصل عليها. ندى: الو نادر. نادر: في إيه يا ندى؟ مالك؟ ندى: نار، علا ومازن ومحمد أكيد بيفكروا دلوقتي يقتلوني. نادر: إنتي بتقولي إيه؟ يقتلوكي ليه؟

ندى: اسمعني بس الأول. لو حصلي أي حاجة، أنا معايا تسجيلات لعلا ومحمد ومازن وهما بيتفقوا على حور وسليم. لو حصلي أي حاجة، ودي التسجيلات لسليم، وخليه حور تسامحني. نادر: ندى، إنتي فين دلوقتي؟ ندى: أنا في الطريق، هروح على المخزن. حصلني. نادر: ماشي. عند حور في المكتب، بعد ما سمع تسجيل صوت المكالمة. سليم: حور حبيبتي، أرجوكي سامحيني. حور: أسامحك على إيه ولا على إيه يا سليم؟ سليم: حور، أنا كان غصب عني.

حور: قولتلك اسمعني، وإنت مسمعتنيش. سليم: أرجوكي سامحيني. حور: مينفعش يا سليم. سليم: اعملي فيا اللي إنتي عايزاه، بس سامحيني. حور: ماشي، واستحمل بقى اللي هعمله فيك. سليم: أنا جاهز لأي حاجة هتعمليها فيا، بس سامحيني. محمد: هي طلقة واحدة ونرتاح منها. علا: عندك حق، دي بقت خطر علينا. مازن: لازم ندى تموت عشان كل اللي عملناه ميضعش كده. حور: مريم، قولولي الشخص اللي اتصل اسمه إيه بالظبط؟ مريم: اسمه نادر، ودي صورته.

حور: أنا شفت البني آدم ده قبل كده. أيوه، اتخبطت فيه وأنا داخلة الشركة. مريم: هتعملي إيه؟ حور: بصي، أنا هروح مشوار. لو سليم سأل عليا، قوليله راحت تجيب أكل. مريم: ماشي. حور: عم سيد، عايزة منك طلب. سيد: اؤمري. حور: عايزة عنوان الشاب ده. سيد: بس يا ست هانم. حور: مفيش بس. ويا ريت متقولش لسليم إني سألتك عليه. سيد: ماشي، نص ساعة ويكون العنوان عندك. محمد: ندى مش هينفع تموت. علا: ليه؟ حصل إيه؟

محمد: سليم عرف إن حور بريئة، وعرف إن اللي اتصل نادر، وكده مسك أول الخيط. لو قتلناها دلوقتي، أكيد هيشك فينا. علا: بنت اللذ... هنعمل إيه دلوقتي؟ مازن: لازم نسافر. محمد: عندك حق. ندى: لازم تجيبيلي حور هنا. نادر: ليه؟ ندى: عشان أقولها على كل حاجة، وأخليها تسامحني. نادر: وهنجيبها إزاي؟ ندى: أنا هقولك. بعد نص ساعة. سيد: اتفضلي، ده عنوان نادر. حور: شكراً يا عم سيد. وبعد ربع ساعة، وصلت حور شقة نادر.

حور: لو سمحتي يا خالتي، صاحب الشقة ده فين؟ الست: معرفش، ده مش معروف له معاد. إنتي جايه ليه؟ حور: عايزة في موضوع بالنسـ... حياة أو موت. الست: شكلك بنت ناس، مش زي اللي بيجبهم. ده واحد معروف بأنه زبالة. هتعوزي منه إيه؟ حور: بصراحة كده، ده حاول يشوه سمعتي. فأنا عاوزاكي تساعديني. لو لقيتيه جه، يا ريت ترني عليا. الست: حاضر يا بنتي. سليم: مريم، فين حور؟ مش موجودة على مكتبها ليه؟ مريم: بارتباك، راحت تجيب أكل.

سليم: مريم، قوليلي الحقيقة. فين حور؟ مريم: صدقني معرفش. مقالتليش. علا: يا مدام ليلى. اللعبه بدأت تتكشف، وأنا مش هقع لوحدي. ليلى: يعني إيه؟ إنتي بتهدديني؟ علا: اعتبريه كده. إحنا لازم نعمل حاجة قبل ما الأمور كلها تبوظ. ليلى: أقفلي، وأنا هتصرف. حور: يالهووي، الفون صامت. كل دي مكالمات. مريم: إنتي فين يا حور؟ سليم قالب عليكي الدنيا. حور: هقولك، ابعدي. اقفلي عشان بيرن. سليم: إنتي فين يا حور؟ بغضب.

حور: لما أجي هقولك. أنا تحت الشركة. سليم: طيب، خليكي. أنا نازل. وفجأة...