رواية حورية الأحمد الفصل الخامس 5 - بقلم سارة مازن

احمد: والله يا عمو محتاج سكرتيرة معايا عشان مش فاضي خالص الأيام دي. ملك: طب ما تاخدني معاك يا احمد. أبقى السكرتيرة بتاعتك. في الوقت دا حور طلعت جري: إيه دا أنتوا هنا من إمتي؟ احمد بصدمة: إيه دا. ملك: إنتي عاملة كدا ليه يا حور؟ وفضلت تضحك عليها. حور كانت لابسة هوت شورت وكاش مايوه وشعرها مش مترتب. حور بتوتر قفلت الباب بسرعة. حور في نفسها: يالهوي ياني أنا إزاي طلعت كدا بجد. وراحت تلبس بسرعة عشان تروح مع احمد.

احمد في نفسه: يخربيت جمالك يا شيخة والله نفسي أخطفك. وكلهم نزلوا الصالون. احمد: بعد إذنك يا عمو أنا همشي وأبقى سلملي على بابا أما ينزل من غرفته. هاني: ماشي يا حبيبي ربنا يعينك. ملك بدلع: أنا هاجي معاك يا احمد. احمد بجمود: تعالي يا ملك. حازم: انتوا رايحين فين؟ ملك بابتسامة: رايحين الشركة. حازم بخبث: اوكي وأنا هخرج أنا وحور. احمد بسرعة: هتروحوا فين؟ حازم: مكان ولا في الأحلام. احمد بغيره: وهي وافقت؟

حازم: هي لسه متعرفش أصلاً. احمد ولسه هيتكلم لقي حور نازلة بسرعة أوي. ولابسة دريس فيروزي حلو أوي عليها. ملك بسهوكة: يلا يا أحمودي ولا إيه؟ (ي شيخة اسكتي بقي وانتي مش لايق عليكي اسمك كدا) احمد في دنيا تانية وسرحان فيها. حور وقفت وبصت على احمد هيكون ردة إيه بعد كلمة أحمودي دي. واحمد لاحظ دا. احمد فاق: ماشي يا ملك. حور: اتضايقت أوي وعنيها دمعت. حازم: إيه ي بت الحلاوة دي. احمد بغيره: حازم هو انت مش وراك شغل باين.

(حور مردتش على حد) حور: بابا عامل إيه؟ هاني كان بيقرأ جريدة: حبيبت بابا إيه الجمال دا. حور بابتسامة حزينة: عايزة أقولك على حاجة. (احمد وحازم وملك انتبهوا) هاني: اتفضلي يا حبيبتي. حور: أنا عايزة أقطع الإجازة على كدا وهنمشي بقي. هاني بصدمة لأنه عارف بنته بتحب البيت دا قد إيه. هاني: ليه كدا يا حور؟ حازم: نعم ياختي دا لسه ٣ أسابيع على أما تفكري تسافري. ملك بفرحة: قرار حلو يا حور ربنا يوفقك يارب هتوحشيني.

احمد بنغزة في القلب: بعد إذنكم. ومشي بسرعة على بره. وملك جريت وراه عشان تلحقه. حمادة نزل هو وسانية لقي حور بتعيط وحازم وهاني بيهدوها. سانية بسرعة: في إيه يا جماعة مالك ي حبيبتي فيكي إيه؟ حمادة: مالك ي حبيبت عمو؟ حور بعياط: مفيش بس يا عمو هتوحشوني بس. حمادة: ليه ي بنتي انتي رايحة فين؟ هاني: عايزة تسافر بدري. سانية: ليه ي حور إحنا عملنا فيكي حاجة ي حبيبتي؟ حمادة بغموض: طب تعالي معايا ي حور. حور: فين يا عمو؟

حمادة: تعالي بس. وأخدها وطلعوا فوق الطابق العلوي من البيت. حور: إحنا رايحين فين يا عمو؟ حمادة: هوريكي حاجة في الغرفة دي. حور: غرفة احمد القديمة اللي مش بيحب حد يجي جنبها حتى. حمادة: طب وانتي ماسألتيش نفسك هو مش بيحب حد يجي جنبها ليه؟ حور: لا بصراحة قولت عادي يعني. حمادة: طب افتحيها كدا خدي المفتاح أهو. حور: فتحتها وانصدمت من اللي شافته. عند احمد. احمد قاعد مش طايق نفسه في مكتبه وملك معاه.

ملك بتتمايل عليه: مالك يا أحمودي فيك إيه؟ احمد بعد عنها بعصبية: انتي اللي فيكي إيه مالك ما تتعدلي كدا بدل ما أعدلك أنا. ملك: آسفة يا احمد بس بتعامل عادي. احمد بعصبية: أنا رايح مشوار عايزة تقعدي هنا أهلاً وسهلاً مش عايزة هتصل بحازم يجي يروحك. ملك: طب انت رايح فين؟ احمد مشي من غير ما يرد عليها وركب عربيته ومشي. بعد مدة احمد وصل مكان فاضي على البحر وراح يقعد.

احمد بصوت موجوع: ليه ي حور ليه عايزة تسيبني تاني. دا أنا قولت إن خلاص بقي هنرجع ونتجوز واخطفك من العالم كله وتبقي ملكي أنا وبس. يارب أنت اللي عالم بحالي وتبطل عند وكبرياء بقي. (ال كبرياء في الحب دمار للقلب) مين معايا في الجملة دي؟ يترا حور شافت إيه في الغرفة؟ وهل هتسافر ولا إيه؟