رواية حورية الأحمد الفصل الخامس عشر 15 - بقلم سارة مازن

ميمي: يعني هو قالك كده؟ ملك بدموع: أيوه يا ماما، قال لي كده. ميمي: طب وحياة أمي لأعرفهم كويس مين إنتِ وهندمهم. دخل حمدي: بتعملوا إيه ومين اللي بتتكلموا عليهم دول؟ ميمي بتوتر: مفيش، ده إحنا بنتكلم على مسلسل. ملك: آه، والبطلة بقى ماتت وكده يعني يا بابا، متشغلش بالك، أنا هروح أنا بقى يا ماما عشان أنام، تصبحوا على خير. حمدي: مش هتشتري حاجة تلبسيها في الخطوبة يا ملك؟

ملك: أيوه يا بابا، هشتري بكرة إن شاء الله، كده كده فاضل يومين لسه. حمدي: ماشي يا حبيبتي، عقبالك يا رب أنتِ وأخوكي. ملك: إن شاء الله يا بابا، بعد إذنك. ومشيت. تاني يوم الصبح... حور في غرفتها، ورايحة في النوم. أحمد راح يخبط عليها: حور، افتحي. حور رايحة في النوم ومش بتقوم خالص. أحمد في نفسه: يعني أفتح عليها دي ولا إيه؟ يلا أما أفتح، ولا يحصل يحصل. فتح عليها الباب ودخل غرفتها وقفل وراه.

دخل لقاها واخدة السرير بالعرض وشعرها مفرود جنبها ومنكوش وحالتها حالة. ولابسة برمودا وكات أسود. أحمد هيموت من كتر الضحك. أحمد: حور، إنتي يابت! حور بتخريف وعيون تايهة في النوم: اممم، يا أحمد، عايزة فطيرة بالجبنة، ولا أقولك هات كفتة عشان نفسي فيها. أحمد باسها من خدها: ده أنا عينيا ليكي يا حوري، بس مش عارف إنتِ بتودي الأكل ده كله فين، والله ربنا يصبرني عليكي. وحور برضو لسه نايمة.

أحمد: شكلك مش هتيجي إلا كده. وشالها ودخل بيها الحمام ورش عليها ميه. حور بفزع: يا ماماااااااا، بغرق، الحقوني! أحمد مش قادر من كتر ما هو بيضحك على منظرها. حور فاقت: إيه ده، أحمد، هو أنا لسه بحلم ولا إيه؟ أحمد سحبها من وسطها ليه وبييبوسها من خدها: هو فيه قمر كده على الصبح؟ حور كل ده وهي دايبة فيه، وخدته في حضنها قوي. حور: أحمد. أحمد: نعم يا حوري. حور: أنا بحبك جدا، ممكن ما تبعدش عني؟

أحمد شدد على حضنها قوي: ده أنا أموت لو بعدت عنك، والله يا حور عيني. حور بعدت عنه: طب يلا يا كوكي، اطلع عشان أجهز، لأني هموت من الجوع. أحمد بضحك: لا، منا عارف، وكمان عايزة فطيرة بجبنة وكفتة، بصراحة مش عارف إيه اللي جاب دا لي دا. حور بذهول: وإنت عرفت منين؟ أحمد بضحك: حسيت بيكي. حور: طب يلا يا عسل، برا عشان آكل. أحمد: طب يلااا، خلصي عشان نفطر ونمشي نروح نجيب فستان وحاجات الشبكة. حور بتوتر: هو خلاص بكرة؟

أحمد: أيوه يا بنتي، إنتِ متوترة كده ليه؟ محسساني إن خطوبتي بكرة، أهدي كده، ده مجرد شبكة، يعني مش هاكلك أنا. حور: طيب يا لمض. أحمد برفعة حاجب: لمض، طيب نبقى نشوف الموضوع ده بعد ما تخلصي. ومشي. تحت عند هاني وحمادة وحمدي... أحمد: صباح الخير عليكم. هاني وحمادة وحمدي: صباح النور يا حبيبي. سانيه كانت بترص الأكل: حبيبي، صباح فل، عامل إيه؟ أحمد باس إيديها: حبيبتي يا أمي، أنا كويس الحمد لله.

أحمد: بعد إذنك يا عمو، هاخد حور عشان نشتري فستان الشبكة والدهب النهارده. هاني: ماشي يا ابني. ميمي نازلة على السلم: وخد ملك معاك عشان عايزة تشتري فستان لبكرة وكده. أحمد بجدية: لا، مش هينفع، أنا عايز أكون أنا وخطيبتي لوحدنا، لو سمحتم. حمدي: طب وفيها إيه يا أحمد، يعني لو خدت ملك معاكم، مش أختك بردو؟ هاني: مينفعش يا أحمد، لازم تخدها معاكم. ميمي: أنا هطلع أقولها تعمل حسابها.

أحمد طلع برا بنرفزة وطلع يجري شوية من غير ما يفطر. عند ميمي... ميمي: زي ما قلت لك بقى، متنسيش. ملك: عنيا، ده الواحد هيستمتع أوي الأيام دي. ميمي: أما نشوف، هتعرفي ولا هتبهدلي الدنيا زي كل مرة. ملك: لا، متقلقيش، إن شاء الله هقدر المرة دي. بعد فترة: نزلت حور بجمالها، ووقتها لابسة دريس أبيض في أسود منقط، منفوش شوية. هاني: حبيبة بابا، أجمل حد في الدنيا. حمادة: عروستنا القمر. سانيه: حبيبة ماما.

حور: حبايبي، تسلمولي يا رب، سوسو، أنا هموت من الجوع، عايزة آكل. سانيه: عينيا يا حبيبتي، تعالي معايا جوه ناكل سوا. حور: حبيبتي يا سوسو، يلا بينا. حور وسانيه بعد ما دخلو المطبخ. سانيه: حور. حور: نعم يا ماما. سانيه: بكرة إن شاء الله خطوبتك، وأحمد عمل لك مفاجأة حلوة أوي، أنا عايزة إنتِ تفرحي ومتشيليش هم أي حاجة، ولا تفكري في أي حاجة تزعجك. حور: مفاجأة إيه؟ سانيه: بكرة هتعرفي، بس إنتِ فاهمني بتكلم على إيه؟

حور عيونها دمعت: فاهماكي يا حبيبتي، بس هي بجد وحشتني أوي، كان نفسي تبقي معايا. سانيه خدتها في حضنها وطبطبت عليها: مامتك في مكان أحسن دلوقتي، وزمنها فرحانة بيكي يا حبيبتي، متزعلهاش بقى بعياطك ده. حور مسحت دموعها: حاضر يا ماما. سانيه: حبيبت ماما، ربنا يصلح حالكم يا رب. حور: يارب يا حبيبتي. بعد ما حور أكلت، أحمد دخل عليهم. أحمد: يالهوي، من الجمال ده، إيه يا بت الحلاوة والشياكة دي؟ حور بكسوف: يبااا، دي أقل حاجة عندي.

سانيه بضحك: ربنا يهديكم يا ولاد. أحمد: يلا يا حوري عشان نلحق نشتري الحاجة. سانيه: متنساش تقول لملك، يا أحمد، متعملش مشاكل. حور: هي ملك هتيجي معانا؟ أحمد: أيوه، للأسف. حور: مفيش مشكلة يا بابا، عادي. أحمد: طيب، هطلع ألبس وأنزل. حور: خلاص، ماشي. بعد فترة، كلهم جهزوا وركبوا العربية وراحوا أتيلييه حلو جدا. حور: الله، يا أحمد، حلو أوي الفستان ده، إيه رأيك؟ ملك: آه، حلو أوي، أنا هشتريه. أحمد: لا، مش حلو يا حور. حور: طيب.

أحمد: طب بصي على الفستان ده كده. حور: هو ده عاجبك يا أحمد؟ أحمد: آه، جدا. أحمد ما صدق إنها قالت كده. خلاص يا ملك، اشتريه. وقال لصاحب المحل إنها هتشتريه. خلاص يا ملك، إنتِ اشتريتي أهو. أنا هكلم حازم ييجي ياخدك، وأنا وحور هنكمل. يلا، عايزة حاجة؟ وشد حور ومشي. ملك: استنوا يا جماعة. كانوا أصلا نزلوا من الأتيلييه وركبوا بسرعة جدا. حور بضحك: أحمد، إيه الجنون ده؟

أحمد: يا ستي، كبري دماغك، دي عايزة إننا نمشي معاها كده، المهم يلا نروح نجيب الخاتم والدبلة. حور: اوكي. راحوا عند محل الدهب واختاروا خاتم شيك جدا ودبلة، وهو كمان اختار دبلة. وقضوا يوم حلو جدا، وراحوا اشتروا فستان تحفة جدا. وروحوا على البيت. دخلوا لقوا كل البيت تحت ومستنينهم. حمدي بعصبية: هو ده ينفع يا أحمد اللي إنت عملته مع ملك ده؟ أحمد...