رواية حورية الأحمد الفصل السادس عشر 16 - بقلم سارة مازن

قد يوم حلو جدا وراحوا اشتروا فستان تحفة جدا. وراحوا على البيت. دخلوا لقوا كل البيت تحت ومستنيهم. حمدي بعصبية: إيه ده ينفع يا أحمد اللي أنت عملته مع ملك ده؟ أحمد: إيه يا عمو اللي حصل عشان العصبية دي كلها؟ حمدي: يعني ملك تكون رايحة معاكم عشان تشتروا فستان، تسيبوها وتمشوا وتقع من على السلم كده؟ أحمد: والله يا عمو إحنا اشترينا فستانها وروحنا عشان نشتري بقية الحاجات، وقولت لها حازم هيجي يروحك، أنا ذنبي إيه بقى إنها وقعت؟

حمدي: يعني مش سبتوها في المحل ومشيتوا؟ حور: لا يا عمو والله هي اللي قالت لك كده. حمدي: أيوه يا بنتي، كانت بتقول لي إنها راحت تقيس الفستان، وطلعتوا انتوا كنتوا مشيتوا، وفضلت تعيط ووقعت من على السلم. ملك حطت وشها في الأرض من إحراجها إنها كذبت وحبت تتوه عن الموضوع: آه رجلي وجعاني أوي يا ماما تعالي نطلع. حمدي: اطلعي وحسابك معايا بعدين. ملك اتكسفت وطلعت هي وميمي.

حور: بطلع فستانها والحاجات اللي اشتروها لباباها وعمها وسامية وحمدي. حور بفرحة: إيه رأيكم؟ سانية زغرطت: لولولولولولولوي، ده ألف نهار أبيض، إيه الجمال والحلاوة دي؟ هاني: حضن حور وأحمد، مبروك عليكم يا حبايبي. أحمد: لو سمحت يا عمو عايزك في كلمة برا في الجنينة لو سمحت. هاني: وما له يا ابني، وطلعوا. سانية: تعالي يا حور عايزة حور: حاضر يا ماما، وراحوا على أوضة سان

سانية: حبيبتي، إن شاء الله بكرة الخطوبة، وعزمت كل العيلة وصحابك اللي كانوا هنا معاكي قبل ما تمشي، وإن شاء الله هنعملها هنا في الجنينة، وباباكي اتفق مع ناس بتزين الأماكن وهتبقى جميلة إن شاء الله. حور: إن شاء الله يا ماما، بس متوترة جدا. سانية: ليه يا قلب ماما؟ حور: خايفة ليكون شكلي مش حلو. سانية: ده انتي أجمل بنت في الدنيا، كفاية برائتك يا حبيبت ماما. أحمد دخل عليهم وهو مبسوط: قولي لها يا ماما.

حور: كنت بتقول إيه لبابا؟ أحمد بتوتر: إيه، مفيش، كنت بشوفه كلم الناس اللي هتزين المكان ولا لسه. حور بشك: طيب أنت عزمت صحابك؟ أحمد: أيوه، انتي مش جعانة؟ حور: هموت من الجوع. أحمد: طب تعالي نجيب أندومي ونأكل في البلكونة. حور بفرحة: يلااا بسرعة. حازم جه: طب وأنا ماليش نصيب؟ حور: طبعًا ليك نصيب، روح هات يلا من الكانتين على ما أغير هدومي وأحط فستاني في الأوضة. أحمد: اوكي، يلااا عشان نعمله كلنا. حور بضحك: كلنا على الأندومي.

أحمد بضحك: طبعًااا. حازم بفرح: وأنا هشغل أغاني ونقعد نرقص شوية. حور: أيوه بقى، هو ده، وراحت حطت الفستان في الأوضة. سانية: زغرطت بصوت عالي. في أوضة ميمي. ملك بعياط: أنا مش مستحملة، أنا زعلانة أوي، قلبي بيتقطع على فرحتهم دي. ميمي: والله لأخليها عبرة لكل اللي هييجوا بكرة في الخطوبة. ملك: إزاي؟ ميمي وطلعت بودرة: هودي دي، رشيها في الفستان من جوه، بس رشي بضمير. ملك: طب والبودرة دي بتعمل إيه؟

ميمي: بتاكل في الجسم وبتجيب حساسية للجلد، وهتخليها مش طايقة الفستان على جسمها، وأكيد أما يحصل ده الناس كلها هتاخد بالها والخطوبة هتبوظ، ونفسيتها طبعًا هتبوظ بسبب إن جسمها اتشوه، لأنها بتعمل قرح في الجسم لو الجسم حساس. ملك: طب وأنا هحط البودرة دي إزاي؟ ميمي: هوا أكيد حاطط الفستان في أوضتها، وأنا هنزل ألهيهم، وأنتي حطي البودرة. ملك: خلاص اتفقنا، هاتي البودرة. ميمي: خدي، وأنا هنزل أهو.

ميمي نزلت لقت حازم وأحمد مشمرين هدومهم و حور لابسة برمودا كاملة بس كانت تحفة، وعاملين يرقصوا. ملك فضلت تراقب لحد ما وصلت لأوضة حور. ودخلت وفضلت تحط من البودرة على الفستان من جوه.