رواية حورية الاسد الفصل الثالث عشر 13 - بقلم رحمة هاني

أحمد.. طب مش ناوية تسامحيني بقا؟ عشق.. لا. أحمد.. ما أنا اعتذرت منك ليه مش عايزة تسامحيني؟ عشق.. ملكش دعوة. أحمد.. ده انتي قلبك قاسي أوي. عشق.. مين دي يا عنيا اللي قلبها قاسي أوي؟ وانت ايش عرفك إن قلبي قاسي؟ أحمد.. ماهو من طريقة كلامك. وخلي بالك إنك بتكلمي دكتورة. عشق.. يا أخي اتنين، دكتور بالا دكتور، بالا دكتاتور. أحمد.. شوفتي انتي اللي قاعدة بتستفزيني إزاي؟ ده انتي لسانك عايز قطعه. عشق.. ما تلم نفسك ياض انت.

أحمد.. تصدقي إن أهلي مربونيش عشان بكلم واحدة زيك. عشق.. ومالها اللي زي إنشاء الله؟ هو فيه في حلاوتي وطعامتي أصلاً؟ أحمد.. هو انتي هتقوليلي؟ على العموم ها، هتسمحيني ولا لأ؟ عشق.. بشرط. أحمد.. اشرطي. عشق.. تعزميني على شاورما ومثلجات. أحمد.. ده انتي همك على بطنك. عشق.. ها قولت إيه؟ أحمد.. موافق. إيه رأيك نبقى أصحاب؟ عشق.. موافقة ياسطا. أحمد.. ماشي يابرنس. ........... عند أسد وحور. وصل أسد حور.

أسد.. ياعني كان لازم شغل النهاردة؟ حور.. معرفش أقعد من غيره أصلاً. أسد.. طب إيه رأيك أقضي اليوم معاكي هنا في المستشفى عشان آخد بالي منك؟ حور.. إيه يا عم الحنية دي كلها؟ هو انت مش رايح الشركة؟ أسد.. لا، واخد إجازة النهاردة. حور.. ماشي، يلا بينا يابرنس ونعمل التحليل بالمرة. أسد.. تحليل إيه؟ حور.. هو انت نسيت تحليل الإخوة بتاعك انت وعشق؟ أسد.. بس هنعمله إزاي؟ حور.. أنا أخدت شعراية منها وهي نايمة. أسد.. يلا بسرعة.

وعملت التحاليل وطلعت النتيجة وكانت الصدمة. حور.. شفت زي ما قولتلك، عشق أختك. أسد.. بس إزاي؟ أنا مش شفتها من وأنا صغير ولا سمعت عنها. حور.. خير إنشاء الله، ماتقلقش، يلا تعالي نقعد في مكتبي. أسد.. يلا. وراحوا مكتب حور. أسد.. حور، انتي مفطرتيش وأنا ملحقتش أفطر. أنا هروح أجيب فطار نفطر أنا وانتي. حور.. ماشي، على ما انت تجيبه أكون أنا خلصت الملف. ذهب أسد وجاب الفطار. وهو يفتح الباب كانت الصدمة. ...........

أما عند أسر ونور. أوصل أسر نور. أسر.. نور، أنا هطلع بعدك وأطلب إيدك من أبوكي. نور بكسوف.. ماشي. وطلع أسر بعد نور بفترة قصيرة ورن الجرس وفتح له راجل كبير. الراجل.. اتفضل يابني. أسر.. بصراحة ياعمي أنا طالب إيد بنتك نور. الراجل ويدعي محمد.. نور بنتي؟ أسر.. أيوا. الراجل.. مش موافق. أسر.. بس ليه؟ محمد.. لا تاخد نور على بعضها، لأن البضاعة لا ترد ولا تستبدل. أسر بضحك.. واللهي انت دمك خفيف.

محمد بجدية.. انت تجيب أهلك وتيجي تتقدم وناخد رأي العروسة. أسر.. أنا أهلي متوفيين، بس ممكن أجيب أخويا معايا. محمد.. ماشي يابني وحددوا معاد وتعالوا فيه. أسر.. ماشي، استأذن أنا. محمد.. طب خليك اتغدى معانا. أسر.. مرة تانية. محمد.. براحتك يابني. أسر.. مع السلامة. محمد.. مع السلامة. ونور جوا كانت سامعة كل حاجة وطايرة من الفرح.