رواية حورية الاسد الفصل الثاني عشر 12 - بقلم رحمة هاني

استيقظ الجميع وبدلوا ملابسهم ماعدا حور التي كانت لا تزال نائمة وهم على السفرة. سلوى: عشق بنتي هيا حور لسه ما قامتش. عشق: لا دي بتقوم، انتوا كنتوا مفروض تسموها غيبوبة. سلوى بضحك: عندك حق واللهي، طيب معلشي قومي صحيها. عشق: من عيوني. وبعد قليل من الوقت سمعوا صوت صراخ حرية، كلهم هرعوا إلى الداخل وجدوا عشق تبكي. سلوى: في إيه يابنتي وحور لسه ما قامتش ليه؟ عشق ببكاء: حور مش راضية تصحى ونبضها ضعيف أوي. أحمد بصدمة: إيه؟

وجرى عليها. أحمد: حور حبيبتي قومي عشان خاطري. ثم بدأت دموعه بالنزول. أحمد: قومي عشان تنكشيني وتعصبيني وتجري ورايا. ثم تذكر فجأة. أحمد: اه صح العلاج. وأعطى العلاج لحور، وبعد مدة قصيرة فتحت حور عينيها. سلوى بدموع: انتي بخير ياقلبي؟ حور: بخير ياماما ماتقلقيش عليا. الشرقاوي: إيه العلاج اللي بتاخديه ده ياحور؟ حور بتوتر: علاج إيه؟ أنا مباخدش علاج. أحمد: أظن كفاية لغاية هنا ولازم نقولهم الحقيقة. سلوى: حقيقة إيه؟

أحمد وهو يأخذ نفسًا عميقًا: حور عندها مرض القلب وبتاخد علاج له. وقع الخبر عليهم جميعًا كالصدمة. عند المجهول. المجهول الأول: نفذت اللي طلبته منك. المجهول الثاني: ظبط كل حاجة ياحلمي. حلمي: مش عايز أي غلط يا حمزة فاهم. حمزة: حاضر، بس انت متأكد من اللي بتعمله ده؟ حلمي: طبعًا متأكد، امال استنى لما تتكشف؟ لازم نتخلص من أسد بأسرع وقت. حمزة: تمام. أما عند حور. سلوى بصدمة: إيه؟ وإحنا منعرفش إزاي؟

أحمد: فاكرة ياماما لما رحنا نتفسح كلنا وحور أغمي عليها؟ سلوى: آه، بس ساعتها الدكتور قال إن دي ضربة شمس. أحمد: لا، أنا قابلت الدكتور الأول وقالي إنها عندها مرض القلب، بس حور مرضيتش تعرفكم عشان متقلقوش عليها. سلوى بدموع: يا عيني عليكي يابنتي شايلة ده كله لوحدك. الشرقاوي وهو يحتضنها: انتي بخير صح؟ حور: أنا بخير، ماتقلقيش عليا. الشرقاوي: هي حور بنتكم في حاجة بتأثر فيها؟ عشق بدموع: كده تلقيني عليكي يا كلب البحر.

حور وهي تحتضنها: ماتخفيش أنا كويسة قدامك أهو. نور بمرح لتلطيف الجو: طب وأنا ماليش من النايب نصيب؟ حور: تعالي يا أختي، مهي حضانة هي. ياسر: انتي بخير ياحور؟ حور: يالهووووي، الطم أنا واللهي كويسة، بس إيه الحنية دي كلها يادرش. ياسر: طول عمري. حور: يا أخي تباً لتواضعك. أسد بخوف: طب انتي مواعيد العلاج بتاعك إمتى؟ حور باستغراب: ليها؟ أسد: عشان أبقى أديهولك. كلهم نظروا إليه بصدمة. أسد بتوتر: أقصد يعني أفكرها بـ.

حور: ماتقلقش أنا كويسة وإن شاء الله هفتكر. أسد بهدوء: تمام. حور: إيه يا أحمد مش هتروح الجامعة؟ حور: وانتي يا عشق؟ أحمد: لا مش هروح النهارده. عشق: وأنا هفضل جنبك. حور: لا مش عايزة حد جنبي، أنا كده كده راحة المستشفى دلوقتي. الشرقاوي: لا مستحيل، مش هتروحي النهارده. حور: يابابا ده شغلي، مقدرش. الشرقاوي: وأنا قلت لأ. حور: عشان خاطري يابابا. الشرقاوي: موافق، بس مش تطولي هناك. حور: من عيوني. أحمد: يلا عشان أوصلك.

حور: روح انت بس عشان انت اتأخرت ووصل عشق معاك، وأنا هروح بعربيتي. أحمد: أنا مستحيل أخليكي تسوقي بوضعك ده. أسد: أنا هوصلها. حور: خلاص أسد هيوصلني وانت هتاخد عشق معاك، وأسر هيوصل نور. عشق: أنا مستحيل أركب مع البنأدم ده. حور: يا أختي اتوكسي، فاضل على محاضرتها ربع ساعة، قولي بقى لو عايزة تنطردي كمان مرة. عشق بيأس: خلاص اتكلنا على الله. وذهبوا جميعًا في عربية أحمد وعشق.