رواية حورية الجاسر الفصل الرابع عشر 14 - بقلم ملكة القلم

جاسر: انتي طالق يا حورية. حورية كانت هتقع من الصدمة. حورية: جاسر انت بتقول ايه؟ انت بتهزر صح؟ فهد قرب من حورية وسندها. حورية بدموع: جاسر لا متعملش فيا كده. جاسر بحزن بيحاول يداريه: سامحيني يا حورية بس أنا عمري ما هقدر أبص في وشك بسبب اللي عزت بيه عمله في عيلتك. حورية قربت منه ومسكته من لياقة قميصه بقوة: انت مالكش دخل بالموضوع يا جاسر، أنا مش هقدر أعيش من غيرك صدقني. متسبنيش يا جاسر.

جاسر حاول يبعدها عنه: حورية خلاص كل حاجة انتهت. حورية بصت ليه: يعني إيه؟ مش انت قلتلي إنك مستحيل تسيبني أو تفكر مجرد تفكير إني أكون لحد غيرك؟ بس انت سبتني يا جاسر، طلقتني. هونت عليك تعمل فيا كده؟ جاسر: أنا طلقتك بس مش هتكوني لحد يا حورية. حورية بعدت عنه وصوت قلم نزل على وش جاسر، خلي الكل اتصدم. حورية: انت أناني، انت واحد أناني. فهد قرب منها: حورية إيه اللي عملتيه ده؟ مينفعش. حورية بصت لجاسر وهي بتبكي.

جاسر خرج من البيت وخد عربيته ومش. حورية لفهد: هو رايح فين؟ روح يا فهد وراه. فهد: اهدي يا حورية متقلقيش. حورية: مقلقش إزاي؟ جاسر خرج وهو ناوي على حاجة، أنا قلبي مش مطمن. ريهام قربت من حورية وسندتها: روح أنت يا فهد وأنا هخلي بالي من حورية. فهد خرج وريهام خدت حورية وقعدوا. ورد كانت قاعدة وحزينة إن والدها طلع وحش للدرجة دي. حورية كانت بتعيط بصوت عالي.

ريهام: بس يا حورية بقى، كل حاجة هتبقى كويسة وهترجع أحسن من الأول، اهدي. حورية: مفيش حاجة هترجع، جاسر طلقني خلاص. فايزة قربت منها وقعدت جنبها، خدتها في حضنها. فايزة: بس يا حبيبتي، جاسر مش هيقدر يبعد عنك صدقيني. جاسر بيحبك، هو بس حاسس بالذنب بسبب اللي عزت عمله. حورية: بس هو ملوش ذنب، هو معملش حاجة. فايزة: بس يا بنتي بقى، حرام عليكي نفسك. كفاية، جاسر ابني وأنا عارفاها مش هيقدر يبعد عنك. ***

عند جاسر، كان سايق العربية بسرعة وهو بيفتكر كلامه وإنه طلقها وهي ملهاش ذنب. جاسر بعصبية: ليه ليه يعمل فينا كده؟ ليه يوصلنا للمرحلة دي؟ أنا عمري ما هسامحه، إزاي جاه قلب يقتل أخوه؟ أنا لازم أعرف كل حاجة. جاسر كان في طريقه للمكان اللي كان موجود فيه عزت. وصل وركن العربية، دخل جوه شاف منظر ماكنش يتمنى يشوفه. اتخبى وكان بيسمع الكلام. عزت كان قاعد على الكرسي وحاطط رجل على رجل. عزت: كنت عامل نفسك ذكي وهتقتلني؟

مراد كان واقف وحواليه حراس رافعين عليه السلاح. مراد بغضب الدنيا: صدقني مش هسيبك، لو حصل أي حاجة هاخد حقي وحق إخواتي وحق عيلتي. انت فاهم؟ عيلتي اللي انت دمرتها بطمعك وغيرتك. انت واحد ميعرفش ربنا. عزت ضحك بخبث: بس أنا مش هخليك بعيد عن عيلتك كتير، هخليك تروح ليهم. مراد بصراخ: أنا هوريك يا ابن الـ***، مش هرحمك. اوعى تقول إنك عمي، قولي بس عمي. إزاي انت مهونش عليك تقولي مين هما عيلتي السنين دي كلها؟ ليه؟

عشان انت اللي قتلت أخوك ومراته وحرمتني من إخواتي. عزت: انت عارف إيه المشكلة في كل ده؟ أبوك هو السبب، هو اللي كان مستولي على كل حاجة. حتى ريتال لما حبيتها هو اللي اتجوزها وهي حبته. هما اللي خلوني أعمل كده. مراد: خلوك تعمل إيه؟ قالولك اقتل؟ مش مشكلتهم إنك واحد معندكش ضمير، هو حقود. عزت: وقتك معايا انتهى. في اللحظة دي دخل جاسر. جاسر: بس وقتك انت اللي انتهى. عزت بصدمة: جاسر. جاسر رفع السلاح في وشه.