رواية حورية الجاسر الفصل الثاني عشر 12 - بقلم ملكة القلم

ريهااام قامت مفزوعه من النوم. "مررراد... مراد لا تتسبنيش." حطت ايدها علي وشها ودموعها نازله بخوف ورهبه. مامتها دخلت عليها. "في اي يا حبيبتي مالك بتصرخي ليه؟ ريهاام بارتعاش. "كابوس يا ماما كابوس وحش." مامتها حطت ايدها علي راسها. "أعوذ بالله من الشيطان الرجيم. متخافيش يا حبيبتي قومي صلي ركعتين وادعي ربنا." ريهاام. "حاضر حاضر يا ماما." مامتها طلعت وريهام مسكت تلفونها ورنت علي مراد. تلفونه مغلق.

حطت ايدها علي وشها وانهارت في البكاء. "يارب لا مش هقدر على فراقه." قامت اتوضت وصلت وهي بتدعي ربنا انه يحميه وان الحلم اللي حلمته ميتحققش. خلصت وقامت قعدت على السرير وهي بتترعش. "قلبي مش مطمن يارب احميه يارب." _عند مراد. دخل الفيلا ملقيش عزت. طلع فوق وهو بيتكلم في نفسه. "لازم اعرف هو مخبي عليا اي ومين هما اهلي." دخل الاوضه بحرص. مكنش جوا. قعد يدور في الاوضه لحد ما لقي الخزنه الخاصه بعزت. حاول يفتحها كذا مره معرفش.

افتكر كلام عزت. فلاش باك. "انا عندي حاجه واحده كانت مميزه في حياتي واتوقع ان اسم الشخص ده يكون مفتاح لاي حاجه والاسم ده هو ريتال." باك. مراد استعاد وعيه وكتب الاسم والخزنه فعلا اتفتحت. قعد يدور في الورق لحد ما لقي اوراق والبوم. مسك الاوراق فتحها لقيها اوراق نقل ملكيه بس مش متوقعه. بس لي اسمه موجود بين الاوراق. مسك الورق لقي نقل املاك باسم حوريه سيف الدين وفهد سيف الدين. والصدمه واللي كانت كبيره عليه مراد سيف الدين.

مراد اتصدم. "لا لا اكيد الاوراق دي مزوره اكيد في حاجه تانيه هنا." وهو بيدور بين الاوراق وقع الالبوم منه واتفتح على صوره العيله. نزل ومسك الالبوم لقي صوره فيها ناس كتير وهو موجود بينهم في سن حوالي تلت سنين. مراد اتصدم. "دي صورتي انا. هي نفس الصوره اللي شفتها في ملفي اللي في الميتكيف. انا اخو حوريه. انا كنت بحب اختي. ده كله." قلب في باقي الالبوم لقي صور لبنت جميله تشبه حوريه. فضل يتفرج على الصور ودموعه نازله.

قفل الالبوم ولقي ورق صوره وحط كل حاجه مكانها وقفل الخزنه ومسح مكان ايده بمناديل وطلع وهو حاسس انه تايه. وهو بيفتكر كلام عزت. فلاش باك. "مراد.... انت عايز تقتل حوريه ليه دي بنت اخوك." "عزت.... انا قتلت اخويا مش هقتل بنته." باك. "مراد بدموع....

كل السنين دي وانا عايش في كدبه اني ماليش اهل. فضلت عمر بطوله وانا يتيم ماليش حد. وده كله ليهههههه هااااا ليه يارب ليه. انا عمري ما تخيلت ان ده كله يحصل فيا. انا عمري ما شفت يوم حلو في حياتي من ساعه ما جيت على الدنيا." طلع تلفونه لقيه مقفول. فتحه لقي اتصالات كتيره من ريهام. رن عليها. عند ريهام. اول ما قرت اسمه على شاشه التليفون ردت بلهفه. "الو مراد انت فين وقافل تلفونك ليه؟ مراد بصوت حزين ومبحوح. "خايفه عليا."

ريهام بخوف. "مراد انت بخير ماله صوتك." "طبعاً خايفه عليكم." مراد ضحك بهستريا. "انتي عارفه انا مين ههههههه انتي عارفه ان انا مش يتيم وليا عيله ههههه وكمان اللي فرقني عن عيلتي هو عمي. ايوه عمي. يعني انا كنت عايش في كذبه لحد دلوقتي حياتي كلها كذب." ريهام بدموع. "مراد انت فين رد علي." مراد بضحك.

"انا فين لا لا انتي لما تيجي مش هتلاقيني. انا قت"ل. ايوه هقت"ل عزت زي ما قت"ل اهلي وكمان خلاني كنت عايز اقت"ل اختي. انتي عارفه مين هي اختي حوريه. بتكون اختي يعني مشاعر الحب اللي كانت اتجاهها مش مشاعر حب لا دي مشاعر اخوه يعني انا اول ما شفتها حسيت بالحب لانها اختي. اااااااااه انا بمو"ت بالط"." ريهام بخوف. "مراد قولي بس انت فين دلوقتي حلفتك بالله لتقول." مراد بدموع.

"سامحيني انا مكنتش شايف حبك ليا كنت اعمي كنت مفكر اللي بينا صداقه بس اكتشفت انها مش صداقه." ريهام بصوت عالي وخوف. "قولي انت فين بس وبعدين ابقي نتكلم." مراد. "مفيش بعدين يا ريهام. انا رايح اخلص عليه. ليمو"تني لامو"ته واخد حق اهلي وحرماني منهم السنين دي كلها." قفل التلفون في وشها وحطه في جيبه وخد سلاحه وخرج. _عند حوريه. كانت قاعده على السفره في الفيلا. حوريه. "انا مبسوطه اوي بالجو العائلي ده." فهد ضحك عليها.

"اي يا جماعه عايزه اكل حد يأكلني بدل ما انا قاعده بتفرج عليكم زي المذنبين كده." فهد ابتسم وقرب منها وحط الاكل في بؤقها. "كلي يا طفسه." جاسر بغيره. "ولا ابعد عن اختي." فهد. "هتبقي مراتي قريبا." جاسر بحنق. "لما تبقي مراتك ابقي اعمل اللي عايزه." كلهم ضحكوا بحب. قطع لحظاتهم دخول ريهام وهي بتتنفس بسرعه. حوريه استغربت ازاي دخلت وانها نفس البنت اللي انقذتها. وجاسر استغرب لانه شافها برضو. حوريه قربت منها. فهد اتكلم بحده.

"انتي دخلتي هنا ازاي واي الطريقه الهمجيه دي." حوريه. "استني يا فهد خدي نفسك يا حبيبتي." ريهام بدموع وخوف وهي مش عارفه تتكلم. "م..راد." حوريه باستغراب. "مراد." جاسر اتضايق. "ما تقولي فيه اي." ريهام خدت نفسها واتكلمت. "الحقوا مراد. حوريه بالله عليكي. مراد هيودي نفسه في داهيه." فهد بحنق. "واحنا نعرف مراد ده منين." فايزه. "في اي يبنتي ومين مراد ده." ريهام. "مراد بيكون اخوكي يا حوريه." حوريه اتصدمت وكلهم نفس الشئ.

فهد بعصبيه. "انتي اكيد بتخرفي. مراد مين ده. وبعدين حوريه معندهاش غير اخ واحد واللي هو انا." ريهام هزت رأسها وبصت لحوريه. "حوريه انتي عارفه مراد صح وانه كان عايش في الميتم والنهارده اكتشف انه من العيله دي وبيكون اخوكي. وكمان هو كان بيقولي ان اللي عمل كل ده وفرقه عنكم هو عمه." فايزه بتوجس. "عمه ده اسمه اي." ريهام بتذكر. "اسمه عزت." جاسر اتصدم. "بابا."