رواية حورية في عالم الوحوش الفصل التاسع والعشرون 29 - بقلم يوستينا سامي

اسد بصدمة: انت بتقولي ايه؟ حور فهميني. حسام قالك ايه عني؟ الوو حور اسمعيني انا والله بحبك اوي. اكيد هو فهمك كلام عني غلط. حور والنبي ما تصدقيه. حور: لا هو فهمني حقيقتك القذرة. انا بكرهك اوي واوعي تدور عليا تاني. لاني هتجوز حسام. اسد اتعصب اوي: لاااا حور اوعي تعملي كده. والله ده كداب اوعي تصدقيه. حووور.

حسام اخد التليفون من حور: اعتقد انك سمعتها بودانك اهووو. وافتكر اني مش جبان ولا خاين زيك لانها قالتلك كده بنفسها. وعلفكرة دي كانت المفاجاه الرابعة. سلام. وقفل حسام السكة في وشه. اسد اتعصب اوي واتجنن وبدا يزعق بصوت عالي. اسد بزعيق: هقتلك يا حساااااام. هقتلك واخلص الناس من شرك. لو وقعت في ايدي مش هرحمك يا حسااام. اسد رمى التليفون وقعد على الكرسي وهو منهار وحابس دموعه. مراد وحسن مكنوش عارفين يعملوا ايه ولا يقولوا ايه.

عزيز قرب من اسد وحضنه: اهدي يا ابني. اي بس اللي جرالك. انا عمري ما شوفتك ضعيف كده. اسد بوجع: تعبت اوي يا جدي. انا تعبت بقى يا ربي ماتريحني وتاخدني بقى. عزيز بلهفة قاله: استغفر ربك يا ابني اوعاك تقول الكلام ده تاني. ده ربك حنين وعمره ما هيسيبك في محنتك دي. اسمع يا اسد انا مش عايزك ضعيف كده. انا حفيدي مش ضعيف سامع. واكيد هو بيهددك بس. اسد بص لجده وحاول انه يقوي بكلامه.

وبص لمراد وحسن وقال: جدي هما لازم يجهزوا. احنا هنتحرك الفجر على البلد. انا رايح مشوار مهم وراجع. وفعلا كلهم جهزوا ومراد واسد عرفوا يجمعوا جاردات ورجالة وسافروا كلهم البلد. (اسد ومراد وحسن وعلي وصالح) في المخزن. حسام بص لحور لقاها عمالة تعيط جامد. حسام: ايه بتحبيه اوي كده؟ هو انت متخيلة اللي زي اسد ده يعرف يحب اصلا؟ ده معدوش قلب.

حور: هو الوحيد اللي حسيت معاه بالامان. هو عوضني عن حنان امي وابويا. برغم انه هو اللي قتل ابويا بس مقدرتش اكره او حتى اكذبه لما قالي انه كان غصب عنه. حسام: ايوة بس احنا بينا اتفاق يا حور. هتوافقي؟ حور: ايوه يا حسام انا موافقة. حسام: خلاص يبقي تعالي معايا نمشي من المخزن ده و تيجي معايا الفيلا. متخافيش هناك هترتاحي لحد ما نكتب الكتاب. انت عارفة اني ناوي اعملك فرح ماحصلشي فعلا.

وفعلا حسام اخد حور الفيلا وكان مهتم بيها جدا جدا. في امريكا. جاسر وصل البيت اللي هيقعدوا فيه وشايل حياه ودخلها الاوضة وحطها على السرير. جاسر: يارب تكون دي نهاية المشاكل بالنسبة ليا. انت مش عايز حاجة غير اني اعيش مع مراتي في هدوء. وبدا يركز جاسر في كلامه وابتسم بفرحة: مراتي. هو انا قولت كده بجد؟ معقول خلاص هيبقي عندي عيلة بحق وحقيقي وعيال. وبص ناحية

حياه وحط ايده على شعره: اه يا حياه لما تفوقي هتبهدلي الدنيا حرفيا. وانا لازم انام عشان استعد الخناق اللي بينا. وفعلا جاسر حضن حياه اوي ونام. وفعلا راح مشواره اللي ما كانش حد عارف ايه هو وقرروا انهم يسافروا الصعيد على الفجر. في الصعيد. كانوا كلهم متجمعين ومراد كان واقف مش على بعضه. مراد: انا هعمل مكالمة يا اسد بسرعة وهاجي مش هتاخر ماشي. اسد بحده: هو ده وقته. يلا الرجالة مستنية لازم ندخل.

مراد: دقيقة واحدة هبعت طيب رسالة و اجي مش هتاخر والله. وفعلا بعد عنهم شوية وفتح الواتس وبعت فويس لنسمة. مراد📱: ازيك يا نسمة. بصي انا عارف اني معرفكيش بقالي كتير. اني ماشوفتكيش في حياتي غير كام ساعة. بس انا فعلا اتشدتلك اوي ودي اول مرة تحصل في حياتي. شكلي حبيتك ولا ايه الله اعلم. بس انا كلها دقايق وادخل حرب تقريبا ومش عارف هخرج منها عايش ولا ميت. ممكن تدعيلي.

وساب مراد موبايله في العربية ودخلوا كلهم. وكانت حرفيا حرب كبيرة مابين رجالة البلد والغفر بتوع العمدة واسد ورجالته. واللي صدم اسد لما لقى ان اهل البلد بيساعدوهم كمان. حسن في عز ضرب النار كان بيبص على اي مكان تبقي نور موجودة فيه احسن تتاذي: اسد انا قلقان يعملوا حاجة في نور. اسد: لا متخفيش. وائل وصالح راحوا المخزن بتاعهم يدوروا عليها. وبعدين انا مش جاي هنا بس عشان نور. انا جاي عشان نعمة بالذااات.

وحسن قرر انه يسيب اسد ويروح يدور على نور. وفعلا بعد وقت مش قليل رجالة كتير وقعت من عند نعمة وعند اسد. قدروا يوصلوا للدوار بتاعها. ودخلوه. ودي كانت أهم خطوة لاسد. انه يكسر نعمة في دوارها. في الدوار. رجالة اسد موجهين السلاح في وش نعمة وعبدالرحيم. اسد كان بيبصلهم بتريقة: طبعا عارفيني مش كده يا عبدالرحيم؟ سالت عليا كتير وحاولت توصلي كتير. بس المرة دي انا جيتلك بنفسي اهووو. عبدالرحيم

بص له بكره وقاله: لو انت متصور انك هتخرج من اهنا عايش يا ابن العقاد تبقي بتحلم وهتتفاجأ بكابوس. اسد ضحك بتريقة: سبحانك يارب. يعني انا واقف قدامك وموجه مسدسي في وشك وانت زي الكلب قدامي اهووو. وبرضو بتعاند. طيب يمكن انت مش بتفهم غير بكده. اسد أدى مسدسه لمراد وبدا يضرب في عبدالرحيم بغباااء. اسد بحدة وهو بيضربه

بالبوكسات المتتالية: دي عشان مديت ايديك قبل كده على حور. ودي عشان كنت معيشها في رعب وخوف. وضربة تاني. ودي عشان اتجرات وخطفت بنت عمي. ورمي اسد عبدالرحيم بعد ما تقريبا فقد الوعي. وبص لنعمة اللي علامات الخوف والزعر مرسومة على وشها بس بتحاول انها تخفيها. اسد قرب ناحيتها بكره وغل: ايه؟ انتي مين؟ انا بجد مش عارفك ولا عمري سمعت اسمك.

بس من ساعة ما جيت البلد ومافيش حد بيعمل حاجة غير انه يدعي عليكي. انا عمري ما شوفت ان في حد الناس كلها اتجمعت على كره زيك. انتي شيطانة للدرجة دي. نعمة بغل: اسمع يا ابن العقاد. لو متخيل ان اللي حصل ده مالوش رد. تبقي انت جاي المكان الغلط. وواضح ان عيشة البندر نستك ان الصعيدي لو عضمه في اوفه برضك هياخد حقه.

اسد: لا منستش يا نعمة. بس انا ماليش كلام معاكي انتي. انتي كلامك مع ابنك. مراد ابعت حد من الرجالة يدور على حسن وعلي وصالح احسن اتاخروا اوووي. في مخزن. وصلوا اخيرا عند المكان اللي نور محبوسة فيه. لكن حسن مكنش قادر يمشي وتعبان. وعلي لاحظ ده. مراد بص لاخوه بقلق: مالك يا حسن انت كويس؟ انت ايه اللي جابك معانا بس وانت جرحك لسه مالمش؟

حسن بتعب بس حاول يتماسك: لازم اشوفها بعيوني. انت مش فاهم نور دي حب عمري اللي حلمت انها تكون ليا في يوم من الأيام. اسندني يا علي. حسن بفرحة وتعب في نفس الوقت كان نفسه يجري عليها يحضنها بس مكنش قادر. بس اتفاجأ بنور هي اللي بتحضنه. نور وهي حاضنة حسن: حسن. كنت فين؟ انا كنت مرعوبة عليك اوي. الزبالة اللي برا ده قالي انك مت. بس انا كنت واثقة ان اكيد ربنا مش هيحرمني منك. حسن مكنش مصدق اللي بيسمعه بودنه

ووجع جرحه بدأ يزيد عليه: بجد يا نور كنتي خايفة عليا؟ نور: اه والله. انا بحبك اوي يا حسن اوي فوق ما تتخيل. صالح باحراج: احم يلا بينا يا حسن نروح نطمنهم. احسن تلاقيهم خايفين علينا. مراد ابتسم: اما انت رخم بشكل. ما تسيبهم يا عم انت مش فاهم احنا حرمنا ازاي من اجل هذه اللحظة. حسن كان ضامم نور لحضنه وبييبصلهم بغل: لا يا اخويا انا مش ناقص قر ده. انا ما صدقت يلا بينااا. وفعلا حسن ساند على نور وهو حاضنها وراحوا لمكان اسد.

في الاوضة اللي قاعدة فيها حور في فيلا حسام. حور قاعدة بتعيط جامد وبتكلم نفسها بحيرة: طيب يا حور وايه الحل دلوقتي؟ اسد حتى مش عارف يتواصل معايا وحسام ممكن يجيب الماذون في اي لحظة. ياربي بقى على التوتر اللي انا فيه. وحور حاولت ترن على الرقم اللي معاها بس رد.