رواية حورية في عالم الوحوش الفصل الثامن والعشرون 28 - بقلم يوستينا سامي

اسد بصلهم بلهفة وفرحة: بجد يا جدي انتوا قدرتوا تحددوا مكان نور؟ مراد بتوتر: لا هنقدر بإذن الله، اصلك مش عارف مين قاعد عندي في البيت. اسد بصله باستغراب: مين يعني اللي عندك؟ مراد: علي وصالح قرايب حور من الصعيد. ودول ممكن يساعدونا نلاقي نور. اسد بحماس: ايوه صح.. طب خليك انت يا حسن علشان ماتتعبش، وانا هروح انا ومراد. حسن: اتعب إيه.. انا رجلي على رجلكوا.. يلا بينا. وفعلا نزل حسن ومراد وعزيز واسد وراحوا لبيت مراد. ***

في مكان مجهول. حور فاقت من أثر المخدر، لقت نفسها مربوطة. حور بدأت تبص حواليها بخوف وتوتر: أنا فين.. حد يرد عليا.. الحقوووني.. الحقني يا اسد أنا فين. حسام: اهلا.. اهلا بـ مرات اسد العقاد، بجد حمدلله على السلامة. حور بصتله بصدمة ومكنتش مصدقة إنها شايفاه. حسام ابتسم بخبث: لا لا اوعي تبصيلي البصة دي، أنا مش عايز منك حاجة حرام، لـسمح الله.. أنا بس هرجع الحاجة لأصحابها، يعني هرجعك لأهلك وناسِك يا قطة.

حور بخوف: انت أكيد مجنون.. انت فعلاً مش طبيعي، اسد كان عنده حق لما قال عليك واحد مختل.. ويكون في علمك اسد هيدور عليا وهييجي، وساعتها هيقتلك. حسام فضل يضحك جامد: مين ده اللي هيقتلني.. اسد خلاص بينحدر.. اسد فاضله تكة واحدة بس ويدخل هو مستشفى المجانين.. وبعدين عايز أقولك حاجة صحيح. اسد اللي انت واخدة فيه قلم ده وفاكراه إنه أحسن واحد في العالم.. ده خاين!!! لا متستغربيش أوي كده.. أيوه هو خاني مع مراتي.

وشفتهم بعيوني.. وأنا هثبتلك. وفعلا طلع حسام تسجيلات بين اسد وفيروز. التسجيل: اسد: فيروز اسمعيني، حسام بدأ يشك فيا وفيكي على فكرة. فيروز: إيه يا اسد هو انت خايف منه.. اسمع كلامي، أنا هطلب منه الطلاق ونهرب أنا وانت ونتجوز. اسد: انت اتجننتي ولا إيه.. أنا مستحيل أستغنى عن ورثي، أنا اللي تعبت فيه أوي وكبرته. فيروز: طب والحل يا اسد.. أنا بحبك أوي. اسد: للأسف أنا كمان بحبك ومقدرش أستغنى عنك. قفل حسام التسجيل.

حسام بألم: هاا إيه رأيك في حبيبك اللي انت مستنياه يجي ينقذك.. ده باع أخوه عشان حاجة زي دي.. ده واحد واطي. وخاين وعمري ما هسيبه أبداً سعيد. حور بصتله بعياط وحطت إيديها على راسها: هو أنا ليه بتخدع كده في كل الناس.. ليه كده. أنا مش عايزة أرجعله تاني.. خليني عندك هنا يا حسام أرجوك.. وأنا موافقة على كل طلباتك صدقني. حسام ابتسم بخبث: أي حاجة يا حور. حور: أه.. أي حاجة تقولي عليها.

حسام ببرود: طيب يا حور أنا موافق، بس بشرط تنفذي كل اللي هقولك عليه بالحرف الواحد. وفعلا حسام قالها على شرطه. حور بدموع ووجع: وأنا موافقة!!! *** اسد ومراد وحسن وعزيز كلهم راحوا شقة مراد. علي أول ما شاف اسد اتصدم: انت مين.. انت اللي أنقذت حور بنت عمي.. انت؟ اسد بصله بقلق: احم.. انت جاي لحد عندي وماكنتش تعرفني ولا إيه؟ علي

قرب من اسد ومسكه من قميصه: انت اللي ضربت نار على عمي يوم العركة.. انت اللي قتلت أبو حور، أنا عارفك وفاكرك كويس.. محدش عرف يوصلك ساعتها لأنك مش قريبنا. اسد زق علي بعصبية وقاله بصوت عالي: أيوه لأني مكنتش رايح أقتل حد أصلاً لأنكم مش أهلي ولا ليا عداوة معاكم. أنا كنت رايح مع صحاب عمري جاسر وحسام، أو اللي كنت فاكرهم صحاب عمري، اللي انتوا ثأركم معاهم. علي بعصبية: ده المفروض حجة اللي بتبرر بيها اللي عملته معايا.

اسد بحدة: أنا مش متهم أساساً عشان أبرر. أنا لما شفت عمك موجه المسدس عليهم، أنا ضربت نار عشان أنقذهم مش أكتر.. والله أنا ما كنتش عايز أقتل حد ولا أعيش عمري بذنب واحد، أنا حتى معرفش اسمه. عزيز: أيوه يا ابني اسد حفيدي مش بيكذب، ولعلمك عبدالرحيم اتصالح مع حسام ونسي ثأره، بس عشان يرجع حور وخطَف حفيدتي نور. علي بصدمة: إيه.. معقول الكلام ده، عبدالرحيم خطف حد من عندكوا..

اسد: أيوه هو عمل كده، وعايزينك تساعدنا، بس الأول تفهمني جيت تسأل عليا ليه؟ علي بص لاسد بحدة: بص أنا كنت جايلك هنا عشان أطلب منك تساعدني آخد حقي من أمي وأرجع عيشة تاني لحضني وأطلقها من جوزها، وأنا هساعدك ترجع قريبتك. هااااااااااا يا بن العقاد قولت إيه.. هتحط إيديك في إيدي. اسد حط إيده في إيد علي: معاك يا علي، بس عايزك تفهمني إيه اللي حصل من ساعة موت عمك.

واسد اتكلم مع علي وعرف كل اللي عملته أمه في حور، وأنها أخدت ورثها، واللي عملته كمان في عيشة. اسد بحدة: واضح بقي إن مشوار الصعيد ده.. مش بس عشان نرجع نور.. ده في حاجات كتير أوي لازم ترجع زي الأول. علي: البلد كلها خربت يا اسد.. أمي من ساعة ما عمي مات بقت هي اللي تعتبر ماسكة العمودية وظالمة كل أهل البلد، وآخرها أنا.. ابنها. وكمان أجبرت حياة تتجوز اللي كانوا السبب في موت أهلها، بجد مش زيك أنت.

اسد بصله بحدة: طب كفاية كلام في الماضي.. أنا عندي مشوار. حسن بحدة: مشوار إيه دلوقتي يا اسد.. إحنا لازم نجمع أكبر عدد من الرجالة. مراد: أيوه صح، لازم لما نروح البلد نبقى أقوى من العمدة. يا علي. وفجأة وإحنا بنفكر مع بعض، موبايل اسد رن. حسن بصله بلهفة: مين اللي بيرن يا اسد. اسد بغيظ: ده حسام.. والله لأقتلك يا كلب. مراد

شد التليفون من إيد اسد: اهدى يا اسد، إحنا عايزين نعرف إيه طلباته ده لو انت عايز حور ترجعلك سليمة.. ماشي. مراد فتح الميكروفون: الو يا حسام. حسام: أهلا أهلا مراد.. بص أنا عارف إن اسد أكيد جنبك دلوقتي، أنا بس كنت عايز أقوله إن حور معايا، وأنها عايزة توجهله رسالة مهمة أوي.. صح يا حبيبتي. اسد اتصدم أول ما سمع الكلمة دي، وشد التليفون من إيد مراد: الووو يا حسام.. فين حور.. الوووو.

حور بصوت موجوع: لو سمحت بقي ابعد عني، أنا مش عايزة أعرف عنك حاجة أو حتى أسمع صوتك.. أنا هتجوز حساااااام.. ابعد عني يا أحقر بني آدم عرفته في حياتي. اسد 😳😳😳😳😳