رواية حورية رابح الفصل الثاني 2 - بقلم عليا خليل

رابح جيه يحط حور على السرير و لاحظ وجود دم على هدومه مطرح ما كان شايلها. حور تكاد تكون بتفقد الوعي. رابح قرب منها: حووور مالك يا بت؟ هروح اجيب دكتورة. حور بصوت يكاد يطلع: لااااا. نادى على أي ست بس. رابح: لا هجيب لك الدكتورة. حور: لااا بقولك عايزة أي ست من البيت. رابح علشان يريحها نادى على كبيرة الخدم (جمالات) من الدوار. مسكت جمالات حور وديتها الحمام وهي استندها.

جمالات: يا بنتي انتي أكده هتتعبى اكتر. انتي لازم تشوفك حكيمة أو حتى على الأقل رابح يكشف عليكِ يعرف مالك. ما هو دكتور بردك. حور برعب وهي مش قادرة تقف ولا تتكلم أصلًا: لااااا يا طنط جمالات. أنا شوية وهاكون كويسة. دي مش أول مرة تحصلي وروحت لدكتور وقال لي اعمل إيه. حور: بعد إذنك عايزة شنطتي وهدوم. جمالات: يا بنيتي بطلع عناد عاد. انتي مقدراش توقفي على رجلك كيف يعني أهملك أكده من غير ما تشوفك حكيمة. حور وهي خلاص

بتنازع وبكل عناد لآخر نفس: يا طنط جمالات نكلم بعدين. هاتى اللي قولتلك عليه. جمالات راحت تجيب شنطة حور ولبست لها. أحضرت معاها جلال عم حور ومصطفى خالها وجابوا دكتورة. حور قافلة باب الحمام ومش راضية تفتح. رابح: هملونا عاد. أنا هكشف عليها. جلال: إزاي يا ولدي. رابح: هو إيه اللي إزاي يا بوي؟ هو أنا مش دكتور. جلال: خلاص يا جماعة نهملهم وجمالات توقف معاك علشان تساعدك. رابح: لااا محدش يوقف. أنا عارف هعمل إيه.

رابح طلع نسخة أخرى من مفتاح الحمام وفتح الباب. لقى حور لبست وباين إنها لسه تعبانة ولكن مفيش أثر للنزيف. كانت جالسة في أرضية الحمام مغمى عليها. جه يشيلها وبعدين اتراجع لأنه مش عايز يلمسها. نادى على جمالات والدكتورة. الدكتورة طلعتهم بره وبدأت تكشف على حور. رابح واقف بره منتظر الدكتورة هتقول إيه. جلال: الليلة فرحك على حور. رابح: إيه اللي بتقوله ده يا بوي.

جلال: اللي سمعته. محدش أولى بلحمنا مننا يا ولدي. وكمان تستر على البنية دي. أخوي وصاني عليها مش هقدر أعمل لها حاجة. رابح: اللي زيها يستحق الجتل لو جابت لنا العار. جلال: قولت لك أخوي قبل ما يموت وصاني عليها. رابح: لما نشوف الدكتورة هتقول إيه. خرجت الدكتورة مخفضة رأسها: سقطت اللي في بطنها. رابح: الله أكبر. العروسة سقطت قبل الفرح يا بوي.