رواية هوس الفقدان الفصل السادس 6 - بقلم شروق الحاوي

نور بصدمة: سماااا بدر باستغراب: سما مين؟ لم ترد عليه وركضت لاحضانها. نور بدموع وهي تمسك وجهها بين يديها: انتي سما صح؟ سامر بنفي: دي سارة مراتي يانور مش سما. نور بسخرية: لا والله، هو اللي زيك يعرف يبقى راجل عشان يتجوز. سارة بتوتر: ليه بتقولي كده؟ المفروض سامر أخوكي وهو... قاطعتها نور. نور: انتي مصدقة اللي بتقولي ده؟ أنا متأكدة انتي سما، أيوه سما صحبتي وعشرة عمري وبنتي. سارة بتوتر: لااا أنا مش سما، أنا اسمي سارة.

نور بجنون: لا انتي كدابة، انتي سما. هو صح؟ هو اللي غصبك على كده صح؟ هو... وأكملت بانهيار: قولييي يلااااا. أنا شفته وهو بيقت"لك، بعد ما دبحني وخد أغلى حاجة عندي، شوفته. بدر بقلق: نور اهدي، اهدي عشان خاطري. ششش، اهدي بس بس اهدي. ضمها إليه: اهدي يا عمري إنتي. خالد بغضب جذب نور من يديها إليه: انت إزاي تسمح لنفسك وتحضن مراتي بالمنظر ده؟ بدر بهدوء ما قبل العاصفة: امم، سيبها. موضوعك جاي بعدين. مش وقتك خالص.

ووجه حديثه لنور التي تبدو وكأنها غير موجودة معهم. بدر: نور حبيبتي تعالي معايا بس واهدي خالص. بس. وأجلسها على أقرب مقعد له. بدر بحنية: ممكن تهدي خالص؟ إيه رأيك تحكيلي إيه اللي حصل وأنا أوعدك هساعدك. ومين سما وليه بتقولي بنتك؟ وركز على أسنانه من الغضب الز"فت خالد. نور بدموع: أنا مش مجنونة صح يابدر؟ صح؟ بدر بحب: مش مجنونة ياقلب بدر. انتي ست البنات كلهم وأعقلهم كمان.

نور بدموع: أنا وسما كنا رايحين نجيب فستان للفرح بتاعها وقابلنا سامر وعرض علينا نركب معاه. وهو عشان أخويا وكنت واثقة فيه مش قلتله لأ.

ركبنا معاه وجبنا الفستان وخلاص كنا مروحين بس واحنا في الطريق حد اتصل عليه وهو قاله جاي وراح لمكان غريب ووووهو سابنا في العربية وقال دقيقة وراجع وتأخر وسما نزلت وقفت قدام باب العربية وأنا كنت نايمة وفجأة سمعت صوت صريخ سما وجريت برة العربية لاقيت واحد قدامي لابس أسود ووشه مش باين ورش حاجة على وشي ومحستش بحاجة بعدها. ولما فقت لاقيت... فلاش باك. نور بوجع: آآه ياراسي ياربي. إيه اللي حصل؟

ثواني وصرخت من الصدمة حيث وجدت نفسها عارية تمامًا وبجانبها سامر عاري أيضًا والسرير ملطخ بدماء عذريتها. نور بصراخ: آآآآه آآآه. ليه؟ لييييببة. فاق سامر على صوت صراخها. نور وهي تضربه على صدره: لييييه عملت فياا كدا ليه؟ لييييه؟ أنا اختك عارف يعني إيييه؟ آآه ياااربي. سامر بتوهان: أنا عملت كده إزاي؟ إزاي؟ نور أنا... قاطعه صوت صرخات تأتي من الخارج واختفى فجأة.

قامت وهي تغطي نفسها بالملاية وأخذت ثيابها. وكان مرفق بالغرفة مرحاض. ارتدت ثيابها وثواني سمعت صوت صرخات أقوى وركضت مسرعة للخارج. رأت سامر أخيها يقف بيده سكين ملوثة بد"ماء صديقتها. نور بصدمة: سسما. انت ققت"لتها؟ قققت"لتها؟ وسقطت فاقدة الوعي. باااااك. نور بانهيار: قتل"تها بكل دم بارد ودبحني. آدم وهو ينظر لسامر بنظرات مبهمة: اهدي ياروحي تعالي. حملها وصعد بها لغرفته مجددًا وضعها على السرير ونزل للأسفل.

بدر ببرود: عايز أسمع. سامر بتوتر: هاا تسمع إيه؟ بدر على نفس بروده: مين البت دي وإزاي شبه سما أوي كده؟ ومتقولش دي سما، أنا عارف ومتأكد إن دي مش سما زي ما أنا متأكد إنك مقربتش من نور. سامر بتوتر: أناا هووو... بدر بغضب: هتأتألي كتير بروحمممك. انجز. قوول الحقيقة. سامر بخوف: الأوضة المقفولة. بدر ذعر: قققصدك إيه؟ سامر بخوف: اسمعني. أنا والله مكنتش أعرف بس هو... بدر: اسمع كويس أوي اللي هقوله. *****