رواية هوس الحورية الفصل الحادي والعشرون 21 - بقلم اسيل باسم

ادخل. قالها وهو ينظر للملفات التي أمامه دون أن ينتبه لهذا الدخيل، إلا أنه رفع عينه بصدمة عندما سمع صوتها. تنهد بعمق. هل أصبحت تشغل باله لهذه الدرجة؟ أفاق عندما نادته. رفع بصره نحوها. إنها هي، داخل مكتبه لوحدهم بابتسامتها الرائعة. حور: حضرتك ممكن توقع هنا بعد إذنك. عمرو: انتي... انتي بتعملي هنا إيه؟ حور: أنا سكرتيرة أيهم بيه الجديدة. بعد إذنك وقع على الورق اللي قدامك، ورايا لسه شغل كتير. رمى

فيها الملف وهو يقول بجمود: روحي وابعتيلي أيهم. حور: يلعن أبو شكلك. أنا حبيتك وأنتي كده إزاي؟ إن شاء الله ابني ما يورثش الأخلاق المنيلة دي. عمرو: واقفة عندك بتقولي إيه؟ حور: ثواني ويكون عندك يا بيه. بعد فترة، دخل أيهم ببرود. عمرو: البت دي بتعمل إيه هنا يا أيهم؟ من امتى واحنا محتاجين موظفين جداد؟ أيهم: سكرتيرتي سابت الشغل لظروف خاصة، فأنا محتاج واحدة تفهم في شغلنا. ملك وصتني عليها وأنا شغلتها بعد ما عرفت ظروفها.

عمرو بانتباه وقلق: وممكن أعرف بقى ظروفها إيه؟ أيهم بخبث: جوزها طلقها وسابها لوحدها، وزي ما أنت شايف البنت حامل ولوحدها. أهلها سابوها من يوم ما اتجوزت، وأنا حبيت أساعدها لأنها صحبت ملك وتعتبر زي أختي. عمرو: انت حر توظف أي كان، بس البت دي مش عايز أشوفها قدامي. أيهم: ان شاء الله. يلا سلام. خرج أيهم من عند عمرو، راح لعندها. قابلها في الممر. حور: هو عمرو كان عايزك في إيه؟ أيهم: كان بيسألني عنك وإنتي بتعملي إيه، فقولت...

حور: طب وهو صدق كل ده؟ أيهم: أكيد صدق. أنا لازم أفكر في خطة تقربوا من بعض، بس هي دي أنا لقيتها. حور بفضول: إيه هي؟ أيهم بأسف: انتي لازم تتحبسي يا حور. عند سليم. اتصل بداليدا فردت هي على طول. سليم: انزلي أنا تحت مستنيكي، ما تتأخريش. داليدا: انت اتجننت؟ بتعمل إيه تحت؟ اوعى تخلي بابا يشوفك. سليم: خمس دقايق وتنزلي، وإلا أنا هطلعلك واللي يحصل يحصل، فاهمة؟ وأقفل في وشها. بصت للتليفون بغيظ وغضب.

لبست ونزلت من غير ما حد يحس. وقفت قدامه بتزعق فيه. سحبها لحتة مدفية عن الكل. داليدا بغضب: انت اتجننت يا سليم؟ بتعمل إيه؟ سبني بقولك إيه الجنان ده. سليم بغضب: ولسه هتشوفي الجنان على أصوله لو ما عدلتيش.