رواية هوس مريض الفصل السابع 7 - بقلم سمسمة

طلعت ماسة وراحت على محامي. ورّته كل التسجيلات والأدلة اللي معاها. أخدهم وطلعوا على مكتب النائب العام وعملوا بلاغ. رفعت قضية خلع عليه. وبعدها كانت في الشارع، مش عارفة تروح فين ولا تعمل إيه. افتكرت لما كانوا بيتكلموا وجت سيرة واحدة اسمها ندى، وكانت عايزة تعرف حكايتها إيه. راحت على بيت حماتها وتأكدت إنها لوحدها وإن كمال مش هناك. رن الجرس، والخادمة فتحت ودخلتها. نزلت حماتها تقابلها. حماته: انتي بتعملي إيه هنا؟

انتي مش عارفة كمال بيدوّر عليكي إزاي؟ انتي في خطر كبير. ماسة: مش همشي غير لما أعرف كل الحقايق، وهعرفها منك إنتي دلوقتي. حماتها: أنا معنديش حاجة أقولهالك غير اهربي وانفدي بجلدك. ماسة: مين ندى؟ وازاي قتلوا بنتكم وابنكم المحترمين الأفاضل؟ حماتها وشها اصفر واتوترت جامد: إإإإنتي عرفتي منين عن ندى دي؟ ماسة: سمعتكم وإنتوا بتتكلموا في المستشفى. حماتها: أبوس إيدك اهربي وامشي من هنا. كمال ابني مجنون وممكن يقتلك.

ماسة: مش همشي إلا لما أعرف. حماتها: ده ابني وأنا مستحيل أقولك حاجة غير إن كمال عنده مشكلة في عقله من وهو ١٠ سنين، والمشكلة دي بتصوّرله حاجات كتير غلط وبيشوف إنها صح. وهند بتساعده دايماً من كتر حبها فيه ومش شايفة إنها بتؤذيه أكتر. وأنا أمهم ومش قادرة أوقفهم. انتي هتعملي إيه؟ ماسة: ليه معالجتيش ابنك وسبتيه كده لحد ما وصل للمرحلة دي؟ ليه؟

حماتها ببكاء: حاولت كتير بس كان بيرفض الدواء وحالته كانت بتزيد قوي قوي. لحد ما قابل ندى. كانت دكتورة وقدرت إنها تسيطر عليه وحبها حب جنون. وكانت.... امشي بقى من هنا. روحي يلا. مش هقولك حاجة يا ماسة. شوفي طريقك واهربي. اهربي على قد ما تقدري. انفدي بجلدك يا بنتي.

ماسة لسه هتتكلم، سمعت صوت عربية وكان كمال جاي. حماتها خرجتها من باب الجنينة وهربت. ماسة فضلت تجري لحد ما نفسها اتقطع، وبعدين ركبت تاكسي وطلعت على موقف تركب أي عربية تسافر بعيد. ركبت العربية وراحت على إسكندرية. كمال دخل عند مامته وحضنها وفضل يبكي زي العيل الصغير. كمال ببكاء: ندى راحت مني تاني ومش عارف ألاقيها. هي لازم تعمل العملية، لازم تخف. مامته: يا حبيبي دي مش ندى، دي ماسة. حرام عليك تعمل فيها حاجة زي دي. فوق بقى.

اتعصب كمال: انتي ليه عايزة تحرميني منها؟ ليه بتعملي كده؟ أنا هرجع ندى غصب عنك. مامته اتعصبت أكتر عليه: دي مش ندى وعمرها ما هتكون. هي فوق من أوهامك دي وأنا مش هسمحلك تقرب منها أبداً، فاهم؟ كمال لسه هيرد، الجرس رن وكان البوليس جاي يقبض على كمال بسبب البلاغ اللي قدمته فيه ماسة بمحاولة قتلها هو وأخته وتدنيس شرف المهنة وخداع مريض. وكمال اتجنن بسبب اللي بيسمعه وضرب الناس. وهم مسكوه ضربوه وأخدوه معاهم للقسم.

مامته كانت خايفة وطلبت المحامين بسرعة وحاولت تنقذه. ماسة فضلت ماشية في الشوارع مش عارفة تروح فين. وبعدين أخدت أوضة في فندق وقعدت لحد ما تشوف هتعمل إيه. قضت كام يوم بتدوّر على شغل، ولقت شقة تأجرها وبدأت تعتمد على نفسها. اشتغلت في مطعم واتصاحبت على بنت هناك وبقوا أصحاب جداً في وقت قصير. ماسة اتصلت تطمئن على والدها. والدها: إيه اللي عملتيه في جوزك ده يا بنتي؟ وانتي فين روحتي؟ شدت هناء مرات

أبوها الفون منه وقالت: دايرة على حل شعرك فين يا هانم؟ بعد ما حبستي جوزك وهربتي مع مين بقى يا هانم؟ ماسة: أنا مليش كلام معاكي، فمتدخليش في حاجة متخصكيش. أنا بكلم بابا. هناء: هه، ما انتي سايبة باباكِ. ما تخصينيش يا أختي. بس لو عيالي هيتأثروا بسببك ده أنا أدفنك حية. ماسة: ما انتي هيهمك إيه غير الفلوس؟

اعتمدي على نفسك بقى وشوفي مكان تاني تجيبي منه فلوس. ولا أقولك روحي اتجوزي كمال المريض نفسي ده خليه يجننك، أو جوزيه لبنتك زي ما كنتي عايزة زمان واطلعي من دماغي بقى. هناء: قسماً عظماً لو مجتيش اتنازلتي عن اللي عملتيه في جوزك وبوستي إيديه ورجليه، لأنا اللي هقفلك وهقتلك، فاهمة؟ ماسة: لا مش فاهمة واللي عندك اعمليه. أنا من النهاردة مش هتراجع أبداً وهاخد حقي مهما يحصل. وقفلت ماسة الفون وكانت متعصبة وفضلت تبكي كتير.

المحامين عملوا إخلاء سبيل لكمال مشروط بكفالة لحد محاكمته. وخرج كمال وبقي بيدوّر على ماسة في كل مكان، والمردي بغضب أكتر بكتير. بس أخته مقدرتش تخرج لأن اتثبت عليها حاجات كتير غلط في المستشفى، ووقفوها عن العمل وهتتحاكم مسجونة. كمال لرجاله: تقلبولي الدنيا على ماسة وتعرفوا مكانها. راقبوا بيت أهلها وكل اللي في البيت. أنا عايزها بكرة تكون تحت إيدي، فاهمين؟

وكمال كان بيفتكر حياتهم وكل اللي حصل فيها. وكان رافض يشوف إنه عايز يخرب حياتها وإنه كان بينقذها. وادى لنفسه مبررات كتير على تصرفاته، وابتسم. وهو قاعد جرس الباب رن وجاله...