رواية هوس مريض الفصل السادس 6 - بقلم سمسمة

بعدما دخلت ماسة أوضة العمليات وبيجهزّوها للعملية. ماسة للممرضة: ممكن أخرج ثواني لكمال أقوله حاجة. الممرضة: مينفعش يا مدام كده، لازم أجهزك للعملية، تعالي بقي. سابته ماسة وجت تخرج، سمعت كمال بيكلم هند. كمال: يا هند، أنا عايزة الموضوع ده يخلص بقى، المرة دي أنا عمال أقول كذب لماسة أوي كده، ودفعت فلوس لكل الدكاترة دي عشان تقولها اللي أنا عايزه، دي مهمتك بقى اللي فاضلة.

هند: ده أنت دماغك سم يا كمال، خلّت البت تفتكر نفسها مجنونة، متقلقش، زمان الممرضة جهزتها ودكتور التخدير في الطريق، وأنا هخلص اللي في إيدي بسرعة لحد ما ييجي. كمال: لو حصلت غلطة وماسة ماتت زي المرة اللي فاتت، مش عارفة هعمل فيكي إيه يا هند، هقتلك وأخليكي تحصليها. مامة كمال: برضو هتنفذوا الجريمة دي يا أولادي؟ حرام عليكم تدمروا مستقبل بنت بريئة.

كمال: ماما لو سمحتي متتدخليش بقى، أنا ما صدقت وصلتها لهنا، أرجوكي متبوظيش خطتي. مامته: وليه عايز تعمل كده؟ هي ذنبها إيه؟ كمال: ده الحل الوحيد عشان هي مش بتخلف وأنا مش عايز أولاد. مامته: بتضحك على مين؟ هي برضو اللي مش بتخلف ولا أنت؟ اضحك على حد مش عارف حقيقتكم، وإنتي يا دكتورة يا اللي حلفتي قسم، تقدري تخالفي ضميرك وتعملي اللي هتعملوه ده؟

هند: يا ماما، لو كمال هيكون مبسوط، أنا معنديش مانع، حتى لو هقتلها، إنتي مش فاكرة حالة كمال كانت عاملة إزاي بعد ندى؟ مامته: وقفوا المهزلة اللي بتعملوها دي، يا إمن، من النهارده لا انتوا أولادي ولا أعرفكم. كمال: لو سمحتي يا ماما امشي بقى، أحسن ماسة تسمع اللي بتقوليه ده، والله لو سمعت لأقتلكوا بإيدي، فاهمين؟

ماسة مكانتش مصدقة اللي بيتكلموا فيه، وقد إيه هي رخيصة، كده بيبيعوا ويشتروا فيها، بس هي عمرها ما هتتخدع مرة تانية، ولازم تلحق تهرب من اللي هيحصلها. وفضلت تبكي بكاء هستيري، والممرضة أخدتها في حضنها. الممرضة: يابنتي، إنتي لازم تهربي بسرعة قبل ما الجزارين دول ييجوا، الحقي نفسي. ماسة ببكاء: أهرب إزاي من غير ما يشوفوني؟

الممرضة: بصي، أنا هخبيكي ورا الدولاب ده، وهاخد حقنة مخدر، ولما يدخلوا يلاقوني في الأرض ويفتكروا إنك هربتي، وبعد ما يمشوا بشوية، اخرجي وشوفي هتعملي إيه. ماسة بيأس: ماشي. ونفذوا اللي قالوا عليه، ودخل دكتور التخدير وشاف الممرضة على الأرض، ونده للدكتورة. هند: إيه اللي حصل ده؟ وفين ماسة؟ اختفت فين؟ يادي المصيبة. الدكتور: أنا دخلت ملقتش غير الممرضة وهي على الأرض.

خرجت هند وقالت لكمال اللي اتجنن بالمعنى الحرفي للكلمة، وبدأ يكسر في كل مكان ويزعق بصوت عالي، ويدور على ماسة بجنون، وكل اللي يقرب منه يضربه، لحد ما اتكاتروا عليه، ودوه مهدئ ونام شوية.

وبعدين ماسة استنت لحد ما الدنيا هديت خالص، وخرجت، دورت على أي حاجة تلبسها، وجريت بره المستشفى، ومحدش قدر يتعرف عليها، ورجعت البيت عند كمال، وأخدت هدوم ليها وفلوس، وحبة من دهبها، ودورت على الفلاشة اللي سجلتها، وأخدت اللابتوب، وكسرت الخط بتاعها، وخرجت، وفي نفسها قرار إنها لازم تنتقم من اللي حاولوا يدمروا حياتها.