رواية هوس مريض الفصل التاسع 9 - بقلم سمسمة

ماسه بتفوق وتفتح عيونها شافت كمال قدام عيونها اتخضت وقامت مفزوعة وحاولت تهرب منه. كمال: ماسه اهدى مش هعملك حاجة يا حبيبتي. ماسه: متقربش مني فاهم، هصوت وهفضح الدنيا. ارجوك متأذينيش ابوس ايدك. كمال بعصبية: أنا مش هعملك حاجة، اهدى بقي احسن لك. ماسه بخوف: ابعد عني. كمال مقدرش يسيطر على أعصابه أكتر ومسكها غصب عنها بقوة. حاولت تهرب منه، ضربها ومفاقش إلا لما شاف الدم مغرقها وهي فاقدة للوعي بين إيديه.

كمال بخوف: ماسه قومي، قومي يا حبيبتي أنا آسف مش قصدي. ارجوكِ فتحي عيونك الحلوين. على فكرة إنتي اللي عصبتيني، لو مكنتيش خفتي مني كان زمانك كويسة. على فكرة انتي السبب، قومي بقي ده أنا عندي حاجات كتير أوي أقولهالك، قومي بقي. مفيش رد من ماسه ومازالت بتنزف. مامت كمال دخلت عليه وشافت المنظر ده اتصدمت وصرخت في كمال. مامت كمال: الله يخرب بيتك، عملت إيه؟ حرام عليكِ البنت عايشة. وجريت عليها شافت النبض شغال بطيء.

كمال كان بيبكي زي الأطفال وبيتوسل مامته تنقذها. كمال: ارجوكِ يا ماما صحيها، متخليهاش تموت زي ندى. صحيها بقي وأنا مش هعملها حاجة تاني، والنبي يا ماما مقدرش أعيش من غيرها. وفضل يضحك كتير أوي ويبكي في نفس الوقت. ماتت زي ندى، لو كانت سمعت الكلام كانت زمانها عايشة، بس هم كلهم زي بعض، كلهم مبيسمعوش الكلام، كلهم عنيدين وأنا مبحبش العند. قتلتها زي ما قتلت ندى. وفضل يضحك. مامته خافت لحسن يعرف إنها عايشة.

فقالتله: ماتت يا حبيبي، تعال نمشي من هنا وأنا هتصرف. ارجوك يا كمال تعال معايا. وكمال مشي معاها زي الطفل الصغير وبيضحك وبييبص على ماسه وبيقولها: قتلتك خلاص، مش هتقدري تهربي مني تاني، هتعيشي معايا زي ندى. قتلتك. وفضل يضحك برضو. وأمه أخدته على أوضته وحطتله منوم وسابته ونزلت بسرعة تلحق ماسه. وأخدتها بسرعة على مستشفى هي تعرفها مش هيعملوا فيها محاضر ولا حاجة. وماسه دخلت العمليات.

عند ملك أخت ماسه كانت بتجهز نفسها علشان الفرح اللي بكرة. والدها: تعالي يا ملك يا بنتي عايزة. ملك: نعم يا بابا اتفضل. والدها: يا حبيبتي متدمريش نفسك وتتجوزي الجوازة النيلة دي، ده راجل أكبر من أبوكي يا حبيبتي. ملك: بس هيعيشني ملكة وهيسديني فلوس متاكلهاش النار.

والدها: يا بنتي يا واخد القرد على ماله، وإنتي لسه صغيرة وقدامك التعليم. ده انتي يدوب ١٨ سنة، راجعي نفسك يا حبيبتي بلاش تمشي ورا أمك، هتدمرك وتدمر مستقبلك بإيديها يا بنتي. ملك بضيق: أنا عارفة مصلحتي كويس، ما هي بنتك ماسه متجوزة واحد غني ومعاه فلوس وعايشة في عز ما بعده عز. والدها: يا بنتي الدنيا خداعة. ملك: يوووه بقي، أنا عندي شغل كتير، عن إذنك.

وجه تاني يوم وكتبت ملك كتابها وراحت بيت جوزها معاه وهي وأمها شايفين إن باب العز اتفتح لهم على مصراعيه. أول ما دخلت ملك البيت ودخلت شقتها لقيتها شبه الزريبة فعلاً وكل حاجة فرشوها اتبهدلت حرفياً وهي كانت في صدمة. إحدى زوجات الراجل: ادخلي يا غندورة، ادخلي، والله حلوة وصغيرة وتستحمل، برافو عليك يا حج. واحدة تانية: ههههه، دي مصدومة، مالك يا حبيبتي فوقي كده، ده انتي لسه في البداية.

التالتة: قولنا يا حبيبتي نعرفك كل حاجة من أولها، مفيش حاجة اسمها شقتي، كل حاجة بتاعتنا كلنا. الراجل: ما تتلمي يا ولية إنتي وهي، متخدوهاش على مشمها كده، سيبوهالي الليلة دي وبعد كده بتاعتكم. الأولى: خشي يا غندورة غيري ياختي، ومعلش بقي إحنا أكلنا منابك، متزعليش بقي. التانية: وليه يا حبيبتي فيها إيدين تعمل لنفسها. التالتة: والنبي أنا كمان جعانة، ما تورينا جدعنك كده يا عروسة وتعمليلنا حاجة ناكلها، اصل سهرتنا للصبح.

الراجل: بقولك إيه إنتي وهي، غوروا من هنا، يا أحسن أدور فيكم الضرب أكسر عضمكم، يالا وطلعولي الحمام والبط بسرعة وكل واحدة تلم في إيديها مزرعتها من العيال دي وتمشي. كلهم: حاضر يا حج، ثواني والاكل يكون جاهز. ونزلوا كلهم. الراجل: سيبك منهم يا عروسة، دول بيرحبوا بيكي، تعالي أفرجك على الشقة. دخلوا الأوض، شافوا فيها أطفال نايمين ومفيش حاجة مكانها. الراجل صحاهم ونزلهم عند أمهاتهم. وقال لملك: تعالي يا حلوة.

ملك: اوعي تقربلي يا راجل انت، هو إيه كل اللي بيحصل ده؟ أنا مش فاهمة إيه القرف ده. الراجل: لا إنتي تتعدلي ياختي كده أحسنلك، مش من أولها. ومسكها من شعرها ونزل فيها ضرب. وكانوا واقفين زوجاته بيسمعوهم على الباب وفرحانين أوي في ملك. وماسه كانت في العناية والدكتور قال...