رواية هوس سارة الجزء الثاني الفصل الخامس والعشرون 25 - بقلم اميمة تيتو

شهد: ااااااه بطني بطني بتطقطق ياسيرين مش قادرة. سيرين: بصراخ ياسيف سيف تعالي بسرعة يا جماعة حد ييجي يساعدنا بسرعة. شهد: بوجع اااه بطني بتتقطع مش قادرة. مازن وسيف طلعوا جري على الجنينة. مازن: بذهول في ايه مالك ياشهد. شهد: مش عارفة بطني ا... وهنا أغمي عليها. سارة: بخوف شديد شهد شهد فتحي عينيكي سيف بسرعة مازن حد يساعد البنت. شالها بسرعة وخدوها وراحوا المستشفى. بعد ساعتين في المستشفى.

الكل واقفين منتظرين الدكتور يخرج من غرفة العمليات. هاجر: همس شكلها هي وابنها هيسافروا بعيد. هيام: بابتسامة ياريت. وبعد شوية الدكتور خرج. والكل كانوا على لهفة. مازن: ها يا دكتور شهد كويسة وابني. الدكتور: بغضب الحالة أكلت وشربت حاجة مسممة بالعة سم أنا مش هسكت هشتكي عليكم إزاي يحصل كده في حد حاول يقت*لها هي وابنها. عبير: بصدمة سم. سارة: بلهفة هي فين ينفع أشوفها.

الدكتور: مش دلوقتي هي تحت أثر البنج ومحدش هيدخلها قبل ما الشرطة تدخل ونعرف إيه اللي حصل معاها. مازن: بذهول انت بتقول إيه يا دكتور أكيد انت غلطان أقصد لأ في حاجة غلط. الدكتور: بغضب ودا اللي قولته لو كنتوا اتأخرتوا شوية كمان كانت الأم ماتت. سيرين: بدموع والبيبي البيبي كويس. الدكتور: للأسف مقدرناش ننقذ الجنين. مازن: بدموع هاا لا ابني مات إزاي. بعد مرور كام ساعة. شهد صحت وكانت في حالة صدمة كبيرة.

المحقق: أنا مقدر حالتك واللي انتي بتمري بيه حالياً بس لازم تساعدينا عشان نعرف مين اللي قتل ابنك وحاول يقت*لك. شهد: بانهيار حطت إيديها على بطنها ابني ابني مات لأ انتوا بتكدبوا عليا أنا عايزة ابني ابني فين. عبير: خدت شهد في حضنها وبعياط اهدي يا حبيبتي عشان خاطري اهدي. المحقق: اهدي عشان نقدر نفهم اللي حصل. تقدري تقوليلي إيه اللي حصل معاكي انهاردة. احكيلي كل حاجة بالتفصيل. شهد عينيها على الأرض وساكتة.

سيرين: شهد ردي عشان ابنك. شهد بدموع بصت لسيرين ابني مات. المحقق: هي خرجت برا البيت انهاردة. سيرين: بخوف أيوا خرجت ساعتين كانت عند الدكتورة بتاعتها كان عندها متابعة عشان الحمل. المحقق: طيب يا شهد انتي أكلتي أو شربتي حاجة وأنتي برا البيت. شهد هزت رأسها بلا. أنا طول النهار ما أكلتش غير طبق الشوربة. المحقق: شوربة إيه. عبير: شوربة الخضار دي مفيدة أوي ليها وللجنين. المحقق: اممم طيب مين اللي عمل الأكل.

عبير: بتوتر أنا أنا اللي عملت الشوربة بس ليه. المحقق: انت أمها صح. اممم طيب حطيتي حاجة غريبة في الأكل. في حد أكل من الأكل اللي شهد أكلته. سيرين: لا لا شهد بس اللي أكلت من الشوربة. وبعد نص ساعة أخدتها وطلعنا الجنينة وكان معانا نسكافيه شربت بوق واحد منه وبعدين لقيتها بتصرخ وتتوجع. المحقق باصص لسيرين اممم نسكافيه. سيرين: اه وأنا برضه شربت منه وحامل برضه محصليش حاجة.

وهنا شهد فضلت تصرخ وتعيط اسكتوا بقااا حرام عليكم خلاص اسكتوا. الدكتور: معلش الكل يطلع برا. وفعلاً الكل خرج من الأوضة. المحقق: احنا لازم نروح البيت. وبعد كام ساعة الطب الشرعي أثبت إن الشوربة كان فيها سم مو*ميت. وفضلوا أكتر من كام يوم يحققوا في الجريمة وعرفوا إن هيام اللي كانت عايزة تقت*ل شهد وابنها. والشرطة خدتها واتحبست. بعد مرور شهر. في أوضة شهد كانت قاعدة على طرف السرير وسرحانة. دخل مصطفى وقعد جنبها.

مصطفى: انت كويسة يا شهد. شهد: امم الحمد لله. مصطفى: قرب من شهد طيب كويس أوي أنا عايزك تتحسني بسرعة عشان نتجوز بقا. شهد: اخرج من أوضتي يا مصطفى إحنا مينفعش نقعد مع بعض في أوضة واحدة لوحدنا. مصطفى: بس أنا هتجوزك وحاول يقرب منها أكتر وكان عايز يعت*دي عليها. شهد: بخوف انت عايز إيه ابعد عني. مصطفى: مالك بس في إيه اهدي شوية. اهدي أنا بحبك والله. شهد: بضراخ ساعدوني يا مامااااااا. وبعد شوية الكل جم على صوت شهد.

مازن جري على مصطفى وبعده عن شهد وفضل يضربه. سيرين: بدموع يا حيوان انت بتعمل إيه وجريت أخدت روب من الدولاب وغطت بيه شهد عشان الهدوم اللي كانت لابساها اتقطعت وهي بتحاول تقاوم مصطفى. مازن فضل يضرب مصطفى بقوة. سيف: بغضب خلاص خلاص سيبوه هتموتوه في إيديكم. شهد: اخرجو وبصراخ اطلعوا كلكم براااا سيبوني بقاا ارحموني ارحموني. سيرين: أنا هفضل معاكي. شهد: لا كلكم امشوا اطلعوا.

سارة: بدموع طيب اطلعوا من الأوضة وخرجوا كلهم وسارة قفلت الباب. تحت. أمنية ضربت مصطفى كف. أمنية: انت إزاي تعمل كدا يا حيوان. مصطفى: بدموع أنا والله مكنتش أقصد. سيرين: بعياط متقصدش إيه يا زبالة انتوا أصلا كلكم زبالة والله حتى انت يا مازن بسببك شهد مرت بكل دا. سيف: طيب اهدي اهدي هتتعبي واخدها في حضنه اهدي عشان اللي في بطنك. وهنا الكل واقفين وباصين على السلم شهد نازلة. وراحت عند عبير وحضنتها وبدموع أنا همشي.

عبير: بدموع على فين يا حبيبتي. شهد: أي مكان لسه مش عارفة بس بالنسبالي أي مكان غير هنا هيكون أمان. سارة: لا يا حبيبتي انت مش هتمشي انتي هتفضلي هنا لو على مصطفى ف هيخرج من الفيلة بس انتي افضلي. وهنا مازن جري على مصطفى وشده من هدومه وخرجوا برا الفيلة. وبغضب مش عايز أشوف وشك تاني. شهد: بصوت عالي مااازن. مازن بص لشهد. شهد: بغيظ طلقني. هاجر: هااا مهو طلقك. شهد: طلقني بالتالتة أنا مش عايزة أرجعلك أو يكون بينا فرص.

أنا أول مرة أطلب منك حاجة كفايا أوي كدا اللي حصلي في الفيلة دي عايزة أمشي يمكن أعيش مرتاحة يومين. مازن: بصدمة بس أنا عايزك خلاص مصطفى مشي مش هيرجع وهيام في السجن. شهد بدموع باصة لمازن وانت انت أكتر واحد أذيتني كل حاجة وحشة حصلتلي كانت بسببك. طلقني. سارة: بدموع طلقها يا مازن طلقها. سيرين: بغضب اخلص طلقها. مازن: بعياط انت طالق ياشهد. شهد: بدموع بالتلاتة. مازن: انت طالق بالتلاتة ياشهد.

شهد راحت حضنت سيرين وطبطبت عليها خلاص بطلي عياط يا هبلة المفروض تفرحي أنا بقيت حرة خلاص هعيش حياتي. سيرين: خلي بالك من نفسك. عبير: بعياط أنا لأول مرة في حياتي هقولك امشي يا شهد وابعدي روحي يا بنتي. شهد حضنت عبير خلي بالك من نفسك أنا هبقى أكلمك على طول. وراحت عند سارة وقفت قدامها. سارة: بدموع يا حبيبتي واخدتها في حضنها والله على عيني إنك تبعدي وتخرجي من البيت. أمنية: بعياط أنا آسفة يا بنتي آسفة سامحينا.

شهد: بتعتذري ليه. أمنية: عشان اللي مصطفى عمله. شهد: انتي ملكيش دعوة. وبصت لكل الموجودين أنا همشي بقاا. وراحت ناحية الباب. مازن: شهد. شهد لفت وشها وبصت لمازن. مازن: خلي بالك من نفسك ولو تقدري سامحيني. شهد لفت وشها وخرجت من الفيلة. واليوم عدى. وكل واحد طلع أوضته. عند سيف في الأوضة بتاعته. سيف: هااا يا حبيبتي فاضل كتير وتولدي. سيرين: أنا لسه في الشهر التالت يا سيف لسه بدري.

سيف: مانا عارف بس عايز أخرجك من اللي انت فيه ده. خلاص بقا انت مبطلتيش عياط من ساعة ما شهد مشت. سيرين: أصلها صعبانة عليا أوي يا مازن كل دا يحصل معاها إزاي وإزاي أصلا قدرت تتحمل كل الظلم دا وبصت لسيف بدموع ياترى هتكون بخير وهيا بعيد. سيف: أيوا هتكون كويسة إن شاء الله واخدها في حضنه. عند مازن كان قاعد جنب السرير لوحده. في الأوضة وبيعيط بقهر. خلاص مشيتي يا شهد سبتيني لوحدي أنا فعلاً خسرتك أنا والله مغفل أنا آسف.

وتمر الأيام على غياب شهد. ومازن اتغير وبقى على طول قاعد لوحده ومن البيت للشغل ومن الشغل للبيت ومفيش أي حاجة في حياته مبهرة. سارة: مالك يا حبيبي انت مش عاجبني اليومين دول في إيه يا مازن. مازن: مفيش أنا مالي أنا كويس أهوبس عندي شغل أنا هدخل مكتبي انتي اطلعي نامي تصبحي على خير. وبعد مرور شهر. يوصل خبر من السجن إن هيام حامل.

مازن: أنا مش عايز البنت دي ولا عايز يكون ليا أولاد منها أنا كان هيبقا ليا ابن ومن البنت الوحيدة اللي حبيتها بجد بس أنا بغبائي ضيعتها من إيدي. وهيا السبب إني ابني مش موجود دلوقتي. والشهور تفضل تمر وييجي اليوم اللي سيرين هتولد فيه. وتجيب ولد وتسميه. زياد. وتكون مبسوطة أوي وسيف طاير من الفرحة وعلاقته فعلاً اتطورت بسارة وبقى قريب منها وقدر يفهم إن اللي حصل معاه في طفولته كان لمصلحته. وفالجنب التاني.

برضه مازن بقى ليه عيادة خاصة باسم دكتور مازن عمر وبقى دكتور مشهور جداً وناجح. بس حياته الشخصية أو العاطفية مكنتش أحسن حاجة. وكل ما يشوف ابن سيف يحس بنقص. ويقعد يفكر لو كان ابنه عايش وموجود معاه دلوقتي.