رواية هوس سارة الفصل الرابع عشر 14 - بقلم اميمه تيتو

في مكان مهجور وظلمة، سارة بخوف: أنا لازم أنقذ مازن. وبصوت عالي: في حد هنا؟ حد سمعني؟ وفضلت ماشية ببطء لأنها مش شايفة حاجة خالص والمكان ضلمة أوي. وفجأة حد من وراها قرب من ودنها وبصوت واطي: يا هلا. سارة بصوت عالي صرخت وقلبها بدأ يدق بسرعة. وفي حد مسك إيدها وقالها: تعالي معايا. وخدها معاه ودخلوا أوضة مليانة كراسي. مازن بدموع: ماما، ماما. سارة: متخافش يا حبيبي، أنا معاك، هاخدك ونمشي. محمد: تمشي؟ ايه ده؟ اطلع أنت بره.

وبص لسارة بقرف: أنتِ دمرتي حياتي. خسرت مراتي وبيتي وكل حاجة. سارة بدموع: أنت كان لازم يحصل فيك كده. أنت نسيت عملت فيا إيه؟ أنت علقتني بيك وبعدين رميتني ومصعبتش عليك؟ محمد بغضب قرب من سارة ومسك شعرها وشده بالجامد. مازن بصراخ: ماماااا. سارة بدموع ووجع: أنت عايز إيه؟ عايز فلوس صح؟ خد فلوس وسيب ابني. محمد: هاخد فلوس بس مش بالطريقة دي. أنتِ هتتجوزيني وتكتبي كل ثروتك باسم ابني، وأبقى أخدت اللي أنا عايزه وعايش مع ابني.

سارة: طيب اسكت، متتكلمش قدام الولد. محمد: موافقة يعني؟ سارة بدموع: أنا مستحيل أتـجوزك، أنت فاهم؟ محمد ضرب سارة كف جامد. سارة: مش هاغير رأيي مهما عملت. محمد قرب من مازن وشاله وكان عايز ياخده ويمشي. وأمر شاب من الشباب اللي مأجرهم يضربوا سارة لحد ما يمشي. سارة بصراخ: ابني، ابني! أرجوك سيب الولد. ومحمد فضل ماشي بجمود، بص لها وقال: دي نهايتك يا سوسو. سارة بغيظ: استنى، أنا موافقة، هعمل اللي أنت عايزه.

محمد: أهو كده، أنت جدعة وبتفهمي. سارة بعياط: هات الولد. وشالت مازن. مازن: أنا عطشان. محمد: بس كده، هروح أجيب ميه وأكل وراجع. وسابها ومشى. سارة: أنا لازم أهرب من هنا. وجريت مع مازن عشان تخرج من المكان الغريب ده. محمد: أنتِ رايحة فين؟ سارة بجمود بصت وراها. محمد بغيظ: يا حيوانة! واخد الولد. سارة جريت وقدرت تهرب منهم ووصلت لمكان تقدر تتخبى فيه. وطلبت

الشرطة وبأنفاس متقطعة: أنا ابني مخطوف، وأنا كنت محجوزة، وقدرت أهرب بس ابني لسه معاهم. بعد نص ساعة، كانت الشرطة اقتحمت المكان. سارة بعياط: أرجوك ساعدني، أنقذ ابني. محمد: لا، دا ابني، وهي مش عايزاني أخده، ومش عايزاني أشوفه. سارة: لا، لا، دا ابني أنا، وجوزي دكتور عمر مات من سبع سنين. المباحث: جيبوا الراجل ده، وأنتِ هتيجي معانا. بعد ساعة في المركز. محمد: صدقني يا باشا، دا ابني. المباحث: هو في حد يخطف ابنه؟

محمد: آه، هي مش موافقة إني أشوفه. المباحث: دا أبوك يا مازن. مازن بخوف: لا. محمد: ابني، صدقني ابني، هو مايعرفنيش، أخدته وهربت قبل ما يتولد. المباحث: مفيش حل غير إننا نعمل اختبار DNA. محمد: أيوا، أيوا، DNA.