رواية هوس سارة الفصل الثالث عشر 13 - بقلم اميمه تيتو

مازن: أنا زهقان عايز أخرج. سيف: وأنا كمان زهقان. هالة: تيجوا نلعب سوا. سيف: تلعبي إيه يا دادة، أنتِ عجوز ومش هتعرفي تلعبي. سارة: عيب يا سيف، وبعدين الدادة صغيرة لسه. هالة: (بضحك) معاه حق، أنا كبرت. أنتِ عارفة يا مدام سارة أنا عندي كام سنة؟ سارة: لا، كام سنة؟ هالة: 49. سارة: لسه صغيرة برضه. على العموم أنا دماغي مصدعة، هطلع أنام شوية. العبوا هنا، مفيش خروج بعد تلات ساعات. سيف: أنا اللي هاخد السيف.

مازن: أنت لعبت بيه امبارح، أنا هلعب بيه النهارده. أحمد: عاملين إيه. أنا جاي أقعد معاكم شوية. هالة: تحب تشرب إيه؟ أحمد: ولا حاجة. أنا عايز أشوف سارة، هي فين؟ هالة: فوق من تلات ساعات، قالت هتنام. أحمد: هطلع أشوفها. (في أوضة سارة) سارة نايمة وبتردد: ابعدوا عني بقى، حرام عليكم. دخل أحمد وقرب من سارة وحاول يخليها تفوق. سارة: هاها، ابعد عني، ابعد. أحمد: سارة، افوقي، أنا أحمد، أحمد يا سارة. سارة: (بدموع) أحمد!

ودخلت في حضنه وفضلت تعيط. أحمد: مالك؟ اهدي. سارة: (بعياط) كوابيس يا أحمد، مش عارفة مالي، كل ما أنام أشوف كابوس. أحمد: طيب، متخفيش، أنا معاكي. سارة، تتجوزيني؟ سارة طلعت من حضن أحمد وبذهول بصتله: نعم؟ أحمد: تقبلي تتجوزيني؟ سارة: جواز إيه؟ أنت مجنون! أحمد: ليه بتقولي كده؟ أنا عارف إنك متعقدة من العلاقات، بس أنا غيرهم بجد. سارة: ممكن متفتحش الموضوع ده تاني؟ أحمد: يعني أنت مش حابة وجودي معاكي؟ سارة: ها؟

لا، أنا بكون مطمنة معاك، بس أنا... أحمد: أنتِ إيه؟ سارة: مش عارفة. أحمد: طيب، فكري. (بعد ساعة، على السفره) سارة: مازن، سيف، عايزة أقولكم حاجة. مازن: إيه؟ سارة: سيف، أنت عايز أب صح؟ سيف: أيوه. سارة: وأنت يا مازن؟ مازن: أكيد، بس مش أنتِ قولتيلي إن بابا مات، واللي بيموت مش بيرجع؟ سارة: آه، صح. بس لو فيه أب جديد، إيه رأيك؟ مازن: جديد إزاي؟ سارة: يعني أنا أتجوز، ويبقى عندك أب جديد، وييجي يعيش معانا.

مازن: لا، مش عايز. أنا عايز بابا الحقيقي، مش أب جديد. سيف: وأنا عايز بابا بجد برضه. أحمد: طيب، الأول، أنتوا عارفين مين الأب الجديد؟ سارة: ششش، خلاص. أحمد: يعني إيه؟ سارة: يعني خلاص، مش عايزين أب. أحمد: وأنتِ عايزة إيه؟ سارة: عايزة ولادي. أحمد: وأنا؟ سارة: أنت هتفضل صديقي المقرب. أحمد: طيب، عن إذنكم. تصبحوا على خير. (بعد ساعة) مازن: ماما، هو مين اللي كان هيبقي بابا الجديد؟ سارة: مش مهم يا حبيبي، خلاص.

مازن: عمو أحمد، صح؟ سارة بذهول باصة لمازن. أحمد: صح. سارة: اطلع نام يا حبيبي، الوقت اتأخر. سارة قاعدة على الكنبة وضامة رجليها بدراعها. هالة: مدام سارة. سارة: نعم. هالة: ممكن أقعد؟ سارة: أكيد، أكيد. اتفضلي. هالة: بصراحة، أنا سمعت كلامكم على السفره. وبصراحة، أنا شايفة إن أحمد بيحبك بجد يا حبيبتي، وهيِعوضك عن كل اللي حصل لك. سارة بدموع حضنت هالة: بس الولاد قالوا لا، مش عايزين. هالة: هما مش فاهمين حاجة.

سارة: أنا مش عايزهم يعيشوا طفولتهم زيي كده، أحسن. تاني يوم. سارة: جهزي الولاد، هاخدهم معايا. سيف: فين؟ سارة: هنخرج نروح الجنينة. مازن: أيوا، أيوا، أنا زهقان. هالة: طيب، يلا تعالوا عشان تغيروا هدومكم. (بعد ساعة، في الجنينة) سارة قاعدة على كرسي ولابسة هاند فري ومندمجة مع الأغاني. سيف ومازن بيلعبوا. سيف: أنا عطشان. مازن: طيب، خليك هنا، هروح أجيبلك ميه من الشنطة. (بعد عشر دقايق) سارة رفعت وشها نحو الولاد وباستغراب

قامت قربت من سيف: أومال فين مازن؟ سيف: مش عارف، راح يجيب ميه ومجاش. سارة: إمتى؟ سيف: من شوية. سارة: اا، خليك هنا، متتحركش من مكانك. هتكون فين يا مازن؟ وفضلت تدور عليه حوالين الجنينة وتسأل الناس عليه. (بعد مرور ساعة وهي بتدور على مازن) سارة: أحمد! أنا هكلم أحمد. ورنت عليه بتوتر. سارة: الو، أحمد، تعالي بسرعة، أنا في الجنينة اللي جنب المستشفى، تعالي بسرعة. (بعد نص ساعة) أحمد: في إيه، مالك؟

سارة: مازن، مازن مش عارفة فين، مش لاقياه. أحمد: (بفزع) هيكون راح فين يعني؟ سارة: (بدموع) بقولك مش عارفة، بقالي ساعتين بدور عليه، دورت في كل ركن في الجنينة. أحمد: سيف فين؟ سيف؟ سارة: سـ، سيف كان هناك. أحمد: هناك فين يا سارة؟ أنتِ سبتي الولد يعني ضيعتي واحد، والتاني مش عارفة فين؟ سارة: (بعياط) أنا عارفة فين. وراحت تشوفه. سيف كان قاعد في ركن وبيعيط. شاف أحمد جري عليه. سارة: أنت كويس يا حبيبي؟ سيف:

دخل في حضن أحمد وبعياط: يلا نمشي. أحمد: خلاص يا حبيبي، متخافش، هنمشي خلاص. وشال سيف ومشي. (في البيت) سارة بعياط وصراخ: أنا عايزة ابني، هو فين؟ وحطت إيديها على رأسها وفضلت تعيط وتضرب على رأسها بالجامد. أحمد: خلاص، اهدي، أكيد هنلاقي الولد. سارة: هو فين؟ عايزة ابني، محدش هياخد ابني مني. أحمد: دا مش ابنك، دا ابن هاجر وعمر. سارة: (بغضب) اخرس! دا ابني أنا، أنا بس، دول ولادي أنا لوحدي، أنا الأم والأب.

وعدى اليوم، وجه اليوم التاني، وسارة بطلت أكل، وعينيها بقت حمرا من كتر العياط. أحمد: أنا بلغت الشرطة. سيف: ماما، أنا جعان. سارة: روح للدادة تأكلك. سيف: أنا عايزك أنتِ. سارة: (بصراخ) امشي من وشي. سيف لف وفضل باصص لسارة بدموع. سارة: متزعلش مني، تعالي، هجيلك أكل. بعد شوية، موبايل سارة رن. سارة: الو. أحمد: أيوا. سارة: إيه؟ أحمد: في إيه؟ سارة: (بدموع) مازن، مازن مخطوف. أنا لازم أروح. همشي. أحمد: طيب، هجاي معاكي.

سارة: لا، اا، لا، طلب أكون لوحدي. متجيش ورايا، أنا قولتلك أهو.