رواية هوس سارة الفصل السابع عشر 17 - بقلم اميمه تيتو

يواحبيبي هترجع البيت قريب أوي، انت كمان وحشتني أوي. هالة: معلش يا مدام ساره، هو زعلان ومش راضي يكلمك. ساره: طب روحي خليكي معاه وخلي بالك منه، وأنا هبعتلك فلوس. أحمد: انت ليه مش عايزة سيف يرجع؟ حرام عليكي، عدى سنة وهو بعيد عنك. ساره: خايفة، خايفة يا أحمد، خايفة ياخدوه مني. أحمد: يا بنتي لا، دا في السجن، هيخدوه منك إزاي؟ وبعدين الظابط مش قالك إنه مش هيتعرضلك تاني؟ ساره: أه، بس كلها كام سنة ويخرج من السجن، وهيأخدوه مني.

أحمد: ياخدوه إزاي يا ساره؟ ساره بتوتر: اممم، هو، هو ممكن يخطف سيف مني زي ما عمل قبل كده خطف مازن. أحمد: لا معتقدش، هو مستحيل يخطف تاني، لأنه اتحبس، هيخاف. ساره: لا لا، هو لو قدر يثبت إنه ابنه مش هيتحبس، هيأخدوه وأنا اللي هتحبس. أرجوك افهمني، أنا مش عايزة أخسر حد تاني. أحمد: يعني هيفضل بعيد كده كتير؟ ساره: اممم، أه، خليه هناك، أنا عارفة إنه كويس. بعد يومين. ساره واقفة في الأوضة اللي تحت السلم.

أنا خايفة من اليوم اللي هيعرفوا فيه الحقيقة، يا ترى هتفضلوا تحبوني بعد ما تعرفوا ولا هتبعدوا عني؟ والله رغم كل اللي حصل بس غصب عني، اتضررت على كل ده، بس بحبكم أوي. مازن واقف برا وباصص لساره. مازن: ماما. ساره لفت وشها وبصت لمازن، وخرجت من الأوضة وقفلت الباب. ساره: انت هنا من امتى؟ مازن: لسه جاي، كنت بلعب في الجنينة بس زهقت. ساره أخدت نفسها وأخذت مازن ومشت. بعد ساعة. الموبيل رن. ساره: ألو.

أمنية: بابا، بابا تعبان أوي يا ساره ومش عارفة أعمل إيه. ساره: طب طب، أنا جايه، متخفيش. في بيت أمنية. ساره: ماله، ماله يا أمنية؟ أيمن بتعب: تعالي، تعالي يا بنتي. أنا ممكن أموت في أي وقت، وخايف أموت وأنا ظالمك. أنا... ساره: أهدي، أهدي يا عمو. أيمن: انتي ليكي نص الثروة، من حقك تاخدي ورث أبوكي، ولو تقدري تسامحني. ساره بدموع: خلاص، مش هيحصلك حاجة، أنا هاخدك ونروح للدكتور وهتبقى كويس.

أيمن: لا لا، خلاص مفيش وقت، المحامي، المحامي يا أمنية. أمنية بدموع: في الطريق. بعد شوية المحامي جاه، وأيمن مضى على العقد إن ساره ليها نص الثروة. وبعد شوية صوت الصراخ كان مالي البيت. أمنية: بابا، يا ساره، بابا. ساره حضنت أمنية وفضلت تهدي فيها.