رواية هوس سارة الفصل الثالث 3 - بقلم اميمه تيتو

عمر: ها اتجوزك؟ بس أنا متجوز. سارة: مش مهم، الشرع محلل أربعة. عمر: بس أنا بحب مراتي. سارة: عادي، أنا كمان أكون مراتك ومش لازم مراتك الأول تعرف إنك اتجوزت. عمر: متردد. أه بس... سارة: بس إيه؟ عمر: لو عرفت هتبقى مشكلة كبيرة، وأنا عندي منها طفل. سارة: طيب براحتك بقى، أنا آخر يوم ليا في الشغل، عن إذنك. عمر: بس أنا بحبك فعلاً، مش بكذب. سارة: معنديش كلام غير اللي قولته. ولفت وشها وخرجت من العيادة. عمر جري وراها ومسك إيديها.

عمر: أنا موافق. سارة ابتسمت ابتسامة فوز. سارة: طيب كويس، كتب الكتاب النهارده. عمر: ها؟ بسرعة كده؟ سارة: وفيها إيه؟ أنا همشي على الساعة سبعة، تجيب مأذون والشهود وتيجي. عمر: نعم؟ يعني أنا هتجوزك رسمي؟ سارة: أه، أومال فاكر إيه؟ لو مش عاجبك عادي، انسى كلامي. عن إذنك. عمر: لا لا، حاضر. بس نتقابل فين؟ سارة: عندي في البيت. عمر: حاضر. بعد خمس ساعات. في بيت سارة.

المأذون جاه، وكتبوا الكتاب. وسارة طلبت من شاب إنه يصورهم وهما بيكتبوا الكتاب فيديو. بعد ساعة. عمر: طيب يا قلبي، هروح أجيب حاجة ناكلها ورجع لك على طول. سارة: تمام، متتأخرش. عمر: نص ساعة وأكون في البيت. ومشى. سارة: ولا مترجعش، جتك قرف. ومسكت الموبايل وبعتت الفيديو بتاع كتب الكتاب لمحمد وكتبت: "أنا اتجوزت، مفيش مبروك؟ وراحت عملت عصير وحطت فيه منوم.

بعد شوية دخل عمر البيت. وكانت سارة لابسة قميص بينك وقربت من عمر وباسته في خده. عمر: إيه ده؟ دا بجد؟ سارة: إيه هو؟ عمر: الصبح كنتي رافضة إني أقرب منك. سارة: دلوقتي أنت جوزي. وراحت حضرت الأكل. عمر: بصراحة أنا جعان. سارة: (في نفسها) تكون آخر أكله ليك. وابتسمت وقالت: طيب يلا تعال يا روحي. وبعد شوية كانوا خلصوا أكل. جابت العصير وراحت قعدت جنب عمر وقالت: اتفضل يا روحي. عمر: إيه الدلع ده كمان عصير؟

سارة: أنت دلوقتي بقيت كل أهلي، مليش غيرك في الدنيا. وقربت من حضنه وحطت خدها على صدره. عمر: طيب يلا ندخل الأوضة. سارة: اشرب العصير الأول. عمر أخد العصير وشرب لآخر بق. بعد شويه. سارة: يلا ندخل الأوضة. عمر: أه يلا، بس حاسس إني دايخ. سارة أخدت عمر ودخلوا الأوضة. وبعد دقيقة كان نام خلاص. قربت منه وفتحت زراير القميص بتاعه وخلعت القميص ونامت في حضنه. تاني يوم صحا عمر. وكانت سارة نايمة في حضنه. سارة فتحت عينيها.

سارة: صباح الخير. عمر: صباح النور. إيه اللي حصل؟ أنا مش فاكر حاجة خالص. سارة: امبارح كانت أجمل ليلة في عمري كله. عمر: ليه؟ إيه اللي حصل امبارح؟ سارة: (بدلع) أنت مش فاكر ولا إيه يا بيبي؟ عمر: بصراحة لا، مش فاكر حاجة خالص. سارة: اممم، أنت بتكدب عليا صح؟ أنا فاهماك. وقامت أخدت هدومها من الدولاب ودخلت الحمام.