رواية هوس سارة الفصل الثامن 8 - بقلم اميمه تيتو

ساره واقفه مع وفاء. "انت هتعملي كل اللي بقولك عليه بالحرف الواحد، فاهمه؟ وهيا تكون عينيك عليها طول الوقت. أي حاجه تحصل تقوليلي." "طيب، روحي انت شغلك يا وفاء." "ساره، ممكن افهم انت بتعملي ايه؟ يعني انت عارفه ان وفاء صحبت مها. ازاي تقوليها إنها تراقب مها؟ "مانا عايزه مها تعرف إن عيني عليها." "بصراحه مش فاهم حاجه، عايزه توصلي لايه؟

"بإبتسامة. طول ما هيا عارفه إني مراقبها مش هتغلط أو هتتفق مع وفاء، ماهي صحبتها. وأنا بقي هساعد وفاء إنها تكون وفية لصحبتها." "مش فاهم برضو." "مش مهم تفهم. أنا همشي دلوقتي، أي حاجه جديده بلغني فوراً." ف الطريق. "مدام ساره، ممكن أسألك سؤال؟ "هاا، اتكلم." "انت ممكن تنسي اللي حصل بينا ولا لا؟ "بضحك. اللي بينا اللي هو ايه؟ "أقصد... "بص قدامك، مش عايزه دوشه." ف البيت. سيف بيلعب مع مازن. "أنا عملتلكم عصير." "أنا عايز عصير."

"مش عايز، مش بحبه." "لا لازم تشرب عصير عشان يبقي عندك عضلات." بعد مرور كام شهر. "ساره، أنا لازم أشوفك دلوقتي ضروري." "اشمعنا؟ "حصل اللي قولتلي عليه." "مش فاهمه." "مش هينفع كلام علي الموبيل." "طيب، هجيب الولاد من المدرسه عشان وعدتهم ونتقابل. اوي تعالي عندي ف البيت علي الساعه تلاته، سلام." ف المدرسه. ف مكتبه المديره.

"أنا مش هسامح المره دي ياحضره المديره. الولد دا ضرب ابني قدام الكل. وكل مره بشتكي بتقوليلي طفل، بس لا. لازم ابني يضربو زي ما ضربو." "طيب، ازاي؟ دول أطفال وهيرجعو يلعبو مع بعض تاني." "لا، أنا عايز أضرب سيف." "تضرب سيف ليه؟ "ضربني." "أنا كنت لسه هطلب من سيف إنك تيجي معاه بكره المدرسه، بس اديكي جيتي." "إيه اللي حصل؟ "ابنك سلوكو مش كويس وبيعمل مشاكل كتيره." "سيف بيشتكيلي ف صحابو، مشاكل ايه اللي بيعملها؟

هما بيتريقو عليه إنه معندوش اب." "طيب، أنا بتكلم بجد. هو مش عنده اب، هو يضربني ليه بقي؟ "بغضب. لا، عنده اب." سيف بذهول باصص لساره. "ماما." "اممم. اه، عنده اب، بس مات." "يبقي مين الغلطان؟ إيه الفرق بين سيف ومصطفى، وياترا هو اختار إن باباه يموت؟ "لا طبعاً. اعتذر منه يا مصطفى." "هو اللي ضربني." "أنا قولت اعتذر، انت الغلطان. وانت برضو يا سيف، مينفعش تضرب حد لمجرد إنه ضايقك. تعالي اشتكيلي وأنا أجيبلك حقك. اعتذر يا مصطفى."

"لا ياماما." "مش مهم، لسه طفل. يلا ياسيف، عن إذنكم." ف العربيه. "ماما متزعليش." بعد نص ساعه. "اطلعو اوضكم." "أنا بقالي ربع ساعه هنا." "سيف كان عامل مشكله ف المدرسه مع صحابو، وكدا أطفال، بس عدت. المهم، إيه الموضوع؟ "هنكلم هنا." "أيوا، مفيش حد." "مش قولتيلي أراقب وفاء ومها."