رواية حرب العشق الفصل التاسع والعشرون 29 - بقلم هاله احمد

حمزه بصدمه: عشق انتي كويسه؟ بص ع الارض لقى سليم واقع ع الارض وعشق واقفه في ركن الاوضه وهدومها متقطعه ومصوبه المسدس نحيته وواقفه بصدمه وعلامات الذهول ع وشها وباين عليها مش متزنه خالص دلوقتي. حمزه قرب بهدوء وقال: عشق نزلي المسدس. مفيش حاجة متخافيش. نزليه يا حبيبتي علشان خاطري. عشق دموعها كانت بتنزل زي الشلال وكانت غرقانه في ذكرياتها. فلاش باك سعد بمكر: بقولك اي يا عشق؟ عشق بابتسامه: نعم يا استاذ سعد.

سعد بتمثيل الحزن: ممكن اطلب منك طلب وياريت مترفضيش. عشق باستغراب: ع حسب الطلب. اي يا استاذ سعد؟ سعد بمكر اكبر: انا مراتي تعبانه اوي ولازم اخدها للمستشفي وعندي بنوته صغيره 3 شهور بس ومش هلاقي حد اوثق فيه يقعد معاها غيرك والمبلغ اللي تطلبيه تحت امرك. عشق بتردد: بس يا فندم انا مش هينفع اتاخر ع البيت وكمان... سعد بمقاطعه: مستعد اكلم ابوكي والمبلغ اللي تطلبيه تحت امرك.

عشق بتفكير: روحي يا عشق وخلاص واهو تاخدي مبلغ حلو. مريم محتاجه مصاريف كتير للكورسات وكمان ماما علاجها قرب يخلص. سعد لاحظ انها بتفكر في الموضوع وقال: 6000 كويس. عشق بفرحه: كويس جدا. خلاص هخلص وهاجي. سعد بخبث: مستنيكي. خلصت عشق وراحت ع العنوان علطول. وصلت عند فيلا راقيه جدا. الامن سامحولها بدخول ودخلت. سعد كان لابس لبس البيت عادي ومكنش فيه حد. عشق دخلت بتردد. سعد بابتسامه: تشربي اي؟

عشق بابتسامه خوف وتوتر: لا شكرا مش عاوزه. انت ممكن تاخد المدام وتروحو وانا هخلي بالي من البنت. سعد بخبث وهو بيبص ع جسمها: اممم اي رايك ازودلك المبلغ ل 20 الف؟ عشق باستغراب: ودا ليه مش فاهمه. سعد وهو بيقعد قدامها: 20 الف مقابل ليله واحده. اي رايك وافق؟ عشق قامت من مكانها بسرعه وقالت: اااه يا حيوان بقا جايبني لحد هنا علشان كده. ده انا هوديك في داهيه. سعد قرب منها

ومسكها من شعرها بعنف وقال: بقولك اي يا بت انتي انا هاخدك يعني هاخدك وغصب عنك او برضاكي ميفرقش معايا المهم انك تبقي في حضني والليله دي. عشق بدموع ورجاء: ارجوك سبني. بس لا حياة لمن تنادي وزقها ع الارض وابتدي يقرب منها وعشق كانت بتبعد وبتترجاه يبعد عنها بس هو كانه و*حش عاوز يفتر*سها وفجأه شدت زهريه كبيره وخبطتها في دماغه وطلعت تجري وهيا ضايعه ومنهارة وخايفه من كل اللي حواليها. باك حمزه حس انها بتفتكر

الحادثه القديمه قال برجاء: عشق ارجوكي ارجعي لعقلك. اطلعي من تفكيرك ارجوكي. عشق كانت واقفه لسه ع وضعها زي ما هو وقالت بكلمات متقطعه ودموع: هو.. هو يستاهل والله. سعد ده بنأدم مش كويس وعمل كده مع بنات كتيرر. انا عارفه ان مراته وبنته هيزعلو عليه بس انا مكنش قصدي اموت. حمزه بصدمه وع وشك انو ينهار من الحاله اللي وصلت ليها: حبيبتي فوقي ده سليم مش سعد. فوقي بقا علشان خاطري. هاتي المسدس ده يا حبيبتي هاتيه.

عشق زعقت وقالت بجنون: ابعد انت كمان احسن ما امو*تك. متقربش مني فاهم. متقربش احسنلك. حمزه بحركه ذكيه اتملك منها وشد المسدس من ايديها وهيا وقعت ع الارض بانهيار. حمزه راح يطمن ع سليم لقا فيه روح لسه لان الرصاصه بعيده عن القلب والدماغ تماما كانت في رجله وبجانب دراعه اليمين بس اغمي عليه من شده التعب والنز*يف. حمزه سنده ونزل ركب العربيه وطلع بسرعه. قلع الجاكت ولبسه لعشق وقال: تعالي معايا يا حبيبتي يلا.

عشق بدموع: حمزه هو انا كده هتحبس صح. هتسجنيني يا حمزه. حمزه بسرعه: لا يا حبيبتي مفيش الكلام ده بس يلا بقا معايا بسرعه علشان نلحقه. نزلت معاه وركبو العربيه وراحو ع اقرب مستشفى. حمزه بزعيق: تعالو بسرررعه معايا مصاااب. طلع معاه دكتوره وممرضين اخدوه ودخلو اوضه العمليات. عشق بدموع وتعب: حمزه هما هينقذوه صح ومش هتسجن. قولي ونبي يا حمزه اني مش هتسجن.

حمزه حاوط وشها بحنيه وقال: هششششش مش هيحصل حاجة. وحتي لو حصل مش ممكن حاجة تأذيكي وانا موجود فاهمه. عشق بتعب: حمزه انا.. انا تعبانه. حمزه بقلق: مالك يا حبيبتي مااالك. عشق فجأه اترمت في حضنه مغمي عليها. حمزه شالها بسرعه ودخل بيها اوضه وجابلها الدكتور. الدكتور: خير مفيش حاجة بس ضغطها واطي. حمزه: تمام متشكر.

الدكتور سابو وخرج وحمزه قعد جنبها وفضل يبوس فيها بحنيه وعيونه كلها دموع وقلبه مليان بالوجع والتعب علشانها وفي نفس الوقت بالانتقام من اللي وصلها للحاله دي قال بجمود وغضب جحيمي: وغلاوتك فقلبي ما هسيبهم. الصبر بس عليا واديني مسكت اول الخيط وسليم بقا تحت سيطرتي وهجيب كل اللي وراه. وبعد ساعات خرج الدكتور وطقم التمريض. حمزه جري عليهم وقال: هاا هوا عامل ايه؟ الدكتور: الحمدلله عدت وخرجنا الرصاص مفيش خطر ع حياتو.

حمزه بارتياح: ماشي يا دكتور شكرا جدا. وخرجو لاوضه عاديه وحمزه كان حاطت ايده في جيبه ببرود وهو بيبص عليه وقال بحزن: مع انك اذتني كتيرر ولسه بتأذيني بس انت اخويا. مقدرش اسيبك بس مش هسيبك الا وانت في السجن وبتاخد عقابك يا سليم. الدكتور جيه وهو معاه الشرطه وقال: انا بلغت الشرطه لانو مصاب وهما اهو علشان تتكلم معاهم. حمزه بص ليهم بثقه وقال: اهلاا. ظابط: اهلا بحضرتك. ممكن نفتح المحضر.

حمزه بتكبر: انا معرفش هو اتصاب ازاي. هو اخويا. وفي ناس اتصلت بيا وقالولي اخوك مرمي في الشارع ومصاب. الظابط: ليه اعداء او انت شاكك في حد؟ حمزه: الصراحه عندو اعداء كتير بس انا مش شاكك في حد. وفضلو يتكلمو. عند عشق ابتدت تفوق وفجأه لقت حد قدامهاا طويل ومفتول العضلات. الرؤيه مكنتش ظاهره معاها اوي لان الاوضه كانت ضلمه. كانت لسه هتصرخ بس هو حط ايده ع بوقها وقال بهدوء: عشق اهدي. انا زين. اهدي. عشق هديت

وقامت حضنته بسرعه وقالت: شوفت اللي جرالي يا زين. شوفت اللي حصلي. زين مسح ع شعرها بحنيه وقال: هششش اهدي يا حبيبتي اهدي. عشق بدموع وهيا بتبص له: سبتني لوحدي ليه في وسطهم يا زين. في وسط عيلة الفيومي كلها. زين: والله العظيم انا اول معرفت اللي حصلك ده بصدفه جيت جري علطول وقولت لازم اطمن ع جميلتي. عشق بضحك في وسط دموعها: مسمعتش جميلتي دي من زمان خالص. زين بضحك وهو بيطبع بوسه ع ايديها: خلاص هسمعهالك كل يوم يا جميلتي.

عشق: مامتك عامله ايه دلوقتي. انا الفتره اللي فاتت دي معرفتش اروحلها خالص بسبب اللي حصلي ده. زين: اهو الحمدلله حالتها بتتحسن. نفسها تشوفك اوي ع فكره. عشق بدموع: وانا كمان والله نفسي اترمي في حضنها. دي اكتر واحده وقفت جنبي. زين طبع بوسه ع راسها وقال: خلي بالك من نفسك وانا هاجي تاني اشوفك. كان ماشي بس عشق مسكت ايده برجاء وقالت: علشان خاطري خليك معايا شويه.

وهناك خلف الباب المتوارب كان واقف حمزه وعروقه بارزه بشكل مخيف وقبض ع ايده بعصبيه ووو.