رواية حرم الفهد الفصل الحادي والأربعون 41 - بقلم سمية احمد

_إبراهيم _هيعمل كده ليه؟ وليه عايز يعمل فيا كده أصلًا؟ بصت حواليها بتوتر وقالت: أنا معرفش بس في حاجة بينك وبينه. المهم خد بالك من _آسر _هو ميعرفش حاجة وساب البيت. أنا مقدرتش أسيبه. وكل شوية بحاول أجل الفرح عشان ماما نور. حاول تعرف كل حاجة يا _فهد _. خد بالك من _غرام _وابنك وعائلتك كلها. قالت كلامها بسرعة شديدة وجرت بسرعة ودخلت القصر. اتنهد _فهد _بتعب. المصايب مش سايباه في حاله. سمع رنة الفون وشاف المتصل _غرام

_. ابتسمت بحب وكأنه نسي تعبه مجرد ما شاف اسمها بيرن. صوت دقات قلبه. لمعة عيونه. وضحكته اللي ليها سحر خاص مش بتطلع غير لـ _غرام _. علاقة هادية. رايقة. فاهمين بعض. وبيحاولوا يعدوا عشان بعض ويكملوا. كل طرف بيحاول يصلح من الطرف التاني بس بطريقة تحبب الطرف التاني. _وحشتك؟ ولأ بترني ترزيني؟ ابتسمت وقالت: الإثنين بصراحة. مشي ناحية العربية وقال: اممم. لسه عند ماما ولا طلعتي؟

ردت بهمس وصوت منخفض: لأ عندها وهنبات عندها عشان بكرة هيجي الكل. و _داليا _ندا _أياد _جه خدهم ومشي من شوية. وبكرة صاحبك جاي يتقدملها فا _أياد _قال حابب يجي هنا لأنه معتبر ماما هدى زي مامته. ابتسم على رغيها وقال: طب ما أنا عارف كل ده. بتتكلمي بصوت واطي ليه؟ _علشان ابنك نايم وطلع عيني حقيقي. بجد بقي متعب بس تعبه راحة. وغير كده أنا هموت وأنام بس مش حابة أنام من غير ما أشوفك. وبكرة ورانا يوم طويل أوي. ومتنساش أن _آسر

_قاعدة في شقة ماما وخايفة يشوف _آيان _لما يجي يتقدم وتحصل مشاكل. رد عليها بهدوء: طب يا حبيبي نامي لو تعبانة أنا نص ساعة بالكتير وهبقى عندك. وبعدين _آسر _عارف كل حاجة وأنا قولت قدامهم انهارده بحيث يعرف لأنه مكنش يعرف إن البنت اللي بيحبها _آيان _اخت _أياد _. وبعدين _آيان _عزمه. أيوه عاملين زي ناقر ونقير بس هنحاول معاهم. وبعدين أخوكي متنيل بيحب اخت _آيان

_. يعني لازم نصلح العلاقة بينهم عشان نوفق رأسين في الحلال ونخلص منهم عشان اتخنقت. اخلص من _ندا _أياد _يتطلعي _آيان _أسر ضحكت بكل صوتها وقالت: معلش يا حبوبي. ما انت كبير العيلة بقي وانت عارف إن الكل بيعملك ألف حساب وبيحترموك. ولما بيعملوا حاجة بيجروا عليك اول واحد. _يلا ربنا يهديهم ويرزقهم. شوية وهبقى عندك يلا سلام. ــــــــــــــــــــــــــــــــــــــــــــــــــــــــ في صباح اليوم التالي. صحيت _داليا

_على طرقات الباب. قامت فتحت بنوم. ولقت صندوق كبير أسود متغلف وفوقيه بوكية ورد. بصتلهم بأستغراب ودخلتهم وقفلت الباب. مسكت الكارت اللي في بوكية الورد وفتحته وقرأته: "ماذا يفعل المرء إذا وقع في غرام عينيك" ابتسمت بحب لقت الأمضاء الخاصة بيه فأخر الكارت _آيان العطار فتحت البوكس ولقت دريس لونه بينك وهيلز لونها سلڨر وطرحة من نفس لون الدريس. وقفت قدام المراية ومسكت الفستان وفرتده على جسمها ولفت بفرحة شديدة ونطت

في مكانها وقالت بصويت: أنا مبسووووووطةةةة. أنا فرحاااانةةةة أوي. كانت واقفة وساندة على الباب. متنكرش حقيقة إن بنتها مكنتش بنفس السعادة دي لما اتخطبت لـ _أسر _. يمكن لأن _أسر _ساعدها تتجاوز وتعدي اللي فات. يمكن لأنها وافقت عليه عشان ترد الجميل اللي عمله معاها. نزلت دموعها تلقائي وهي شايفة بنتها بتنط من الفرحة. حلم أي أم تشوف بنتها كده. والفرحة مش مفارقها. دخلت وقالت بحب أبوي شديد: مبارك يا حبيبة عيوني.

رمت الفستان وجرت على مامتها وحضنتها بسرعة وقالت: أنا مبسوطة أوي يا ماما هتجوز الشخص اللي بحبه وشبهي. وغير كده طلع ليها أخ وظهر اتسند عليه. أنا من الفرحة نفسي أصوت بجد. رفعت رأسها وشافت الدموع مغرقة عيون مامتها. عيطت على دموع مامتها. مقدرتش تشوف دموعها وتبقى متماسكة. الإنسان بيضعف أوي قدام دموع مامته. _داليا _ببكاء: بتعيطي ليه انت دلوقتي؟ مسحت دموعها وقالت: بعيط من الفرحة. وبعيط من اللي قولتو ليكي يوم ما سبتي _أسر

_. بين شعور الفرحة والسعادة وبين تأنيب ضمير. ابتسمت بمرح وقالت: أي أقدام أحجام ده يا ماما. ضيقت عيونها بأستغراب: هو أي ده؟ رفعت رأسها بشموخ وقالت: دي حاجة في علم النفس بتكوني بين اختيارين. أقدم ده حاجة إيجابي. أما أحجام سلبي. وانت السعادة والفرحة دي "أقدام". وتأنيب الضمير ده "أحجام". _سهير _بسخرية: بقولك أي فكك من الهري ده واجهزي عشان نروح بيت خالك. كلمتني _هدى _من بدري وبتقول اتأخرنا عليهم.

ــــــــــــــــــــــــــــــــــــــــــــــــــــــــ _حبيب عيني. أمك نايمة زي اللي واقع من طايرة. وأنا نايم بعدها بس صحيت قبلها. ردت عليه من وسط نومتها: روح أشكي لأبنك برا. راح _فهد _وحط _داغر _جنبها وبقي يعمل أصوات طفولية. حطت المخدة فوق رأسها وقالت بنرفزة: يوووه يا _فهد _سبني أنام شوية. سحب المخدة وقال بمشاكسة: لأ قومي الساعة بقت عشرة وأنا ورايا شغل. قومي اختاري معايا اللبس.

قعدت بضيق وقالت: هو أنت يا حبيبي صغير أقوم اختلك لبس. لأ بجد. _فهد _برفعة حاجب: والله مش حاسة إنك لسانك بقي طويل يا حبيبة قلبي ومحتاجة تتربي من أول وجديد. قامت ووقفت على السرير وقالت: طب اسمع شغل انهارده مفيش وهتجيب _أسر _أياد _آيان _وتروحوا تجيبوا الطلبات كلها من المول. وبعدها تيجي تساعدني أختار اللبس إيه وألبس _داغر _إيه وبعد كده أشوف هتلبس إيه. بس. معلش بقي مهو إحنا مش هنتعب لوحدنا يعني. بصلها _فهد

_بخبث وشالها بسرعة فوق كتفه ودخل بيها الحمام ورماها في البانيو المليان ميه. شهقت وقالت: يا باااارد. ابتسم بسماجة وقال: أحسن عشان تحاسبي على كلامك. خرج وسابها. وشال _داغر _وطلع عند مامته في الريسبشن. ــــــــــــــــــــــــــــــــــــــــــــــــــــــــ _يا _أياد _قوم اتأخرنا أوي عليهم. فتح عينه بنوم وقال: خمسة بس وهتلقيني قايم.

بصت بقلة صبر ولمعت في دماغها فكرة وأبتسمت بشر. وراحت ناحية التلاجة وجابت كوباية ميه متلجة وبلعت ريقها بخوف. غمضت عيونها ودلقت كوباية الماية وجريت بسرعة ناحية باب الأوضة. اتنفض _أياد _بسرعة ووقف على السرير وقال بسرعة: في إيه أنا بغرق. هموت أنا بغرق ملحقتش أعيش شبابي. همووووت. ضحكت بكل صوتها بعد ما كانت خايفة بس رد فعله فصلتها. بصلها بعصبية ونط من فوق السرير وجري عليها بس هي سبقته وجريت بسرعة ناحية التواليت.

قفلت الباب في وشه. خبط عليها بعصبية: افتحي يا _ندا _عشان ميبقاش يوم أسود على دماغك. كتمت ضحكتها وقالت بجدية مصطنعة: في إيه يا بيبي. فيها إيه لما أعمل مقلب في قُرة عيني. _أياد _بزعيق: هتثبت أنا كده أبقى قابليني لو عرفتي تخرجي من الحمام انهاردة يا _ندا _. أنا هوريكي. ــــــــــــــــــــــــــــــــــــــــــــــــــــــــ _الستات بقت مخها ضارب يا زمن. يعني يوم ما أعجب بوحدة وأحبها تطلع أخت الصعران _آيان

_. من قلة الستات في البلد. أي الحب اللي جاي يكفرني عن ذنوبي. شم ريحة شياط وشاف البطاطس اتحرقت. طفأ النار وقال بعصبية: كنت ناقص بقي. بص للأكل بجوع وقال بعصبية: مش طافح. خرج ونزل وخبط على شقة مامت _فهد _. بعدها بشوية فتح _فهد _اصطبحنا واصبح الملك لله. دفعه _أسر _عشان يدخل جوا وقال بنرفزة: أي يا عالم مبتسمعوش عن إكرام الضيف. اللي معبرتونيش بحتة بطاطس معفنة. عالم منتنة بصحيح. مسكه _فهد _من

ياقة الهودي بعصبية وقال: احترم نفسك يالا داخل نافش ريشك ليه! أما انت بجح بصحيح. _أسر _بعصبية ومرح: إيه يا عم جعان. مأكلتش بقالي يومين. ما انت متجوز بقي قاعد وتهشك فيك وتقولك يا حبيبي اتغذاء يا حبيبي وأنا مفيش كلب معبرني بكلمة. سابه _فهد _وقال بسخرية: عينك راشقة في حياتي ليه! شاف السفرة عليها أكل. جري عليها بسرعة وشمر إيده وبدأ يأكل. بصت _غرام _لـ _هدى _فهد _بخجل من تصرف أخوها. بصلهم _أسر

_وفمه مليان أكل وقال: وافقين تبحلقوا ليه اللقمة كده هتقف في زوري يلا بسم الله. ضحكوا عليه. أما _غرام _ابتسمت بخجل وقعدوا أكلوا. بعدها بشوية سند _أسر _على الكرسي بتعب من المجهود اللي بذله في الأكل. طبطب على بطنه وقال لأخته: كوباية شاي يا _غرام _بنعناع معلش هتعبك معايا بس عايز أحبس. _فهد _بغيط: يا أخي حبسوك قريب. معاه حقك بصراحة _آيان _يعمل فيك كده. أما أنت بنادم سمج وبجح... مسك كوباية

الماية وقال بسماجته: "آيان" ده عيل كيادة ومتغاظ مني، حرقوكوا شطة... ضحكت "هدى" عليه وقالت: إيه العسل ده يا "أسر"؟ بجد ما كنتش متوقعة إنك بتهزر وسكر أوي كده، شكلنا هنعمل مكس مع بعض جامد أوي. غمز وقال: حبيبة قلبي يا هدهد... شاور على "هدى" وقال لـ"فهد": اتعلم من أمك الذوق بدل ما أنت واحد قليل الذوق... زعق "فهد" بعصبية: لأ ما هو أنا مش هقعد أحرق في دمي بقى...

وقف ومسك "أسر" من ياقة قميصه وخرجه برا الباب وقفل الباب في وشه... ابتسم "أسر" وقال: بيحبني موووت.. أعداء النجاح بيغيروا مني أنا المشطشط أساسًا. في المساء، في بيت "فهد البحيري" كان قاعد في التراس بيشرب قهوة مع "أياد".. والبنات كانت بتجهز جوا قبل ما يجي "آيان" وأخته. _هو "أسر" فين؟ "فهد": متفكرنيش فورًا، دمي على الصبح.. اقسم بالله كنت بحاول ما أديلوش علقة موت. ضحك "أياد"

وقال: ليه يا عم.. بس بصراحة أنا خايف يعمل حاجة هو و"آيان" عشان الاتنين مع بعض بيعملوا مكس يجنن... ضحك "فهد" وقال: ربنا يسترها وتعدي على خير.. أنا بقى مش خايف غير من "أسر" أما "آيان" هيبقي مش فايق أساسًا للخناقة دي. ضرب جرس البيت، وقف "فهد" بشموخ وعدل ملابسه وفتح الباب... زقه "أسر" وقال: أوعي يا عم، واقفة في الوش مش عارف أعدي منك. بصله بصدمة "فهد".. أما "أياد" خايف من رد فعل "فهد".

راح وقعد على السفرة اللي رتبتها البنات للضيوف وقعد عليها ولسه هيبدأ أكل.. سحبه "فهد" بعنف ولكمه وقال بعصبية: تتزرع على الكرسي ده تعقد زي الألف يا "أسر"، وربي غلطة صغيرة منك هكرهك في عيشتك، أقسم لك بالله. قعد "أسر" على الكرسي بتوتر وخوف من "فهد" وقال: وعلي إيه الطيب أحسن... مسح على وشه بعصبية.. ودخل الأوضة بتاعته.. شافها واقفة قدام المراية بتظبط طرحتها، بصلها بضيق وراح ناحية ابنه وفضل يتأمل فيه بحب. رفعت

حاجبها باستغراب وقالت: ماله ده؟ راحت ناحية سرير طفلها ووقفت جنب "فهد": مالك متعصب ليه. بصلها بضيق شديد وقال: أخوك مش ناوي يجيبها لبر.. وأنا خلقي ضيق وعصبي وجبت آخري منه.. أقسم لك بالله شوية وهطلعلك أعجنه في بعضه... ابتسمت وقالت: حبيبي ده طبع "أسر" وأنت عارف. اتنهد بتعب وقال: "غرام" أنا مش حمل مناهدة وتعب وأخوك النهارده طلعلي عيني حقيقي...

طبعت قبلة على خده وقالت: ألف سلامة عليك يا قلبي.. وأنا هتكلم معاه وهوقفه عند حدو... مسكها من وسطها وقال: لأ سيبك منه وبعدين أنا هتكلم معاه... لفت إيديها حوالين وشه وقالت: وأنا مش هسيبه يحرق لك دمك ويعصبك وأقعد ساكتة.. وبعدين أنت ناسي إن عندك الضغط وأي حاجة بتأثر عليك.. أنا بحاول قدر الإمكان مزعلكش مني...

حضنها وقال بعشق دفين: حبيبة عمري أنا بخير بلاش أشوف في عيونك نظرة الخوف دي.. أنا ما كنتش حابب أقولك لولا إنك أصرتي عليا امبارح. حضنت "فهد" وقالت: من حقي أعرف كل حاجة عنك أنت جوزي، إزاي مش عايزني أعرف؟ خرج "فهد" و"غرام" على صوت الدوشة اللي برا. الرسيبشن كان فيه "أياد _ندا _نور _أسر _هدى _سهير _آيان _فهد _غرام". قعدوا كلهم و"أسر" منزلش عيونه من على نور، "آيان" أخد باله.

قام "آيان" بغيرة ومسك "أسر" من ياقة قميصه، ابتسم "أسر" وقال: إيه؟ هتضرب تاني ولا إيه... لكمه "آيان" بقوة وقال: كويس إنك عارف... نزل عيونك في الأرض وبطل تبحلق فيها. ابتسم بسماجة وقال: هيا مين... عض على شفايفه بغيظ وقال: الصبر من عندك ياااارب... وقف "فهد" وسطهم وبعدهم عن بعض هو و"أياد". بعدها بشوية دخلت "داليا" بالدريس البينك، كانت شبه أميرات ديزني.

لمعت عين "آيان" بحب وانبهار، وقف.. والكل كان بيحاول يكتم ضحكته على منظره.. انحنى وقال: مرحبًا مولاتي... كتمت ضحكتها بخجل، همس "أسر" لـ"أياد" وقال: العيل مخ اتلحس يا عيني.

استوعب "آيان" وقعد بسرعة.. وشه أحمر من الخجل والغيظ.. كل واحدة جنب جوزها "غرام وفهد" جنب بعض وجنبهم "هدى" على كنبة واحدة.. على الكنبة التانية كان "أياد" قاعد في النص وعلى شماله "ندا" ويمينه "أسر".. أما الكنبة التالتة كانت قاعدة سهير وبنتها ونور.. أما "آيان" في كرسي منفصل... اتنحنح "آيان" وقال: طبعًا أنت عارف يا "فهد" أنت و"أياد" أنا جاي ليه... قاطعه "أسر" وقال بمساجة: ويا "أسر" كمان ولا شايفني شفاف لو سمح الله.

شد شعره بغيظ.. ورجع بص لـ"فهد" تاني وقال: مش محتاج أقول في مقدمات وكلام كتير... المختصر والمفيد إني جاي طالب أيد الآنسة "داليا" على سنة الله ورسوله وطبعًا ليك حرية الرأي أنت وهي و"أياد"... زعق "أسر" مرة تانية وقال: إيه يا أحول هو إحنا اللي هنعيدو هنزيدو... لأ بجد لو شايفني شفاف قول عشان أفشكل أم الجوازة دي... قام "آيان" بسرعة ناحيته ولكنه سابقه "فهد" لما مسكه ووقف "أياد" قدام "أسر"... "فهد"

بجدية: إيه يا جماعة صلوا على النبي... شيطان ودخل بينا... زعق "آيان" وقال: أنت مش شايف العيل السمج ده بيعمل إيه... ياريت لساني اتقطع قبل ما أعزمه أساسًا. ابتسم "فهد" وقال: اقعد يا "آيان". قعد "آيان" وهو بياكل في نفسه من الغيظ.. بص لـ"أسر" لقاه بيلعب حواجبه بغيظ وبيبتسم بخبث... مسح على وشه بعصبية وقال: صبرك عليا نطلع من هنا وأنا أقسم لك بالله ما هسيب فيك حتة سليمة...

همس "أياد" لـ"أسر": بقي يا غبي بدل ما تكسبوا في صفك قاعد تغيظ فيه.. ابقي قابلني لو جوزك اختو. عدل قعدته وقال: مشرفنا يا "آيان" بجد المكان نور.. تحب أجيب لك ميه حاسس إنك عطشان... الكل بصوا له باستغراب من التغيير.. لكن ابتسم "فهد" بخبث لأنه عارف أثر التغيير. نزلت "نور" أخت "آيان" تجيب حاجة من العربية.. طلع وراها "أسر" بخبث من غير ما حد ياخد باله... وقف على باب البيت.. كانت طالعة ولما

شافته شهقت وقالت بخضة: بسم الله الرحمن الرحيم. "أسر" بسخرية: إيه شفتي عفريت... ما أنت أخته هتجيبها من برا... كتمت ضحكتها وقالت: لو سمحت كده مينفعش، وعديني أدخل... غمز وقال بنشكاح: مستنية تبقي في بينا حاجة مشتركة أكتر من كده؟ إيه ده إحنا النور بيقطع عندنا في نفس الوقت، مش محتاجة تلمحي... بصت للأسفل بخجل وقالت: لو سمحت ابعد... بعد عن الطريق ودخلت... همست "غرام" لـ"فهد" وقالت: حبيبي أنا هطلع أجيب لبس لـ"داغر" من البيت.

هز رأسه وقال بهمس: تمام يا حبيبي، روحي... مشيت "غرام" ودخلت شقتها.. دخلت الأوضة.. وحست بحد بيشدها ولف إيده حوالين رقبتها.. حست بألة حادة محطوطة فوق رقبتها.. و...