رواية حرم الفهد الفصل السادس 6 - بقلم سمية احمد

برقت سارة بصدمة من اللي شافته. لفت في الأوضة كلها، لقت صورها مالية الأوضة من أول ما سكنت في العمارة لحد سنها دلوقتي. ضحكت برقة. قلبها دق بسرعة وضربات قلبها زادت. مكنتش متوقعة إن فهد بيحبها للدرجة دي. ضربت دماغها مرة واحدة وجريت على الحمام وخدت علبة الإسعافات. طلعت عند فهد، لقته بدأ يغمض عينه بتعب. ضربت على وشه بخوف: فهد... فهد أنت كويس؟ عيطت وقالت: فهد فوق.. فهد متخوفنيش.

حاول قدر المستطاع يحارب موجة الإغماء اللي أصابته. مسح على وشها برقة: متخفيش أنا كويس... أهو قدامك. قربت منه وساعدته وبدأت تفتح قميصه. شافت الجرح وجسمها قشعر من الدم ومنظر الجرح. حط فهد إيده على عينها: لو خايفة أنا هعمله مكانك. روحي اعملي عصير لمون. رفضت غرام وكملت. عقمت الجرح وحطت لزق للجرح. خلصت ودخلت الأوضة تاني جابت تيشرت لفهد عشان القميص اتبهدل من الدم. رجعت وساعدته. قربت منه. مرة واحدة شدها

فهد على رجله واتكلم بخبث: جايه عندي وفي بيتي وبلبسك ده... دي إشارة بتقول إنك بتسلميلي نفسك. زقته غرام واتكلمت بعصبية: فهد متوصلناش لنقطة نخسر بعض فيها. أنا لو بحاول، بحاول عشان منندمش بعدين عشان مش أديكي فرصة. غمض فهد واتكلم بتعب: الجميل مش هيندم. دخلت غرام وعملت عصير عشان يفوق شوية. رجعت بعد شوية. لقت فهد نام على الكنبة بتعب. حطت إيدها على راسه لقيته سخن. قعدت جنبه وبدأت تعمله كمادات. نامت على نفسها بتعب. ***

في صباح اليوم التاني صحي فهد وحس بحاجة تقيلة على جسمه. بص لقها غرام نايمة على صدره. برق من اللي شافه. هزها بصدمة: غرام... غرام فوقي. غرام بدون وعي قربت من فهد وباسته جنب شفايفها بجراءة وقالت: نام بقى... متبقاش رخم. حط فهد إيده مكان البوسة واتكلم بصدمة: هو أنا بحلم... ولا خرفت... يمكن خرفت عشان غرام هتنام جنبي كده ليه. دفن راسه في رقبتها ورجع نام بتعب. وكل ده مفكر نفسه في حلم. ***

بليل الساعة 5 نزلت نور بخوف عند مامت فهد. خبطت بسرعة. فتحت هدى. هدى: في إيه يا أم غرام؟ نور بخوف: غرام عندك؟ هدى بخوف: غرام... لا مش عندي. في إيه؟ قلتلي على البنت. نور: البنت مش لاقياها. كنت مفكراها نايمة بس قولت أشوفها. ملقتهاش. دورت عليها ورنيت عليها. ناسيه فونها. ضربت هدى على خدها بصدمة: البت راحت فين؟ نور بعياط: صحي فهد يشوفها. دخلت هدى جري على أوضة فهد وفتحتها. ملقتش أي أثر لفهد.

هدى بشك: فهد مش موجود. ممكن يكون في الشغل. وقعت نور على الكرسي بتعب: بنتي ضاعت يا أم فهد. *** فتحت غرام عينيها بأنزعاج من الأنفاس الساخنة اللي بتلفح رقبتها. فتحت عينيها شافت فهد. قفلت عينها مرة تانية. كانت مفكرة نفسها في حلم. لقت فهد قدامها. زقته. ووقعت على الأرض. صحي فهد وشاف غرام قدامه. غرام بزعيق: أنت مقرب مني كده ليه وبتعمل إيه؟ وقف فهد واتكلم بهدوء: ممكن تهدي الأول. أنتِ مش امبارح بعد ما عقمتيلي الجرح مشيتي؟ هزت

راسها بنفي واتكلمت بعياط: لا ممشيتش. أنت سخنت وخوفت عليك وفضلت قاعدة. نمت على نفسي ومعرفش إيه جابني في حضنك. شدها فهد وقعدها على الكنبة. فهد: غرام حبيبتي أنا مكنتش في وعي ولا أنتِ. غرام بعصبية: أنت عارف إحنا عملنا إيه؟ عارف كمية الذنوب اللي أخدناها؟ عارف عقاب ربنا إيه؟ حاول يتحكم في عصبيته واتكلم بهدوء: غرام ممكن تهدي. وتقعدي نتناقش بهدوء. غرام بعياط: فهد إحنا كده بنغلط. فهد إحنا لازم نبعد عن بعض. مسك إيديها

وبص في عينيها واتكلم بحب: وليه منقربش؟ ليه متجوزش مثلا؟ ليه بتحطي قيود للموضوع؟ ليه منحاولش عشان نفسنا؟ ليه؟ غرام بعياط: فهد أنا مش مستعدة للخطوة دي. زعق فهد: امال مستعدة لأيه؟ مستعدة نعمل الغلط ونكمل فيه؟ أنا تعبت منك تعبت من عقلك وتصرفاتك وتفكيرك. إيه اللي يخوف؟ خايفة من إيه؟

غرام بعياط: عصبيتك دي أكتر حاجة تخوف. طريقة كلامك لما تبقى متضايق. فهد أنت شخصيتك صعبة. مالكش كتالوج. أوقات مش بفهمك. بحس نفسي تايهة. كل ما أقول خلاص فهمتك برجع ألقيك بقيت أكتر غموض. فهد أنت محتاج حد يفك شفرات دماغك. عارف إن تعاملك معايا غير الكل بس أنا محتاجة أبقى عارفاك أكتر.

قرب منها فهد: غرام دي شخصيتي. لو أنتِ شايفاها مليانة عيوب ومش هتقدري تتقبليني فبلاش. لو مش هتحبي فيا الحلو قبل الوحش يبقي ملوش لازمة حبنا ولا وجودنا مع بعض. غرام بغرور: أنا محبتكش أصلاً. فهد بخبث: امال مين باسني الصبح وقالي نام يا حبيبي؟ برقت غرام بصدمة: أنت أكيد بتتخيل. أكيد من كتر ما دماغك ضربت بقيت تتخيل الهبل ده. فهد بخبث: وليه منقولش إن ده حصل؟ لسه غرام هتعدي من جنبه وتمشي. مسكها فهد من وسطها. ***

دخلت ندا محل أخوها. لقت شاب في سن أخوها قاعد على المكتب. ندا: أنت مين وبتعمل إيه على المكتب؟ إياد بغرور: أول مرة أشوف حد داخل يشتري بجح كمان. ندا بعصبية: لا أنت باين أهبل. قاعد على كرسي أخويا وعايش الدور. إياد بعصبية: جرا إيه يا آنسة؟ متحترمي نفسك وتتكلمي عدل. أخو مين وزفت إيه؟ ندا بزعيق: أنا محترمة غصب عنك. أنت مين أصلاً؟ ضرب

إياد على المكتب بعصبية: أنتِ لو متربية بحق وحقيقي مش هتردي عليا أصلاً. بس ظاهر إن عيارك فالت ومشفتيش تربية. لمعت الدموع في عينها. بصت لإياد واتكلمت بغرور: فهد البحيري فين؟ استغراب إياد من تغيرها وازاي أصلاً تسأل على صاحبه. إياد بعدم فهم: وإنتي مالك ومال فهد؟ ندا بقلة صبر: أنا ندا البحيري أخت فهد. فهد فين بقى؟ بصلها بصدمة ورد: أنتِ مين؟ اخت فهد؟ أنتِ ندا؟ ندا بعدم فهم: أنت تعرفني؟

إياد بأستيعاب: لا معرفكيش. فهد مش هنا. مجاش من امبارح وبرن عليه. فونة مقفول. ندا بخوف: إزاي مرجعش من امبارح؟ إياد بشك: هو مجاش البيت؟ هزت راسها بنعم. قرب منها إياد واتكلم بهدوء: طب ممكن يكون في شقته؟ ندا: لا معتقدش. ماما قالتلي فوتي على المحل. إياد: طب تعالي نروح نشوف هو فين وبعدين ندور. رن إياد على فهد كتير ودور في كل حتة. راح إياد مع ندا على بيتها. شاف عربية فهد في آخر الشارع. بصلها بأستغراب.

إياد: عربية فهد هناك أهي. ندا: إزاي؟ هو شكله في البيت؟ طلعوا فوق. فتحت هدى ونور جنبها بتعيط. هدى: هاا لقيتوا فهد؟ إياد بأستغراب: لقينا فهد؟ ليه هو فهد مش عندكوا؟ هدى بعدم فهم: عندنا. فهد من امبارح مجاش. بص إياد لندا. ندا: إزاي وعربيته في الشارع؟ هدى: فهد أكيد في شقته. جابت هدى مفتاح شقة فهد النسخة التانية. طلعوا كلهم مع هدى وندا ونور وإياد وراهم. *** مسكها فهد من وسطها وهمس: مفكرة إني هسيبك؟ غرام بخوف: فهد بطل هبل.

قبض على وسطها أكتر: هبل؟ طب عشان الكلمة دي والله منا سايبك. ردت غرام وهي بتحاول تفك إيده اللي حوالين وسطها: فهد متبقاش رخم وسبني أمشي. الساعة داخلة على 6 المغرب وماما زمانها قلقانة. فهد بحب: متحني على أهلي وتتجوزيني. غرام: طب سبني أمشي وأنا هفكر. قرب منها فهد بضعف: مينفعش تفكري دلوقتي. غرام بتوهان: فهد... فهد ابعد. قرب منها فهد وباسها برقة. بعدها اتحولت البوسة لعنف. لمحت غرام حد ورا فهد. زقته

بسرعة وقالت بأنفاس متقطعة: م... مام... ماما. يتبع