رواية حرم الفهد الفصل الثامن عشر 18 - بقلم سمية احمد

فهد أبعد بقي حد يدخل علينا.. قالتها غرام لما فهد قرب منها. لف أيده حولين وسطها بتمكن وهمس جنب أذنيها: الحلو بتاعي بيعمل أكل روايحه تجنن، شكلي هاكلك أكل انتِ وأكلك. لفت وهمست بخجل: طب ماشي ممكن تبعد أفرض ماما دخلت علينا او ندا.. قرب من رقبتها وهمس: محدش هايدخل المطبخ لأنهم عارفين إني دخلتلك. غرام بخجل: فهد لما نتطلع بيتنا بجد بلاش تكسفني، لينا بيت نتلم فيه عيب كده والله. ضحك فهد

بضحكه روجولية رنانه وقال: لينا بيت يلمنا، لا والله ما انتِ نزلتينا من تاني يوم يا مانجتي ننزل عندهم. ردت وهيا بتحاول تفلت من بين إيديه: حبيبي علشان خاطري أبعد وبلاش تحطني في موقف محرج بالله وندا لو شفتنا ها تقرفني والله وهتعقد تذل فيا. بصلها فهد وقال بهيام: نهار أسود علي حبيبي زي ما تكوني بتشجعيني على قلة الأدب. أخد خيارة من ورها وغمز بعينه وهو بيأكل منها: الصبر يا حلو لينا بيت يلمنا.

غرام بخجل وتوتر: لا مهو أنا قررت نبات عند ماما. ضحك فهد بخبث: عادي على فكرة كله لمصلحتك أما أنا مبيفرقش معايا أي مكان. رمت عليه التفاحه وقالت بعصبية: أحترم نفسك بجد. ألتقتها فهد بمهارة وغمز بعينه وقال: الشقاوة فينا بس رب الكون هدينا يا مانجتي. رجعت غرام تكمل الأكل لقيت فهد واقف جنبها وبيسأل: بتعملي أي، أنا شامم روايح خطفت قلبي. ضحكت غرام وقالت: عاملة الأكل اللي بتحبه.

فهد بمرح: هو ده الكلام والله، بجد صدقت مقولة الأقرب لقلب الراجل معدته. ردت غرام وهيا بتقطع الخضار: وأنا عملتلك كل اللي بتحبه يا حبيبي. لسه هيرد عليها صوت بألم وقالت: اااه أيدي. قرب فهد بسرعة ومسك إيديها وقال بخوف: مالك يا روحي. عيطت غرام بألم وقالت: اتعورت من السكينة. مسكها فهد وقعدها على الكرسي وجاب علبة الإسعافات. قعد على رجله قدامها، خلص تطهير الجرح، مسك إيديها وباسها وقال بهيام: سلامتك يا حياتي.

غرام بكسوف: تسلم يا حبيبي. قام فهد وقال بمرح: خلاص كفاية عليكي كده الأكل كله جاهز وتقريبا مفضلش ليكي غير السلطة اللي عورت. ضحكت غرام وقالت: لا والله لسه ها أحمر الفراخ والسلطة وبس. راح فهد ووقف قصاد السلطة وقال: ها أعملك أحلى سلطة لأحلى غرام في حياتي. عمل فهد السلطة وساعدها في باقي الأكل. *** وقف قدام القصر مستنية يطلع لمح طيفة حاول يرتب أفكاره. داغر بعصبية: جرا أي يا جحش منزلني ليه.

أياد بمرح: أنا عمومًا مسامحك على الشتيمة. رفع حاجبه ورد بسخرية: تصدق وتأمن بالله أنا غلطان عشان عبرتك ونزلت. جري إياد ورا داغر وقال برجاء: وحياة عيالك يا شيخ. داغر ببرود: معنديش عيال. أياد: طب وحياة مراتك. مسكه داغر من تشيرته كاللص وزعق: متحترم نفسك يا عم مالك ومالها. أياد بالامبالاه: هو أنا بقولك سلملي عليها. لكمه داغر بعصبية: أحترم نفسك أشحال ما أنتَ اللي محتاجني يا حيوان. عدل أياد هدومه وقال بألم: حقك عليا.

داغر بقلة صبر: اخلص عايز أي. أياد بهيام: عايز اتجوز بنت الهبلة. رفع داغر حاجبة: لا والله، ومن تعسية الحظ. رد أياد وعيونه بتطلع قلوب: ندا أخت فهد. ضربه داغر على قفاه بعصبية: نهار أبوك أسود ملقتش غير أخت فهد. زعق أياد بألم: أي يا عم وجعتني أيدك تقيلة يخربيتك. داغر بهدوء مصطنع: امم، والمطلوب مني أي. أياد برجاء: تكلم فهد عشان مش موافق تقنعه يوافق، وحياة أبوك أنا بحب البت وهموت نفسي لو رفض.

بصله من تحت لفوق بسخرية ومشي وسابه. علي صوته إياد وقال: قولت أي. رد داغر وهو ماشي ببرود: اعتبره حصل. نط أياد بحماس: يس هو ده الكلام. طلع جناحه الخاص لقاها واقفة ناحية البلكونة خمن أنها كانت بتبص عليه وهو تحت، حضنها من ظهرها ولف إيده حولين بطنها المنفوخة بعض الشيء. همس داغر بهيام: وحشتيني. لفت هاجر وقالت بدلال: وحشتك لو كنت وحشتك بجد مكنتش هتسيني وتنزل لصاحبك. مسح

إيده على وشها برقة وقال: كان هيصدعني وبعدين ده عبيط وعايز يتجوز. قربت منه وهمست: ابنك بيقولك نفسه في رنجة. بعد عنها بتقزز وقال: أنا ممكن أجيبلك كل حاجة إلا الرنجة والله ممكن أقلبلك أرجوز هنا ولا أدخلها القصر. ضحكت هاجر وقربت منه وقالت بدلال: أهون عليك يبقي نفسي في حاجة ومتجبهاش ده حتى هيطلع في وش ابنك رنجة. رد داغر بنفاذ صبر: هجيبها وأمري لله. قعد على الكنبة وشدها تقعد على رجله.

رن داغر على الحرس وقال: أسد اسمعني عايزك تجيب طلب في زمن ساعة بالكتير، ها أبعتلك اسمه في ماسدج. قفل الفون في وشه، همست هاجر وهيا بتلعب في شعره: بحب الكاريزما بتاعتك أوي. دفن راسه في رقبتها وقال بهيام: وأنا بحبك كلك على بعضك. *** لمت الأكل هيا وندا من على السفرة خطفت نظره سريعة ناحية فهد لقيته بيغمزلها. عالي صوته وقال: يا مانجااااااا، عايز كوباية شاي بالنعناع أكلك بعدها. ضحك الكل عليه وجريت ناحية المطبخ بكسوف.

حطت كوبية الشاي قدامه ولسه ها تمشي شدها قدام الكل وقعدها في حضنه. نور بصدمة: شوف البجح. هدى بسخرية: وحياتك مكنش كده أول ما اتجوزها ومخه لحس على الآخر. غمز فهد وقال: مش كده يا جماعة، عريس جديد بقي وكده وبعدين أنا أي اللي مقعدني عندكوا أصلا. ردت غرام: مش أحنا اتفقنا نعقد انهارده كلنا مع بعض. ردت فهد: أه قولتي العيلة وحشتك وعايزة تتطفي شوقك، وأنا مين يطفئ شوقي. قرصته

غرام في رجله وهمست بخجل: فهد عشان خاطري، خف شوية قدامهم وفي بيتنا قول ما بدالك بس هنا لاء وحياتي. قرب فهد منها وهمس: طب أشطا لو عايزاني اسكت نبيات في شقتنا مش عندهم. ردت غرام بقلة صبر: حاضر بس تسكت. رن تلفون فهد وطلع في البلكونة. فهد: ليك وحشة يا صقر. أبتسم ورد: نفسي تناديني باسمي مرة. ضحك فهد: يعم أنا بحب اسم صقر عندك مانع وبعدين أنا لو كان أول خلفتي ولد ها اسميه صقر. رد داغر: ربنا يكرمك يا صحبي واشيل عيالك قريب.

فهد: يارب وعقبالك. داغر: كلها كام شهر وهينور الباشا. فهد بسعادة: مبارك يا عم. اتكلم داغر بهدوء: أنا سمعت عن اللي أياد طلبه منك وأنتَ رفضت. اتنهدت فهد وقال: طالب حاجة صعبة محدش عارف غلاوتها عندي غيرك، أنا والله أياد غالي على قلبي بس دي بنت قلبي.

اتكلم داغر بهدوء: شوف يا صحبي أياد كلنا عرفينه راجل وقد كلمته حتى لو بيهزر وبيحب اللي قدامه يمكن أكتر من نفسه، هيحافظ عليها وهيراعي ربنا فيها صدقني ومش بقول كده عشان كلمني مثلا، لا والله أنا بقرا الشخص من نظرة وقادر أقولك أن محدش ها يحب اختك وهيراعي ربنا فيها أكتر من أياد. اتنهد فهد وقال بتوهان: يعني ده رأيك.

داغر: مش رأيي أنا بقولك وجهة نظري حبيت تعمل بيها هبقى مبسوط محبتش يبقى براحتك، دي اختك مش اختي أولاً وأنتَ عارفها وهتعرف تتأقلم مع أياد ولاء مختلفة عنه، يعني القرار الأول والأخير ليك. رد فهد بهدوء: ها أفكر في الموضوع وهرد عليك. داغر: ماشي يا حبيبي خد راحتك، ومتضغطش نفسك يلا سلام.

قفل فهد مع داغر وفضل يفكر في الموضوع، هو مش حابب يخليها تتجوز، خايفة عليها من المسؤلية ومشاكل الجواز وغيره، خايف قلبها يتكسر وهو ما يكونش جنبها يطبطب ويداوي، خايف البنت الرقيقة الهادية المرحة تتغير بعد الجواز خايف الجواز يكون بداية لجحيم لأخته على الرغم إنه عارف إن أياد بيحبها بس دماغه مش سايباه في حاله. حس بأيد اتحطت على كتفه لف لقها غرام. غرام بهدوء: بقالك أكتر من ساعتين بره قولت مش معقول كل ده بتتكلم في الفون.

سند بظهره على البلكونة. فهد: بفكر. غرام بتسأل: بتفكر في أي. اتنهد ورد بضيق: في موضوع ندا وأياد. أبتسمت غرام وقالت: هو مش أحنا اتكلمنا في الموضوع ده. رد فهد: محتار، ونفس الوقت مش حابب تبعد عني. أتكلمت غرام: هو أنت خايف تبعد عنك، طب أقولك حل. أبتسم فهد: قولي. ضحكتله غرام: مش أياد عايش لوحده وأهله ميتين، يبقى خلاص خليه يجي يعقد معانا في العمارة وياخد الشقة اللي يحبها. فهد: هو أنت فاكرة أياد ها يوافق. رفعت

كتافها بالامبالاه وقالت: جرب معاه مش هتخسر حاجة. *** بليل طلع فهد هو وغرام شقتهم. غرام بمرح: الراحة دي مش بحسها غير في بيتي. رفع فهد حاجبه: لا يا شيخة. غرام بضحك: أه والله. إيده على راسه بألم وقال: ها أدخل أخد دوش، أنا مصدع ومش شايف قدامي من التعب والله. قربت غرام وباست"ه ضحك فهد وقال: نيالي أنا بالحلووو. ضحكت غرام وقالت: ولك تقبرني أنتَ. غمز فهد وقال بمرح: اوعااا البناني القمر.

خرج فهد من المرحاض، فتح باب الأوضة وقتها كانت غرام بتتكلم في الفون. خبت الفون ورا ضهرها بسرعة وقالت بتوتر: أنتَ هنا من امتى. انعقد حاجبه بأستغراب وقال: كنتي بتكلمي مين. ردت غرام بخوف وأيديها بتترعش: أنا.