رواية هي ملتزمة هو منحرف الفصل السادس 6 - بقلم عبير شوقي

مبدئياً كدة مفيش حاجة ربنا بيفرضها علينا الا ويكون فيها خير لينا.. وعشان كدة الحجاب فرض. سجدة: ازاي يعني؟ افنان: هقولك. ربنا خلق الإنسان لي مش للعبادة واتباع أوامره، صح ولا مش صح؟ سجدة: صح. افنان: تمام. وانتي لما تلبسي الحجاب يبقى كدة بتطيعي ربنا. سجدة: يعني هو ربنا قال كدة؟ افنان: طبعاً. ربنا سبحانه وتعالى قال: (يا أيها النبي قل لأزواجك وبناتك ونساء المؤمنين يدنين عليهن من جلابيبهن)

ثانياً، الغاية من الحجاب أصلاً حفظ المرأة من الأذى. وربنا سبحانه وتعالى قال: (ذلك أدنى أن يعرفن فلا يؤذين) ثالثاً، إن العفة والحياء من مكارم الأخلاق اللي بتتحقق بالحجاب. فقد قال ﷺ: (الحياء لا يأتي إلا بالخير) رابعاً بقى، إصلاح الظاهر. بمعني الإسلام بطبيعته دين ظاهري وباطني، فمينفعش تلبسي ضيق أو لبس خارج حدود الدين وتقولي مانا قلبي نضيف مثلاً أو أنا في جوهري ملتزمة. لازم تبقي ملتزمة قلباً وقالباً بكل الأحوال يعني.

سجدة: يعني لبسي بيعبر عن أخلاقي؟ افنان: أكيد. بصي، التزام المرأة المسلمة بحجابها دليل على صلاح وطهارة قلبها، وسلامة تقواها بيظهر في لبسها. وقد قال تعالى: (ولباس التقوى ذلك خير) وطبعاً للحجاب مواصفات. سجدة: أي هي؟ افنان: 1. أن يكون ساتراً لجميع بدن المرأة عادة الوجه والكفين، وهنا ياستي في اختلاف رأي. 2. ألا يصف ولا يشف. 3. خالياً من العطر والبخور. 4. لا يحتوي على زينة، لأنه هو ستر الزينة أصلاً.

5. ميكونش فيه تشبه بالرجال. 6. ميكونش فيه تشبه بغير المسلمات. وبكدة يكتمل حجابك. وحابة أضيف حاجة مهمة هنا. سجدة بانتباه شديد: أي هي؟ افنان: للأسف أغلب البنات اللي بتلبس الحجاب اليومين دول حجابهم مش كامل. سجدة: إزاي مش فاهمة؟ افنان: بصي يا ستي، تلاقي مثلاً بنت لابسة حجاب شفاف وتبان رقبتها والحلق اللي لابساه. وده مش غلط وبس، ده حرام، لأنك كدة بتخلي بتعاليم الحجاب.

وساعات تلقي البنت لابسة حجاب وتحته بونيه وتقوم شادة البونيه لورا بحيث تبان خصل من شعرها على أساس إن البونيه سلت لوحده عشان شعرها ناعم وكده. وده قطعاً حرام. انتي عارفة إن شعرك اللي بتبينيه ده بتاخدي بعدده ذنوب كل ما يشوفه راجل مش من محارمك. وأخيراً وليس آخراً، الحجاب مش مستوى اجتماعي. مش عادات وتقاليد. الحجاب فرض يعني جنة ونار. وإحنا مبنستحملش نار البوتجاز، مبالك نار الآخرة.

سجدة بعياط: يعني أنا لما كنت بخرج من غير الحجاب كنت باخد ذنوب وكده هروح النار؟ افنان بتفهم: إحنا منعرفش مين هيدخل الجنة ومين هيدخل النار. بس إحنا بناخد بالأسباب. عشم في ربنا إنه يدخلنا الجنة ويرضى عنا. سجدة: طيب أنا مش هقلع الحجاب تاني. بس ربنا كدة هيسامحني؟ افنان: إن الله يغفر الذنوب جميعاً. سجدة: طيب أنا مبصليش، لو بدأت أصلي هيغفر لي كل ذنوبي اللي عملتها؟

افنان: أكيد طبعاً، ده هو الغفور الرحيم. انتي عارفة إن ربنا بيحبك، لأن ربنا إذا غضب على عبد من عباده تركه لنفسه. وما أدراك إن الإنسان يُخلى بنفسه. سجدة: بجد أنا مش عارفة أشكرك إزاي. افنان: اديني تلاتة مليون جنيه. سجدة: هههه، إنتي ما صدقتي. افنان: هاه، خسارة فيه. أخس عليك يا برعي. سجدة: وتتت ذاا البرعي. تلتفت تدخل عليهم سعاد. سعاد: تعالي كلمي باباكي يا افنان. افنان: اللهم اجعله خير. ادعيلي يا سجدة. دانا داخلة على حرب.

سجدة: هههه، حاضر. ربنا معاكي بقى. متنسيش تتشهدي ها. افنان خرجت مع سعاد. لقت عاصم وعدنان قاعدين مع بعض، والظاهر مستنيينهم. عاصم: طيب أسيبكم أنا يا ولاد، وإنتي يا سعاد تعالي. سعاد: حاضر. افنان: أنا عندي إحساس إن الناس دول لقوني على باب جامع. عدنان: اقعدي، مالك واقفة لي. افنان قعدت وبصت. لقت سجدة قصادها، حمدت ربنا إنها فهمت. عدنان: طيب بما إنك مش فكراني، فأنا هعرفك بنفسي عشان نتفاهم وكده. وبعدها اسألي اللي عايزة.

افنان: تمام. أنا عدنان عبد الرحمن شوكت. عندي 26 سنة. مهندس معماري. عندي شركتي الخاصة. نص عمري قضيته في ألمانيا وفرنسا بسبب شغل بابا. وحالياً هنستقر هنا في مصر. تحبي تعرفي إيه عني؟ افنان: ميهمنيش ده كله. إنت مش ملتزم وعندك علاقات مع بنات، وده حرام. عدنان: مين قالك كده؟ افنان: أي اتصدمت إني عارفة؟

عدنان: هه، لا بس ده محصلش. لأن الإنسان لما بيحب شخص بيغنيه عن العالم كله، وإنتي الشخص ده. أنا في حياتي مكانتش فيه علاقة بيني وبين أي بنت، ولا كلمت بنت غير للشغل. افنان: