رواية حياة الفصل الخامس 5 - بقلم شهد فؤاد

الجد نصار: فين أبوكي يا بنتي؟ حياة: بابا اتوفى. الجد بصدمة ويمسك قلبه: إيه؟ بتقولي إيه؟ ويقوم الجد واقع من طوله. إياد والكل جريو عليه: جدو فوق يا جدو. وراح إياد شال الجد وطلعوا أوضته بسرعة ورنوا بالدكتور بتاعه ييجي. حياة لسه تحت وعمالة تعيط. قربت منها ست كبيرة في السن بتعيط هي كمان: تعالي في حضني يا حبيبتي. حياة وحضنت الست الكبيرة.

الست الكبيرة: تعرفي كان نفسي أشوفه أوي، وحشني صوته. الحمد لله إن ربنا عوضني بيكي يا بنتي. حياة وحست بطيبة الست الكبيرة دي: هو انتي تيتا صح؟ الجدة: أه يا حبيبتي. حياة: هو جدو هيبقي كويس؟ الجدة: ادعيله انتي بس. حياة بدموع: أنا لو كنت أعرف إن جدو ممكن يحصله حاجة، أنا ما كنتش قولت حاجة. الجدة وتطبطب على ضهرها: مسيره كان هيعرف يا بنتي. تعالي اقعدي لحد لما إياد ينزل يطمنا. حياة وتروح مع جدتها: حاضر.

بعد مرور مدة من الوقت، نزل إياد هو وباباه من فوق. الجدة بقلق: طمنيني يا سليم. سليم: ويروح لوالدته متقلقيش، بابا كويس الحمد لله، بس الصدمة أثرت عليه شوية. حياة: أنا آسفة على كل حاجة، أنا ما كنتش أعرف إن كل ده هيحصل. أنا متأسفة مرة تانية. أستأذن أنا، مع السلامة. وتجري حياة لبره. سليم والجدة: استني يا بنتي، رايحة فين؟ روح يا إياد وراها. إياد بتفاجئ من اللي بتعمله وبيجري وراها: استني يا حياة. في الفيلا.

الجدة بدموع: أنا مش عاوزاها تبعد عني زي ما أبوها عمل. يا رب، لين دماغها ورجعها يا رب. سليم: إن شاء الله هترجع. إياد قدها وقدود. الجدة: يسمع من بوقك ربنا. حياة ولا بصت وراها ومكملة. إياد بعد ما وصلها وبصوت عالي: بقولك استني. حياة وتلف تبصلة وعنيها كلها دموع: نعمة. إياد ويفحص وشها: رايحة فين بس؟ حياة: هرجع مكان ما جيت. إياد بصوت حنون: وانتي فاكرة إننا هنتخلى عنك بعد ما لقيناكي؟ حياة: أنا مش حابة أجيب ضرر لحد.

إياد: مين قال إنك هتجيبي ضرر لحد؟ ها، تعالي يا حياة معايا. ربنا يهديكي. تعالي، تعبتيني معاكي. حياة: ومشيت معاه من غير ولا كلمة. ودخلوا الفيلا تاني. الجدة وسليم لما شافوها: جريو عليها. الجدة بدموع: ليه يا بنتي عايزة تخليني أخسرك زي ما خسرت أبوكي؟ يعني مش مكتوب لي أفرح بوالدي ولا أحفادي أبداً كدا؟ حياة وتقرب من الجدة تحضنها: أنا آسفة يا تيتا، خلاص مش هبعد عنك تاني. بس لو مش مرغوب فيا، اعذريني يا تيتا، هضطر أمشي.

الجدة: إيه اللي مش عاجبه يمشي هو، إنما انتي هتفضلي دايماً معايا. سامعني يا بنت محمد؟ حياة: حاضر. سليم بابتسامة: تعالي في حضن عمك يا حياة. حياة وتقرب من عمها بكسوف. سليم يشدها في حضنه: نورتي يا بنت الغالي. البيت بيتك زي ما هو بيتنا. ماشي يا حبيبتي. حياة بابتسامة وكسوف: حاضر. إياد بمرح وحزن مصطنع: إيه بقا؟ هي جت وهتاخد كل الحب ولا إيه؟ احنا ملناش نصيب ولا إيه؟ حياة بضحك: أه لو عاجبك.

إياد بغمزة: عاجبني. متقلقيش انتي بس. الجدة: يلا يا حياة، اطلعي أوضتك وارتاحي يا حبيبتي. وإياد هيعرفك مكان الأوضة. حياة بابتسامة: حاضر يا تيتا. إياد: يلا تعالي. وشالها الشنطة بتاعتها. إياد: بصي يا ستي، انتي أوضتك في وش أوضتي. لو عاوزة أي حاجة، خبطي عليا متتكسفيش. حياة بابتسامة: حاضر. شكراً، تعبتك معايا كتير النهاردة. إياد بابتسامة: تعبك راحة يا ستي حياة. تصبحي على خير. حياة: وانت من أهل الخير. وكل واحد دخل أوضته.

حياة وبتفتح باب الأوضة وبتنبهر بالأوضة وحلاوتها. حياة بإعجاب: إيه الحلاوة والجمال دا؟ ولمحت حياة بلكونها بتجري عليها، بتلاقي بلكونة كبيرة أوي وملفوفة، وبتبص من البلكونة لقت حد وقف في البلكونة اللي جنبها. بتبص لقت إياد بيشرب سيجارة. حياة بصوت عالي نسبياً: انت بتشرب سجاير؟ إياد واخد باله منها: انتي شايفة إيه؟ حياة: على فكرة السجاير مضرة، متشربهاش. إياد بابتسامة ليها: حاضر، هحاول أبطلها. حياة: توعدني؟

إياد باستغراب: أوعدك. حياة بفرحة: يلا بقا تصبح على خير، هروح أنام عشان ما نمتش من الصبح. إياد ويضحك عليها: وانتي من أهل الخير. ودخلت حياة ونامت وهي حاسة بالراحة والسعادة. تاني يوم في الصبح. حياة ولسا نايمة في أوضتها، تلقي حد بيخبط الباب. حياة بصوت مسموع نسبياً: أيوا. صوت بنوتة: تيتا بتقولك اصحي عشان الفطار. حياة: حاضر، هلبس وأجي. وتقوم حياة من على السرير وهي مستغربة إن باباها ما جيهالهاش في الحلم زي كل يوم.

حياة في سرها: غريبة يعني يا بابا. دخلت حياة الحمام ولبست هدومها، وبتيجي تطلع من أوضتها لقت إياد في وشها. إياد بابتسامة ليها: صباح الخير يا حياة. حياة بابتسامة: صباح النور. إياد: يلا عشان الفطار. حياة: يالا، كويس إني لقيتك عشان كنت هكسف أنزل لوحدي. إياد: حاولي تتخلصي من كسوفك ده شوية. حياة: بحاول. ونزلوا لقوا الكل على السفرة. حياة بصوت واطي يسمعه بس إياد: مين دول؟ إياد بنفس الصوت: بقيت العيلة.

إياد بابتسامة: صباح الخير. حياة بصوت واطي نسبياً: صباح الخير. الكل: صباح النور. الجدة: اقعدي يا حياة جمب إياد. حياة بكسوف: وتقعد جنبه. وتبدأ تفطر، تلقي حد من وراها بيقولها: انتي يابت انتي متعرفيش إن ده مكاني؟ حياة تبصلها وتقوم: أنا آسفة، تيتا اللي قالتلي أقعد هنا. البنت: اديكي عرفتي، ابعدي بقا كدا عشان أقع. حياة ولسا هتبعد، قام إياد و... يتبع...