رواية حياة العاصم الفصل الرابع عشر 14 - بقلم سلوى عوض

عاليه: ده انت هتبقى نجم النجوم القادم. سامر: بغرور طبعًا، دي أقل حاجة عندي. جوزيف: يلا يا بطل، استعد للتصوير. أنا براهن عليك يا سامر وهتكسب الرهان. عاليه: ده إحنا كمان هنصور في لبنان. سامر: أوبا، نفسي أوي أسافر لبنان دي وأشوف الحريم اللي هناك. عاليه: قصدك إيه، يعني هنا ما فيش ستات حلوة؟ سامر: بهزر معاكي، طب ده أنتي واحدة بس في الدنيا. عاليه: أيوه كده اتعدل. جوزيف: خلاص يا عاليه، بيضحك معاكي يا حبيبتي.

عاليه: طب يلا بقى نروح نسهر في أي مكان. سامر: يلا بينا. عاصم: عاملة إيه دلوقت يا منيرة؟ منيرة: الحمد لله. عاصم: يعني محسّاش بأي وجع كده ولا كده؟ منيرة: لأ والله، أنا زينة. عاصم: الحمد لله، ربنا يتم شفاكي على خير يا رب. منيرة: عارف يا عاصم، قبل ما نتجوز كنت بدعي ربنا كل يوم إنه يقصر في أجلي. عاصم: بعد الشر عليكي. منيرة: لكن دلوقتي نفسي أقضي باقي عمري كله معاك. عاصم: إن شاء الله هتعيشي ميت سنة.

منيرة: مية حيين، طب قول خمسين. عاصم: آه، بترغي عشان تخليني أنسى ميعاد العلاج بتاعك، يلا يا أمورة. منيرة: يا ابوي، مبقاش ينفع. عاصم: أنا أنسى أي حاجة إلا علاجك عشان تطيبي. منيرة: ربنا يخليك ليا يا عاصم، ويخليكي ليا. شوق: إيه اللي عملتيه في نفسك ده؟ مش هو ده سامر اللي حبيته؟

حتى العلام سبته عشان تخدميه وتشوفي طلباته. أهو خد منك اللي هو عاوزه، وفي الآخر قال عليكي ساقطه وخاطية. احمدي ربنا إن المعلم محسن اتستر عليكي، ولا كان زمان سامر رماكي لكلاب السكك. اغفر لي يا رب وسامحني وانتجملي. (توضأت وصليت.) قمر: غريبة أوي، فادي شافني النهارده في الجامعة ومكلمنيش. وشكله كان زي ما يكون مكسور. قمر: أنا هتصل بيه. ده أنا غيرت نمرتي بسببه. أحسن حاجة أشغل الخط في التليفون القديم وأشوفه هيرن ولا لأ.

(تضع قمر الخط في الهاتف.) فادي: الو. قمر: فادي، ازيك يا قمر؟ عاملة إيه؟ فادي: الحمد لله على كل حال. فادي: أنا حبيت بس أطمن عليكي. قمر: هو أنت في حاجة مزعلاك؟ فادي: على فكرة ده ذنبك. أنا كان ناوي أتسلى بيكي وأرميكي عشان أكسر نفس سامر أخوكي، بس إنتي طلعتي محترمة وقفلتي عليا الطريق. ربنا بيعجبني. قمر: ربك عادل. فادي: أنا فعلاً معجب بيكي، وعارف إنك غيرتي خطك عشان متكلمتنيش. عرفت من مفيدة. إنتي بنت حلال ومحترمة.

قمر: الله يخليك. فادي: ممكن تديني فرصة؟ أنا كدبت عليكي، أنا مبصرفش، والعربية دي بتاعتي. أنا أبويا مسافر وإحنا حالتنا مرتاحة أوي. قمر: أنا آسفة، مش هضايقك تاني. مع السلامة. (تغلق قمر الهاتف.) قمر (لنفسها) : أحسن حاجة أقفل التليفون ده خالص. قمر (بعد شوية) : بس مش عارفة ليه قلبي مش مطاوعني أقفلُه. طب لو قفلته، هطمن على فادي كيف؟

خليكي عاقلة. أكيد اللي عمله سامر في شوق هيترد فيكي له. أعوذ بالله. أنا هكسر الخط خالص، حتى الجامعة مش هروح. أسترها عليا يا رب. بس لازم أروح خلاص. أروح وخليني في حالي. عز: فيه إيه يا ماما؟ عاوزة مني إيه؟ هو الواحد ميعرفش ينبسط شوية مع أصحابه؟ نهلة: اتنيل على عينك. عملت إيه مع حياة؟ عز: إحنا تمام، ده حتى هي مسافرة الساحل مع البنات صحابها. نهلة: مش عارفة أقولك إيه. إزاي سبتيها ومتسافريش معاها؟ عز: سيبو كل واحد في حاله.

نهلة: طب اسمعني كويس. عز: سامعك. نهلة: عاوزاك اليومين دول تنتظم في الشغل. عاوزة عامر يثق فيك ثقة عمياء. عز: ليه؟ نهلة: اعمل اللي بقولك عليه، وبعدين هفهمك. عز: حاضر، بس عاوز فلوس. نهلة: هديلك اللي إنت عاوزه، بس تسمع كلامي. عز: طول ما بتديني فلوس، هعملك كل اللي تطلبيه. كريمة: كل ده تأخير يا سامر؟ سامر: أصل المنتج كان عاملنا حفلة عشان التمثيلية الجديدة، وكمان هنصور في لبنان فعايزين نعمل جواز سفر لينا إحنا الاتنين.

كريمة: يا حلاوة، هتركبني الطيارة؟ سامر: وإنتي أجل منيها. كريمة: يخليك ليا يا ضي عيني. سامر: طب هنام أنا بقى، وصحيني على المغرب عشان آخدك ونخرج نتفسحوا. كريمة: طب مش هتفطر؟ سامر: لأ، شبعان. كريمة: طب ريح إنت. منيرة: (لا تزال نائمة، وعاصم ينظر إليها) منيرة: صباح الخير. عاصم: صباح النور. منيرة: إنت بتطلعلي كده ليه؟ عاصم: بملي عيني من مرتي، عندكِ مانع؟ منيرة: لأ، معنديش. منيرة: طب خلي بالك إن يومنا طويل النهارده.

عاصم: ليه يعني؟ منيرة: عشان هنروحوا البنك، عشان نسحبوا فلوس عشان نشيعوها لسامر، بس لازم نكتبوا عقد بينا وبينه. عاصم: لأ، مش محتاجة. الأرض أصلاً مكتوبة باسمي أنا. منيرة: تمام أوي، يبقى نجيبوا السمسار يتمن الأرض ونشيع لأخوك نصيبه. عاصم: مش عارف من غيرك كنت هعمل إيه. منيرة: والبيت كمان ياخد نصيبه منه وهنعملوه مزرعة دواجن. عاصم: بس هتتكتب باسمك. منيرة: اسمي واسمك واحد. أقولك حاجة حلوة؟

هنتشارك إحنا الأربعة في المزرعة. تعالي نفرحوا أبويا. عاصم: (ينظر إليها بحزن وهي تشعر بدوار) إحنا لازم نروحوا المستشفى عشان تاخدي الجرعة بتاعتك. منيرة: بلاش الله يخليك، أنا بتعب أوي. عاصم: معلش، إن شاء الله هتخفي وتبقي زي الفل. ولا عاوزاني أزعل منك؟ منيرة: لأ، خلاص. عاصم: أيوه كده، جدعة بتي. منيرة: هو أنا لما أموت هتنساني؟ عاصم: متقوليش كده تاني، ربنا يجعل يومي قبل يومك. ده أنا ما حبيتش الدنيا غير عشان إنتي فيها.

عاصم: يلا بلاش جلع، تعالي عشان أغيرلك. منيرة: كمان هتغيرلي؟ عاصم: مش بتي؟ منيرة: (تضحك بألم) وإنت كل حاجة ليا.