رواية حياة الاسد الفصل الخامس 5 - بقلم جنة الفردوس

أسد: خلاص خلاص متخفيش أنا مش هقرب منك ولا هضربك تاني حقك عليا. حياة بخوف: يعني يعني مش هتضربني تاني ولا هتعذبني زي بابا حامد كان بيعمل معايا. أسد زعل أوي من نفسه وحس بالذنب علشان خلاها تخاف منه للدرجة دي. طبعًا حياة من وهي صغيرة بيحصلها كده وبتتعب جدًا بسبب اللي كان بيعمله فيها حامد وبقت يجيلها انهيار عصبي من أقل حاجة، حتى لو حد زعقلها بتتعب أوي. أسد بحزن: لا مش هضربك ولا هعذبك تاني، أنا آسف.

حياة: خلاص أنا مش زعلانة منك، تيجي نتعرف على بعض. أسد بابتسامة خفيفة على طفولتها: ماشي ياست نتعرف على بعض. حياة بضحكة طفولية خطفت قلب أسد: أنا حياة عندي 19 سنة. أسد برفعة حاجب: انتي صغيرة أوي. حياة بزعل طفولي: لا أنا مش صغيرة، أنا كبيرة أه. أسد بيكتم ضحكته: خلاص ياست انتي كبيرة مش صغيرة. حياة ضحكت زي الأطفال وفرحت. هييو، خطفت قلب أسد للمرة التانية. حياة: يلا بقا عرفني عن نفسك.

أسد: أنا أسد المنياوي عندي 28 سنة، رجل أعمال كبير. حياة: يعني انت عندك شركة كبيرة وموظفين كتير وعندك حرس زي اللي بشوفهم في المسلسلات. أسد بضحكة رجولية على الطفلة اللي قاعدة قدامه: آه ياست عندي شركات كتير مش شركة واحدة، وعندي موظفين وحرس زي اللي بتشوفيهم في المسلسلات. حياة: انت قولت اسمك أسد. أسد: آه اسمي أسد. حياة: اسمك حلو أوي. أسد بغمزة: عجبك اسمي. حياة بكسوف وشها قلب فروليه: لالا أنا بقول اسمك حلو بس عادي.

أسد: اللهم صلي على النبي، دا إحنا بنتكسف أه. حياة: اسكت بقا الله. دخلت دادا سعاد ومعاها الأكل علشان حياة. سعاد: اتفضلي ياهانم الأكل. حياة: انتي اسمك إيه. سعاد: سعاد ياهانم. حياة: قولولي حياة على طول يا دادا. سعاد: ميصحش ياهانم. حياة: لا يصح يا دادا، انتي أكبر مني. سعاد: حاضر يابنتي، عن إذنك. أسد كان مبسوط أوي من تصرفها مع الدادا. أسد: يلا بقا علشان تاكلي وتاخدي الدواء. حياة بطفولة: لالا مش عايزة، مش بحبه مش بحبه.

أسد: حياة كلي علشان تاخدي الدواء. حياة بخوف: حاضر. أسد: متخافيش بس لازم تاكلي علشان تخفي. حياة بطفولة: حاضر. أسد: أنا هسيبك تاكلي براحتك وهارجع كمان شوية. حياة زعلت زي الأطفال: لالا متسبنيش، أنا خايفة. أسد بضحكة رجولية خطفت قلب حياة: خلاص خلاص بلاش بوز البطة ده، مش همشي. حياة وهي سرحانة في ضحكته ومش واعية: الله، ضحكتك حلوة أوي، مووووز. أسد ضحك تاني: بتقولي حاجة. حياة بكسوف: لالا مقولتش حاجة، أنا أنا باكل أه.

دخل زين علشان يطمن على حياة. زين: الجميل عامل إيه. حياة بكسوف: كويسة الحمد لله يا زين. أسد: جميل مين ياض، احترم نفسك. زين: إيه يابيبى، هو أنا قولت حاجة. حياة ضحكت غصب عنها على زين. زين: صلاة النبي، إيه الضحكة دي. أسد: امشي ياض من هنا بدل ما أضربك. وجرى ورا زين. في المساء كان الجد وأسد وزين وناصر قاعدين بيتعشوا. ناصر بخبث: إيه يا أسد مش هتعرفني على مراتك. أسد بغضب: لا مش هعرفك ومليكش دعوة بيا.

بص لقى حياة نازلة من على السلم. حياة: مساء الخير. الجد: مساء الخير يا قلب جدك. ناصر: يا مساء الورد والياسمين، إيه الجمال ده كله. أسد بغضب: أنا مش قولتلك متنزليش، إيه اللي نزلك. حياة بخوف: أنا كنت قاعدة لوحدي وزهقت، قولت أنزل أقعد معاك. أسد بزعيق: اطلعي فوق، ومفيش نزول بعد كده غير بإذن مني، فاااهمة. حياة طلعت تجري على فوق وهي بتعيط ومنهارة. زين: ملكش حق يا أسد، حرقتها قدامنا.

الجد بغضب: أسد انت اتجننت، إزاي تكلمها كده، الظاهر إني دلعتك زيادة عن اللزوم. أسد: محدش لي دعوة، مراتي وأنا حر فيها. أسد طلع عند حياة، أول ما فتح الباب ودخل كانت الصدمة. أسد: حيااااااه......