رواية حياة الحديدي الفصل الحادي عشر بقلم منال آدم

انتهت ليان من عملها. "أنا خلصت يا بيه." رفعت نظرها لهم، فصدمت للمرة المئة لهذا اليوم. رأتهم ممسكين بأيدي بعضهم البعض ونظراتهم تعانق بعضها. حاولت لفت انتباههم ولو قليل، فحمحمت ولم ينتبهوا. فسعلت أيضًا ولم يعيروها انتباهًا. فاستدارت لترى الجميع قد أتى. بدا على حسام الغيرة، وعلى سمية وزين التعجب. نظرت لهم وابتعدت قليلًا وذهبت تقف بجوار سمية. وهم ما زالوا في غفوتهم.

شعر حسام بالغيرة، فهذه ابنته، كيف لها أن تكون معه في هذا الوضع. "حياااااااااااااااة! " صرخ حسام. فانتفضت حياة بزعر وتركت يديه الاثنين على الفور. هوت يد يوسف المجروحة إلى الأسفل فتألم نتيجة تركها المفاجئ له. "آه... " تأوه يوسف بألم شديد. "أنا آسفة يا بيه، ما كنتش أقصد. آسفة. أنت كويس؟ طب ليان، فينك؟ ليان تعالي شوفي إيده مالها." قالت حياة بذعر.

"ولا يهمك يا حياة. أنا كويس. هي وجعتني شوية بس أنا كويس، ما حصلش حاجة لكل ده. اهدي، تمام؟ " قال يوسف وهو يهدئها. "تمام." أجابت حياة ببعض الهدوء. "اطلع ارتاح شوية يا ابني." قالت سمية بقلق. "أنا كويس يا ست الكل، بس مضطر أروح الشركة شوية، عندي شغل مهم." قال يوسف. "نحن ورانا ملفات كتير عاوزة مراجعة." أيد زين كلامه. "عملت إيه بخصوص الشركة المفروض نتعاقد معاها يا يوسف؟ " سأل حسام.

نظر يوسف وزين إلى بعضهما البعض بنظرات ذات معنى، ثم التفتوا إلى الجميع، ثم إلى حسام الذي فهم على الفور أنه موضع لا يحب مناقشته أمام الجميع. "خلينا نطلع على المكتب أحسن، يلا." قال حسام. "يلا." أجاب زين ويوسف. صعد الشباب إلى المكتب، وذهبت سمية للمطبخ لتعد لهم شيئًا خاصًا ليوسف الذي فقد دمًا كثيرًا. نظرت ليان إلى حياة نظرات مبهمة خبيثة، فارتبكت حياة منها كثيرًا فتهربت منها.

"اااا أنا هررررروح ااااساااااعد ماماما." قالت حياة بارتباك. وما إن قالت جملتها الأخيرة حتى فرت هاربة من أمامها. "ههههههههههه، وماله يا حبيبتي، روحي وأنا وراكي والزمن طويل ههههههههه." ضحكت ليان. ذهب ليان خلفها، فهي لن تتركها اليوم غير وهي معترفة لها بكل شيء في قلبها. استدارت سمية ورأت حياة وليان قادمتين نحوها. "تحبي أساعدك في إيه يا سوسو؟ " قالت حياة بود. "تساعديني إزاي يا وزعة وإنتي بشكلك ده؟ " ردت سمية.

نظرت حياة لملابسها، فرأت يدها ملطخة بدمه وجزء من ملابسها أيضًا. فتجمعت الدموع في عينيها وهي ترى دمه. فكم تتألم حين تراه يتألم. "هروح أغير وأغسل وأجي أساعدك يا ماما." أردفت بصوت مختنق من الدموع. "روحي يا حبيبتي وارتاحي لك شوية. ليان هتساعدني." قالت سمية بشفقة، فهي تعرف ما في قلب ابنتها. "حاضر." قالت ليان وهي تفر من أمامها قبل أن تنهار. أطلقت سمية تنهيدة حارة وعيناها تدعو لها.

"الله يخفف عنك ويهديكي ويصلح حالك يا قلب أمك إنتي." "بقولك إيه يا سوسو." قالت ليان وهي تريد أن تسحب كلامًا من سمية. "مممممم." "هي الصنارة غمزت من امتى؟ " قالت ليان بخبث. "وإنتي لسه واخدة بالك يا بت يا ليان؟ " ردت سمية بضحك. "على فكرة كده ظلم، أنا ليه محدش قالي." قالت ليان بغيظ. "المواضيع بتتفهم وهي طايرة، مش بتتقال بقلب عمتك إنتي." قالت سمية.

"أنا مبسوطة بجد يا سوسو إنه حياة وأبيه بيحبوا بعض، هم لايقين على بعض أوي." قالت ليان بفرح. "آه فعلًا، هي تستاهل كل خير، ويوسف ما شاء الله عليه جدع ومش هيزعلها، وه يحميها." قالت سمية بتنهيدة. "وبكده حياة مش هتبعد عننا أبدًا." قالت ليان. "مش بعد ما تعرف الحقيقة، هي هتكرهنا وتبعد عنا، وأنا مش هسمح لها تبعد عني، أنا ممكن أروح فيها." قالت سمية بخوف. "حقيقة إيه؟ " سألت ليان باستغراب.

"اللي هتخلي حياة تكرهنا وتبعد عنا يا عمتي." "هو أنا قولت كده؟ ما كنتش أقصد كده." قالت سمية بتوتر وارتباك واضح، وقد انتبهت لما تقوله. همت ليان لمجادلتها، إلا أن أتت الخادمة. "ناديتيني يا ستي." قالت الخادمة. "أيوا، خدي دول ووديهم لمكتب حسام بيه." "لا خلاص، روحي شوفي وراكي إيه، أنا هوديه لعمي." قالت ليان. صعدت ليان وهي تحمل بين يديها الصينية، فتوقفت وهي تستمع لهم.

في تلك الأثناء، كان يجلس حسام ويجلس أمامه يوسف وبجانبه زين. "حصل إيه يا يوسف؟ " سأل حسام. "نحن ما وقعناش الصفقة الجديدة لسه." قال يوسف ببعض التردد. "والسبب؟ " سأل حسام باستغراب. "أصل الشركة المفروض نتعاقد معها وتمدنا بالمواد اللازمة، فسخنا معاهم العقد، ويادوب لقينا شركة تمدنا بالمواد دي، ولسه ما وقعناش مع الشركة الجديدة، بس إن شاء الله نوقع الصفقة ونتفق في الاجتماع الجاي. فنحن هنتاخر شوية عن موعد التسليم." قال زين.

"ونحن من امتى بنتاخر عن موعد التسليم؟ " قال حسام بغضب. "ما حصلش مرة، ودي آخر مرة إن شاء الله." قال يوسف. "الشركة اللي فسختوا العقد معاها اسمها إيه؟ " سأل حسام. "شركة الدمنهوري." قال زين بتردد. "مش المالك بتاعها أحمد الدمنهوري؟ "لا، هو شريك فيها بس بنسبة ٤٥% بس." "عالله تكون مرتاح يا يوسف بيه، وإنت هتخلينا نخسر صفقة بملايين." قال حسام بغضب. "يوسف معاه حق يا عمي، لإن... "وإنت كمان بتقف معاه ضدي يا زين؟ " قال حسام بغضب.

"خليني أكمل كلامي بس يا عمي." "أحمد الدمنهوري بعد ما يوسف ضربوه، روح واشتكى ليوسف للبوليس وقدم شكوى غلط ضد يوسف." "قصدك إيه؟ " سأل حسام بانتباه. "قدم شكوى وقال فيها إني اعتدت عليه بعد ما سرقت منه ١٠ ملايين من شركته، وإني خالفت بند من بنود العقد ومدفعتش الشرط الجزائي فيها." "اتصل الضابط معتز فيا وقالي على كل شيء، وأنا اتصرفت معاه وعملت الصح." "عملت إيه؟ " سأل حسام بتوجس.

"يوسف أثبت براءته من كل تهمة موجهة ضده، واشترى كل أسهم أحمد الدمنهوري. يعني أحمد بقى مفلس بعد ما دفع مبلغ كبير غرامة على شهادته الزور اللي شهدها ضد يوسف، وكتب تعهد إنه ما يعترضش ليوسف أبدًا، وإلا هيتسجن باقي عمره كله." قال زين. "يا بني، أنا مليش غيركم، إنتوا عيالي، سندي وضهري، مش هقدر أتحمل يحصل لكم حاجة. أنا هروح فيها." قال حسام بقلق. "متقولش كده يا عمي." "الله يعطيك طولت العمر يا عمي وميحرمناش منك."

"في مجال شغلنا، الشخص بيكون له أعداء أكتر من عدد شعر راسه. وأنا كنت زيكوا، متهور وطايش، بعمل اللي شايفه صح، وما بيهمنيش النتيجة بعدها. وللأسف خسرت أعز شخص على قلبي، خسرت سندي، خسرت أخويا الكبير. فأنا مش هتحمل أخسرك إنت كمان." "حياة." قال حسام. "حياة روحي وقلبي ومراتي، وأنا مستعد أديها روحي، ومستحيل تعرف بالموضوع ده أبدًا." قال يوسف وهو يحتضنه. "وأنا واثق فيك يا ابني." "ونحن ملناش من الحب جابن ولا إيه؟ " قال زين بمرح.

"ملكش يا زفت." قال يوسف بغيظ. "كل ده عشان إني يتيم." قال زين. "إنت غبي يلا، ولا إيه؟ " قال حسام وهو يضربه. "مش إنت قولت إني زيك زي أبوك، وسمية زي مامتك، وإنه يوسف وسليم إخوانك، وحياة وليان أخواتك؟ "إنت وسوسو زي ماما وبابا، ويوسف وسليم إخواني، وحياة بس أختي، وليان إن شاء الله وبعد إذن حضرتك طبعًا مراتي." قال زين بإحراج. إلى هنا وانفجر كل من يوسف وحسام بالضحك. "مش قادر، شكلك مسخرة هههههههه." قال يوسف.

"بطل بقى يا يوسف." قال زين بغيظ. "ليان إن شاء الله وبعد إذن حضرتك طبعًا مراتي. هههههههه، هموت." قال يوسف وهو يقلده. "هههههههه، طب كنت اتقل شوية يا بني. مراتي مرة واحدة؟ هههههههه. إنت مش شفت شكله يا يوسف بعد ما قلت له إنه ليان تبقى زي إخوانه؟ كان هيعيط المسكين ههههههه." قال حسام. فانفجر يوسف في الضحك أكثر حتى أدمعت عيناه. "ده إنت بتشغلني يا أبو السويلم." قال زين بغيظ. ثم انضم إليهم في الضحك.

"هو أنا شكلي مفضوح أوي كده؟ "أوي أوي." قال يوسف بعد أن توقف عن الضحك. "طب يا أبو السويلم، أنا بطلب إيد ليان منك على سنة الله ورسوله، وأتمنى من حضرتك إنك توافق." قال زين لحسام. "أنا مش هلاقي حد زيك في أخلاقك لبنت أخويا يا زين، وعارف إنك هتحافظ عليها، بس الرأي رأي أخوها." قال حسام وهو يربت على كتفه. استداروا ليروا رأي يوسف فقط.

"الرأي رأيك يا عمي، أنا مليش رأي من بعدك يا عمي. هي بنتك وإنت مربيها، فحقق تسلمها للي إنت شايفه مناسب لها، وأنا مش هعترض أبدًا." قال يوسف، فقد كبر في عين حسام كثيرًا بكلامه هذا، وارتفع شأنه عند زين، فيوسف نعم الصديق. "طب أنا موافق، بس الرأي رأي العروسة." "طبعًا يا عمي، وأنا موافق على اللي تقولوا عليه." "يبقى على بركة الله."

قاطع حديثهم طرقات على الباب، فدَلفت الخادمة ووضعت الأشياء التي من المفروض أن تأتي بها ليان، وخرجت بعدما وضعتها على المنضدة. وقطع صمتهم صوت رنين الهاتف، فكان هاتف يوسف وهو يرن. فتحه، وما إن رأى اسم المتصل حتى أصابه القلق والخوف، فانتبه كل من حسام وزين لحالته هذه. "في إيه يا يوسف؟ " سأل زين باستغراب. أشار له يوسف بيده أن يصمت ورد على الهاتف. ثوانٍ وأتاه الرد. "يعني إيه يا بهايم، وأنا مشغلكم ليه بس." قال يوسف بصراخ.

"والله لو حصلها حاجة، مش هيكفيني أرواحكم كلكم." قال يوسف بغضب. "في إيه يا يوسف؟ " سأل حسام بقلق. "هي الحراس مش لاقينها، بيقولوا من يومين وهي مختفية ومش لاقينها." قال يوسف بتوتر. "هتكون راحت فين هي بس؟ " قال زين بخوف وهو الآخر. "والبهايم اللي عندك كانوا بيعملوا إيه وهي من يومين مختفية؟ هي دي الأمانة اللي أمنتَك إياها يا يوسف؟ " قال حسام بغضب. "أوعدك، أمانتك هترجع لك سليمة. يلا يا زين." قال يوسف بخزى.

"رجعهالي يا يوسف." قال حسام برجاء. أومأ يوسف برأسه وذهب لكي يسترجع أمانة عمه. "ربنا يرجعها بالسلامة يا رب، دي أمانة وشكلي معرفتش أصونها، دي بنت الغالي." *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** ***

*** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** ***

*** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** ***

رواية حياة الحديدي الفصل الحادي عشر 11 - بقلم منال آدم

تابعنا وما يفوتك جديد

التعليقات (0)

لا توجد تعليقات بعد

روايات مشابهة

شظايا شيطانية~للكاتبة صرخة المُشتاقه

خطيئة خيال

رحيل الهواري

دموع السيف

حكاية عشبة خضراء

مملكة سفيد

الإبلاغ عن مشكلة

تم إرسال البلاغ بنجاح!