رواية حياة فارس الصعيد الفصل العاشر 10 - بقلم جهاد موسىالفصول)

عند فارس كان في الجنينة، كان عمال يفكر مين هو الدراع اليمين للغول. قطع تفكيره طيف حياة وهي جاية من بعيد وبتقرب عليه بابتسامة وفي إيديها القهوة. فارس: حياة، انتي لازم تعرفي حاجة مهمة. حياة بخوف وتردد: إيه؟ فارس: حياة، أنا بحبك. حياة بصدمة: انت بتقول إيه؟ فارس بضحك: اقفلي بوقك بس. حياة بذهول: إزاي وامتى؟

فارس بتوهان: مش عارف، بس من أول مرة شوفتك وأنا توهت. رغم قسوتي معاكي وإني كنت ببين عكس اللي جوايا، بس صدقيني أنا عمري ما اهتميت بحكاية إنك متعلمة ولا لأ. أنا كان كل هدفي إنك متعلقيش بيا، بس أنا اللي اتعلقت بيكي.

وكمل بحب والدموع في عينيه: كنت كل ما أشوفك نايمة أفضل أتأمل فيكي، رغم إني كنت بهينك. كنتي بتفضلي تصلي وتدعيل لي. أنا مكنتش عايش. أنا كل اللي كنت بتمناه إني آخد حق سليم، ولما ريحت ضميري وأخدت حقه، مقدرتش أفضل ساكت واعترفتلك بحبي ليكي. حياة بدموع: أوعدني إنك متسبنيش. فارس بحب وهو بيمسح دموعه: أوعدك. تعرف أنا أول مرة أبقى ضعيف قدام حد كده. حياة: أنا هنزل الجامعة إمتى؟

فارس بغيظ: بقا أنا أقولك بحبك وانتي تقوليلي هنزل الجامعة إمتى؟ حياة: أنا خايفة. فارس بحب: من إيه؟ حياة بدموع: خايفة من الحب. بيقولوا اللي بيحب بيتكسر، وأنا معدتش قادرة. أنا قلبي مكسور لوحده. فارس: أوعدك إني عمري ما هكسرك. حياة: أنا عايزة أشوف ماما. فارس: ماشي، اطلعى البسي ونروح لها. عند هدى في الجناح بتاعها تحديداً. كانت بتكلم حد في الفون. هدى: متقلقش، كل حاجة ماشية زي ما أنت قلت. شخص: ...

هدى: لأ، مشكوك فيا. أنا قولتلهم إني ملقتش حد في المكان اللي اتخطفت فيه وهربت. عند حياة، كانت وصلت هي وفارس بيتها. خبطت على الباب وفتحتلها أمها بحب. حياة بدموع: وحشتيني أوي يا ماما. الأم بحب: وانتي أكتر يا نور عيني. بعد كده، الأم لاحظت إن فارس واقف. الأم بابتسامة: نورت يابني. فارس: ده نورك. الأم: اتفضل. فارس: هو فين نوح؟ الأم بتوتر: مجاش البيت من امبارح. حياة بخوف: ليكون جاله حاجة؟

فارس: متخفيش يا حياة، نوح مبيتخافش عليه. في مكان ما. شخص: نفذ. مجهول: أؤمرك يا باشا. عند ياسمين في الجامعة، كانت المحاضرة خلصت وكانت خارجة من المدرج، نده عليها دكتور حسام. ياسمين: نعم يا دكتور. حسام: امال فين الآنسة ورد؟ ياسمين بغيظ: تعبانة شوية. حسام بحب: بصراحة، أنا كلمت ماما عليكي إني بحبك، وهي نفسها تشوفك. ياسمين بكثوف: بجد؟ امتى؟ حسام: لو مفيش مانع، النهارده.

ياسمين بخوف: لأ، يوم تاني عشان مكنتش لوحدي، تكون ورد موجودة. حسام بسرعة: بس هي مسافرة، ومفيش يوم تاني. ياسمين: تمام. أخد حسام ياسمين وراحوا على بيته. خبط وفتحتله بنت بابتسامة. حسام: دي أختي يارا، ماما موجودة جوه. يارا بضحك: أيوه. بعد فترة قصيرة جداً. ياسمين بصراخ: ابعدددد عني!