رواية حياة فريد الفصل السابع 7 - بقلم احمد سلامة

دخل حياه وفريد إلى المدير والتعب على وجوههم. محمود: اقعدوا، شكلكم تعبتوا. فريد: اه والله. هو مفيش عمال نظافة هنا؟ محمود: لا فيه. ليه؟ فريد: ليه. علشان تعبنا وهما بيقبضوا على الفاضي. محمود: معلش. ثم وجه كلامه لحياه. روحي بقا يبنتي علشان مامتك. حياه: شكراً يا افندم. خرجت حياه ثم لحق بها فريد. حياه: افندم؟ فريد: انتي ليه بتعامليني كده؟ حياه: عايز ايه يا فريد؟ اخلص. فريد: دي طريقتك اللي أنا بكرهها.

حياه: تحبها ولا متحبهاش، أنا مالي. فريد: المهم عايزين نبقى أصحاب، بلاش نناقر في بعض. حياه: انسى. أنا مش زي اللي أنت تعرفهم. فريد: ما أنا عارف، علشان كده أوعدك إن أنا أتغير. حياه: توعدني؟ وأنا مالي. اعمل اللي أنت عايزه، أنا مالي. ثم تركته ومشيت. فريد: أنو اعترف دلوقتي إني أنا حبيتها. ذهبت حياه إلى بيتها وذهبت إلى والدتها وتسامرت معها، ثم ذهبت إلى غرفتها لتنال قليل من الراحة. في الشركة. فريد: أنا مروح يابابا.

محمود: مروح فين يا حبيبي؟ فريد: أنت خليت حياه تمشي ليه؟ أنا ممشيش. محمود: علشان دي هتودع أمها علشان مسافرة، فهمت. المهم خلي بالك منها وهي في الشركة، أوعى تزعلها. فريد: متقلقش يابا. تاني يوم الصبح. دلفت حياه إلى الشركة مع كل أمل. ذهبت إلى المدير. حياه: صباح الخير. محمود: صباح الخير يبنتي. اقعدي، عايزك في موضوع. حياه: بخصوص ماما؟

محمود: أيوه، بكرة إن شاء الله بليل هنمشي، هنروح على المطار ونعمل العمليتين وشهر بالكثير ونيجي. حياه بدموع: أنا خايفة على ماما. ومش مطمنة من حكاية السفر دي. محمود لتمطئنتها: متقلقيش، إن شاء الله مامتك هتبقى كويسة. دخل فريد بدون إذن ليجد العيون الجميلة تبكي. تأثر لدموعها وعطف عليها. فريد: فيه إيه؟ مالك يا حياه؟ حياه: مفيش. عن إذنكم. فريد: مالها يابابا؟ محمود بشك: وأنت مالك؟ تكونش حبيتها؟

فريد بكذب: أحبها إيه يابابا. هو أنا أحب دي على آخر الزمن. محمود بكذب: عموماً، فيه واحد من الشركة جالي وقال لي إذا كنت أعرفها ولا لأ. فريد بغيرة: مين دا؟ وعايز يعرف عنها إيه؟ محمود: وأنت مالك؟ عايز منها إيه؟ فريد بغضب: أنا ماشي. ضحك محمود عليه. والله بيحبها.