رواية حياة قلبى الفصل الخامس 5 - بقلم شهد مصطفى

الجزء ٥أهدى البارت ده لأختى وصديقتى العزيزه ♥️ ثقة في الله ♥️لأنها اول من توقعت شخصية ديب وقالت انه انسان وده عرفته من البارت الاول واشكرها على دعمها الدائم لى.&&&&ــ&&&&&&&&&&&&&&&&&&وكيل

النيابة: وده دليل على كدب المتهمه ازاى شاب عنده ١٨ سنه ويعيش بين الديابه وبعدين عمر الديب مش متطابق مع عمر اخوها لو حسبنا السيول كانت من ٣٠سنه ف..صفيه: انا عارفه كلامك كله اخويه شوقى كان شاب يعنى لو تايه في اى مكان كان هيحاول يتصرف كان هيدور على الناس على العمار مش هيعيش وسط حيوانات. اما ديب فكان طفل صغير قليل الحيله لقى نفسه تايه في مكان موحش بس رحمة ربنا وعظمته جعلت الحيوانات اللى كانت هتفترسه تكون الامان والحماية له.الديب مش شوقى اخويا الديب يبقى خالد اخويا اللى راح مع السيل وكان عمره ٣سنين ولو حسبتها هتلاقى عمره متطابق مع عمر الديب.المحامي

بمراوغه: بس ده مش دليلصفيه: انت سألت عن اخويا وجاوبت اما الادله فده كلام تانىالقاضي: وعرفتى انه اخوكى من نظره واحده وبعدها اغمى عليكىصفيه: أنا.قالقاضي: قلبك ارتعش بس من نظره واحدهصفيه بابتسامة: ليه انت مش معترف بالحب من اول نظرهضحك القاضي وقال: طيب احكى لى عن أول نظرة.لأ نقول تانى نظره عملتى ايه أول ما دخلتى عند الديب تانى مره؟

اختفت ابتسامه صفيه ورجعت بأفكارها لتانى مره شافت الديب . كانت ماسكه بإيد جوزها الدكتور مهاب ووقفت تبص على الراجل الناضج جسمانيا لكنه بيتصرف كحيوان.كان بيعوى وينبح لكنها كانت مبتسمه.وبدون ماتشعر اتحركت خطوتين لناحيتهفي نفس اللحظة اللى هجم عليها الديب وعضها في ذراعها.فصرخت صفيه من قوه في حين ضرب مهاب الديب عشان يسيب ذراع صفيه..فبطريقه غريزيه ترك الديب ذراع صفيه وبدأ يهاجم مهاب اللى سحب صفيه بسرعه وخرج بره الغرفه.واخدها بسرعه لغرفة المراقبه وجاب علبه الإسعافات

لتطهير جرحهامهاب: انتى اتجننتى بتقربى عليه ليه بتحسبيه بنى ادم وراحه تتعرفى عليه ده ديب يعنى جسم الانسان مع سلوك حيوان مفترس.انهمرت الدموع من عيون صفيه.مهاب: طيب بتعيطى ليه هى العضه بتوجعك اوى كده. استنى هجيب لك مسكنهزت راسها بلا وقالت: مش العضه اللى وجعانى اللى جوه هو اللى واجعنى.مهاب: الديبصفيه: شفت عينيه يا مهابمهاب: مالهاصفيه: دى عنين امى يا مهاب نفس عنيها نفس نظراتها حتى ملامحه نفس.مهاب: نفس ايه

انتى اتهبلتى وبتخرفىصفيه: لا يا مهاب انا مابخرفش انا قلبى ارتعش اول ما شفته حسيت به اوى ده مش غريب عنى يا مهابحط مهاب ايده على جبين صفيه وقال: حبيبتي هو انتى محمومه بتخرفىصفيه بدموع: انا مش بخرف يا مهاب ده خالد اخويا انا عرفته وحسيت به من أول نظره ده اخويا اللى اخده السيل من ٣٠ سنه يا مهاب شفت رحمة ربنا الكبيرة ارجع لقريتنا القديمه واشتغل في الصحراء عشان ألاقى اخويا الضايعمهاب:

ده اسمه تخاريفصفيه: انا مابخرفش انا متأكده وواثقة ميه في الميهمهاب: واثقه ايه ده انتى لسه شايفاه من نص ساعة وكمان عضك فيهم.طيب نفرض ان كلامك صحيح فلازم نتأكد ونعمل تحليل D.N.A.صفيه: وانا موافقه اعمله من دلوقتي انا مش هتوه عن اخويا انا قلبى حس به من اول ما شفته وانت عارف احساسى كويس.مهاب: لا اله الا الله يعنى لما تلاقى حد من اخواتك تلاقى وحش مفترس الكل خايف منهصفيه: مين اللى خايف من مين ؟!

يا مهاب انت مابصتش في عيون الديب ماشفتش نظرته ده هو اللى مرعوب مننامهاب بسخرية: لا والله وكمان حللتى نظرته وده امتى قبل العضه ولا بعدهاصفيه: يا حبيبي انت عارف ان سلوكه كلها حيوانيه والحيوان لما بيخاف بيهرب ولأنه خالد ملوش مكان يهرب فيه فلجأ للهجوم وده رد فعل طبيعي جدا.ده عايز حد يطمنه ياخده في حضنهمهاب: ياسلام انتى خلاص سمتيه خالد ((وبعدها انتبه لكلامها) ) وبعدين ايه حضن دى يا ام حضن لتكونى عايزه تحضنى الديبصفيه

بابتسامة على غيرته: هاعملها اكيد هاعملها بس مش دلوقتي لما نتيجة التحليل تطلع وأأكد للكل انه اخويه.مهاب: والله العظيم انتى مجنونه هتروحى فين هترجعى مكتبكصفيه: طبعا لأ انا شغلى هنا مع خالد انت ناسي ان أنا اللى اصطادته وأنا اللى هكون مسؤوله عنه.وده في صميم شغلى.مهاب: ضعنا والحمد لله انا هاخرج وابعت لك وليد هو اللى مباشر الحاله

من أول ما جبناه هناصفيه: ماشى$$$$$$$$$$$$$$$$$$$$$$$$كانت صفيه بتراقب الديب على الشاشة ونظراتها كلها حب في حين دخل وليدوليد: الحمد لله ان فيه حد هيباشر معايا اصل الاخ ده تاعبنى على الاخرصفيه: في ايه بالظبط حددوليد: في كل حاجه يعنى غير انى مرعوب منه بس صعبان عليا تعرفى انه ما اكلش اى حاجه من ساعة ما جبتوهصفيه بفزع: ازاى تسيبوه كل الايام دى من غير أكل انتوا اتهبلتوا اتاريه بيهاجمنا عشان

جعان يا قلبى عليهوليد: حيلك حيلك سايبينه ايه ده انا احترت معاه.مره احط له لحمه مطبوخه ومره احط لحمه نيه وهو لا بياكل دى ولا بياكل دىفكرت صفيه شويه وقالت: طبعا اكيد ما ياكلش من الحاجات دي لأنه ببساطة من الرئيسيات يعنى مالوش في الجيف ومابياكلش

إلا صيده وبسوليد: جيف ايه دى لحمه جزار بلدى انتى عارفه الكيلو بكام ده ب٤٥٠ جنيه.صفيه: ان شاءالله يكون بألف ده مابياكلش الهبل ده استنى بس وأنا هوريكوخرجت بسرعه ونادت على الساعى اللى خرج وبعد نص ساعة رجع ومعاه ارنب صاحىفأخذته صفيه ودخلته من الفتحه المخصصة في غرفة الملاحظه ورجعت بسرعه تتابع في الشاشات هى ووليد وبعض الباحثين اللى بيوثقوا المشهد والكل بيتابع.

(( كان ديب جالس ثانى ركبه وجسمه ممدود للامام وساند راسه على ذراعيه الاماميتان((وضعية الكلب المستلقى) ) وفجأة انتبه لوجود شيء بيتحرك فرفع رأسه ببطء وبتركيز شديد ((والكل بيتابع بنفس التركيز) )وفجأة حدد الديب مكان الارنب وثبت نظره عليه.وفى اقل من خمس ثواني قفز فيها الديب قفزتين والتالته كان ماسك الارنب بإيديه وأسنانه.وبعدها (( مزق الارنب باسنانه وبدأ يلتهمه)

)الكل كان مصدوم من سرعة الديب الشديدة ومن قوته ومهارته.مر ثلاث ايام وكل يوم تقدم صفيه الارنب للديب بس كانت بتتعمد تفتح الباب وتقدمه له عشان يعرفها وكل مره تتحرك خطوه جوه الأوضه .وفي اليوم الرابع والكل مشغول في تدوين الملاحظات فتحت صفيه الباب ودخلت عند الديب وقفلت الباب بسرعه.أول ما شافها الديب بدأ ينبح بصوت عالى.وقفت صفيه في مكانها لحظات والإصرار غريب قعدت على الأرض في مكانها.

(( في نفس الوقت خاف عليها زملائها فجري البعض منهم ينده للدكتور مهاب والبعض حاول يفتح الباب لكن صفيه كانت قافله من جوه وخاف البعض انهم لو خبطوا كتير يثير الصوت العالى غضب الديب فيهجم عليها) )&&&&&&&&&&&&&&&&&بصت صفيه للديب وقالت: متخافش يا خالد انا اختك صفيه مش عارفنى.؟! طيب مش فاكرنى! احنا كنا بنلعب مع بعض واحنا صغيرين فاكر! طب حاسس بيا زى ما انا حاسه بك!!!! . الغريبه ان الديب هدء جدا وسكت وبدأ يبص لها.صفيه

بدموع: طيب فاكر بابا ! احنا حالنا اتغير اوى بعد ما..... بعد ما اختفيت انت واخواتى بابا شال الهم والناس بتعزيه في مراته وأولاده التلاته.ماطقش يعيش في المنطقه الجديدة اللى نقلونا فيها فأخدنى وسافر على مصر (( القاهره) ) والايام نستوا الحزن شويه بشويه ولا يمكن مانسيش لكن الدنيا مابتقفش على حد اتجوز وخلف. (( ابتسمت)

) تصدق سمى البنت كريمه على اسم اختى الصغيرة والولد شوقى وقال ربنا عوضنى عنهم بإخواتهم.بس انت لأ مارضيتش يسمى اخويا التالت خالد وقلت له لأ الاسم ده بالذات لأ وكأن قلبى كان حاسس انك عايش ((غير الديب وضعيته وجلس على الارض ومد ايديه للامام وارخى رأسه على ذراعه) ) فتجرات صفيه وزحفت ببطء لحد ما قربت منه وببطء شديد مدت ايديها له ومسحت على شعره واكتافه بهدوء فغمض الديب عيونه براحه لأول مرة.

(( فمهما كان الديب متوحش او سلوكه سلوك حيوان إلا ان لمسه الحنان اكيد هتأثر عليه وخاصة انها المره الاولى) ) في حين كان الكل بيراقب صفيه على الشاشات والبعض بيدون كل موقف بيحصل وبيسجل رد فعل الديب.&&&&&&&&&&&&&&&&&&&وقفت صفيه ساكته في مواجهة مهاب الغضبان : ايه اللى انتى عملتيه يا صفيه انتى اتجننتى خلاص ازاى تدخلى عنده وتقفلى الباب يعنى لو هجم عليكى كنا هنتصرف ازاى؟ صفيه

بهدوء: بس ماهجمنيش.مهاب: وافرضى هاجمك كنتى هتعملى ايه ؟ صفيه: انت خايف عليا من اخويا ده اخويا عمره ما يئذينى ولا يضرنى.مهاب: أولا حتى الأن مفيش دليل انه اخوكى ثانيا ده متوحش بيتعامل كديب يعنى

غدار مالوش امانصفيه بغضب: اولا ده اخويا ونتيجة التحليل هناكد لك ثانيا ده مش حيوان ده انسان ومش غلطته انه عاش وسط الحيوانات والمفروض مننا كلنا اننا نساعده عشان يكتسب السلوك الإنساني مش نعامله كحيوان.مهاب: وعشان تكسبه السلوك الانسانى نتهور زيك وندخل ونقفل البابصفيه: قلت لك مش خايفه منه ده اخويا من لحمى ومن د،مى.يعنى امانى وحمايتى و... (( قاطعها في كلامها سماعها صوت الديب يعوى وينبح بصوت عالى)

) فجريت هى ومهاب بسرعه لغرفة الملاحظه وهناك شافوا الدكتور سعيد مدير المركز واقف وفيه اتنين واحد بيصور ڤيديوا والتانى بيصور فوتوغرافي والثلاته عند الباب والدكتور سعيد بيوجههم.سعيد: صورت الڤيديو وهو بينبح وهو بيهاجمناالمصور: الفيديو مش واضح أوى عشان كنا بتجرىالدكتور سعيد: طيب احنا كمان خمس دقايق تجهز الكاميرا وندخل وهو بيهاجمك انا هاشدك من ظهرك بحيث تصور المشهد كامل.المصور الفوتوغرافي: انا

صورته وهو بيهاجمكمصفيه: دكتور سعيد حضرتك والاتنين دول بتعملوا ايه هنا ؟ وايه الصور دى وليه؟ دكتور سعيد للمصورين: كملوا شغلوكوا انتوا.تعالى معايا يا دكتوره افهمك.صفيه: تفهمنى ايه مفيش اى حد هيصور ولا هيقرب من خالد انتوا فاهميندكتور سعيد: لو سمحتى يا دكتوره سيبى الرجاله تكمل شغلها وتعالى معايا انتى والدكتور مهاب وانا هفهمكوا.$$$$$$$$$$$$$$$$$$$$$في مكتب

الدكتور سعيددكتور سعيد: بصى يا صفيه في الوقت اللى كنتوا مشغولين مع احمد ومازن الله يرحمهم وأول ما اكتشفنا ان الوحش ده انسان اقترح عليا واحد اننا نسجل فيديو له وهو في صورته الحيوانيه بشعره الكثيف واضافره الضخمه كنوع من التوثيق وبرضوا عمليه حلاقة الشعر والكشف عن ملامحه البشريه لأول مره.وبعدها احنا اعلنا عن اكتشافنا المزهل ده في كل الوسائط العلميه وعلى المواقع العالميه.صفيه بسخريه: لا والله وبعدين.جامعه (.....

الأمريكية ابدت اهتمام كبير بالموضوع وعرضت علينا انها تشارك معانا في الدراسات العلميه والسلوكية الخاصه بالتدريب.صفيه: وهما مالهم بينا يجوا يتدخلوا في حياتنا ليه؟ مهاب: لو سمحتى يا صفيه اهدى شويه.وبعدها وجه سؤاله لدكتور سعيد: وده في مقابل ايه؟ دكتور سعيد: هيقدموا لنا مقابل الدراسه دى منحه ماليه تقدر ب٣مليون دولار.مهاب: أاااااه مش تقول فيها وطبعا وافقتدكتور سعيد: أولا انا ارفض اللهجه دى يادكتور في الكلام معايا.دكتور

مهاب: اسف يا دكتور سعيد مااقصدشدكتور سعيد: ثانيا انا مش حر نفسى عشان اقبل أو ارفض ده قرار الجهات العليا اللى وافقت وبعدين ده في مصلحة الكل وخاصه الديب لان دى جامعه كبيره عندهم خبره أكتر مننا.صفيه: ليه ان شاء الله مربيين طرزانات في الجنينه بتاعتهم عشان يبقى عندهم الخبرة دول زيهم زينا لا هيعملوا اكتر مننا ولا هيفيدونا في

حاجهدكتور سعيد بعقلانية: يبقى يجوا نخبط سوا واحنا برضوا هنستفيد بالفلوس اللى هتيجى منهم . واحنا كلنا هدفنا واحد و هو مساعدة الراجل اللى جوه أنه يتخلص من سلوكه الحيوانى ويبقى انسان طبيعي صح.صفيه بتفكير: صح بس بشرط انى اكون من ضمن الفريق المصري اللى هيساعد معاهمدكتور سعيد : ماشى مافيش مشكلهصفيه: ومفيش اى قرار ياخدوه الا بموافقتى انا شخصيادكتور سعيد: بصفتك ايه؟ صفيه بغضب: بصفتى اخته وانا

اللى مسؤوله عنهدكتور سعيد: لحد ما تطلع نتيجه ال (( D NA) )فإنتى مجرد عضو في الفريق ولما تطلع النتيجة هيكون لينا كلام تانى..هزت صفيه راسها وقالت: فعلا هيكون لنا كلام تانى.&&&&&&&&&&&&&&&&&&اسفه انى اتأخرت يوم بس والله انا لسه مخلصه البارت حالا.الساعه ١٢:٤٠ دقيقه ظهراطبعا هسألكم توقعاتكم ؟ هيحصل ايه في الأحداث الجايه؟ وهيعمل ايه الوفد الاجنبى مع ديب؟ وايه توقعاتكم لنهايه القصه تتوقعوا هتنتهى على إيه ؟

والسؤال الأهم حتى الان محدش عارف تهمة صفيه إيه ؟ وليه دخلت السجن ؟ وأكيد هقول لكم الاجابه عن كل الاسئله دى في الأجزاء الجايه.واحب أوضح أن قصه ( ديب) مش طويله يعنى هتخلص بعد بارتين أو ثلاثة بالكتير.